IIMU/UUNGW 10:5 - Biblía Axweesantá Hhohho' ar Mungú 2004

⁵ Xwaylar'ín an iimu/úngw mukdá' sleémeero bihhaá tlawtá wa hoót. Mukwí an xwaylár Yafeti. Inooín tana doogaagín, tari hoót, umuú tlahhaywo nee yaamuuín nee tsifrir'ín nee xooror'ín.

IIMU/UUNGW 10:5 Iomraidhean Croise

IIMU/UUNGW 10:20

Kuká' an na/aá daaqoó Hamu adoodár tlahhi'ii'ín i dirii'iya' nee tsifrir'ine, yaamuuín nee xooror'ine.

IIMU/UUNGW 10:25

Eberi daaqoó tsár guri laqwaál, oo wák umuuwós a Pelegi asma qoomaarós tidae muu ina diyaya/aát baraá yaamuwo. Hhiyaawós umuuwós a Yoktani.

IIMU/UUNGW 10:32

Adoorí an adór tlahh'aá daaqoó Noa i dirii'iya', adór xwaylar'ín nee xooror'ine. Baraá mukwihe xoordu sleémeero nina tsiyayaaxatiyé' baraá yaamu alaá tluwoó da/atene.

IIMU/UUNGW 10:4

Daaqoó Yafani a Elisha, nee Tarshishi, nee Kitimu nee Dodanimu.

IIMU/UUNGW 10:6

Daaqoó Hamu a Kushi, nee Misri, nee Puti nee Kana'ani.

IIMU/UUNGW 9:19

Daaqaywí tamaawo an daaqoó Noa. Xwaylar'ín iri kumít, yaamu niri hatsiyé' muko.

ESTA 10:1

Waawutmo Ahasuero ohme gari ohín baraá ayeemoowo nee baraá ayeemaá afaá tlawto.

WARA'AMI 72:10

Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 24:15

AAKOÓ MUNGÚ kuri xirfayeemiis da/awe, mukduú afaá tlawtá hoót, umuú AAKOÓ MUNGÚ, MUNGÚ Israeli, nguri xirfayeemisiyá'.

ISAYA 40:15

Ga/aawaak dirose xoordu a adór taxaatár ma'aay ar baraá sirwi. A adór teerír baraá xooslmoó tar qoomeemesi. Ga/aaweek, tam yaamaá niina awa baraá tla/ángw tlawi a adór teerír natsatsaa'.

ISAYA 41:5

Ayeemaá afaá tlawi muruuwí ngwaa ariyé' nay da'ayutiyé', yaamu sleémeero niri daaraxaatiyá', muu sleémeero tina burumbuúr niri hardihiyé'.

ISAYA 42:10

Daa'ángw /abén daa'aak dír AAKOÓ MUNGÚ, hhapeemo sleémeero xirfuuwós ngu daaiye'. Gimsé' tlawi i /orotl nee umuúqo gár baraadá' i diriia, ayeemaá sawen nee yaamuloouuser'ine.

ISAYA 42:4

Inós i diqay tsatitiiká laqaá i munesi'iiká. Ay dír sakwasleemár ganaa' ngay gawdeesi baraá yaamuwo. Yaamaá sawen hara'ayaarós ngin daamaraná'.

ISAYA 49:1

Aníng iiárií qaasaré' kuungá' hhapaá sawen, iia qaasaak kuungaá múk sawén, AAKOÓ MUNGÚ ina ateét qoomár aníng niwa baraá guruú aayoórí kaahh, ina umií tsaát qoomár niwa baraá guruú aayor'eéní kaahh.

ISAYA 51:5

Ba/amar'eé' ni gaanslár hardát. Ba/amaadá' naa huúw ka geehhoo'. Dakw'eé' muu gu sawaawuti'ín. Kuungá' hhapeemaá sawen daamaré', /uuruueé' na harahhifaak.

ISAYA 59:18

Wakuuse ga muux har afiqoomoó tlehhmi'ii'ín. Buhhtaawós nee li/aywo gin buu' gawaá wakuuseerós, tam múk ayeemaá afaá tlawi sleeme gun muux.

ISAYA 60:9

A miringér baraá ma'aay tidá' yaamaá afaá tlawtá daahh, kinga geerahaár nee miringér Tarshishi. Tidá' na/iiwók ngaa amór saáwa ki/is, peésar'ín nee sahaábu ngi koná' as daanduú umuú AAKOÓ MUNGÚ, Munguúhúng, nee daanduú Kudá' wák oo Hhoohhoó' oo Israeli, asma inós kuungá' nuna xirfayeés.

YEREMIA 2:10

Xáy, gimsé' tlawi waarahhaak ay Kipro ka aandá', laqaá muu ya/aawaak amór Kedari siitsawe ka ay, barnaxes gár adór tí aa tleehharút.

YEREMIA 25:22

Waawitá sleémeero oo Tiro nee Sidoniro, nee waawitá sleémeero oo afaá Tlawtá Tla/aangw.

ESEKIELI 26:15

Anuú Aakoó MUNGÚ Tiro an babaw, «Yaamuloouusér afaá tlawi tlunaa/ír huuamaawók birnga axaasiyé', nee /aa/aá múk taa slahh'eemisi, nee kudá' taa tsu/i afor'ín barka axaás tari daaraxaat.

ESEKIELI 26:18

Hamí daxta yaamuudá' saawá' afaá tlawto naa daaraxatiyé' asma hu'umaawók. Kudá' sawen naa kwisliitiyé' as kiíng tawa hhaán.›

DANIELI 11:18

Aluuwo iri warqáy yaamaá yaariir awa afaá tlawi giri i haratláy nee giri baal. Ala slaqwarusmoó dahaaymo inós gu baal nee daara/aangós iri furguu/, waawutmoó /iya tsi'itós guri i kí/.

SEFANIA 2:11

AAKOÓ MUNGÚ inooín gin ló'wa dae tsaat. Inós munguaá hatlá' sleémeero baraaká' yaamuwo gin hhaasúy. Daqaní xoordu sleémeero inós nguri i tumbarara'amitiyá' umuú heewo dirós tidá' i dirii'i.

DABE 32:8

Qoomár kudá' úr oo gáwtí dirií' xoordu ngiwa aalir'ín i haniís, qoomár inós muu nguwa qasiís, digeemi gina qaás awa muu, adoodá' faarór na/aá Israeli i diri'.