IIMU/UUNGW 10:8 - Biblía Axweesantá Hhohho' ar Mungú 2004

⁸ Kushi Nimrodi guri laqwaál. Inós tay heé geera oo waawuti'iimár /uuruú koom gawaá yaamuwo.

IIMU/UUNGW 10:8 Iomraidhean Croise

IIMU/UUNGW 10:7

Daaqoó Kushi a Seba, nee Hawila, nee Sabta, nee Ra'ama nee Sabteka. Nee daaqoó Ra'ama a Sheba nee Dedani.

IIMU/UUNGW 10:9

Inós a slakaatusmoó ilakaahaár dír geeraá AAKOÓ MUNGUHE. An gár muu is kaahi, «A adór Nimrodi, slakaatusmoodá' ilakaahaár dír geeraá AAKOÓ MUNGUHE.»

IIMU/UUNGW 2:13

Nee umuú yaaér tsár a Gihoni, an yaaér yaamaá Kushi sleémeero gaa harwet.

1 QOM'I 1:10

Kushi ina laqwaál Nimrodi kuduú migusmo baraá yaamuwo.

ISAYA 18:2

kudá ya/abuuser'ín ya/abiitá' ar baraá yaaér Nili, kudá' aa'aá kakaawá' ar baraá ma'aay ar miringér taa tleéhh ar oombas. Tlawsé', kuungaásingaá ya/abuusér islahh, tlawsé', amór múk tledaadét nee oo slaqooín natsaatsa'á', amór mukdá' dae tlaáq umuú diiro, amór xooroodá' /uuruú koom nee baalaaliim, tidá' yaamuuwós taa qasiís nee yau.

MIKA 5:6

Inooín yaamaá Ashuru kiri baal ar paánga, yaamaá geeraharusmooín oo geera oo ta bay Nimrodi kiri sawaawuti'ín ar xoslaá slaqwara. Inooín atén tari baraá dabaá múk Ashúrú wa tu/iyá', qoomár múk Ashuru birna baraá ayaarén i hardáh, nee yaamuurén biringa kalaa/iyé'.