IIMU/UUNGW 10:15 - Biblía Axweesantá Hhohho' ar Mungú 2004

¹⁵ Kana'ani iri laqwaál Sidoni, garmaawós oo baris. Aluudae iri laqwaál Heti.

IIMU/UUNGW 10:15 Iomraidhean Croise

IIMU/UUNGW 23:3

Abrahamu tuuár hareerós gari geexáy, iri tláy tawa axweesi nee múk Hiti, guri báy,

IIMU/UUNGW 24:3

Án kuúng u lo'ór /aymiís ar umuú AAKOÓ MUNGÚ, Munguú doori nee yaamu, harér garmaaeé' ma lehhtuú awaar baraá tla/ángw dasuú múk Kana'ani, kwí nee atén alhootá'.

IIMU/UUNGW 49:13

«Sebuluni hotaangós a baraá afaá tlawi, yaamuuwós tari wa/amér miringér uren ki sihhtimiisi. Harki/isoó yaamuuwós tari Sidoni.»

2 SAMUELI 11:3

Daudi hee guri ya/aáw, /ameenidá' ngiwa yaahasi, axáy a harér heemá? Heedaádá' Daudi guri báy, «/Ameenirí a Bat-sheba, dasír Eliabu, nee a harér Uria heé xoorór Hiti.»

2 SAMUELI 24:6

Tari hardáh ay Gileadi, aluuwo ay Kadeshi baraá yaamaá múk Hiti, aluuwo tari hardáh ay Dani, didár Daniro tawa tláy tari harweerín ay Sidoni.

1 QOM'I 1:13

Kana'ani ina laqwaál Sidoni garmaawós oo baris, nee Heti,

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

TI'INAANGW 34:11

Hara'ayaarí laarí ni kuúng babaw harmagahheek! Ga/aaweek aníng xoorór Amori nee ar Kana'ani, nee ar Hiti, nee ar Perisi, nee ar Hifi, nee ar Yebusi an geerahúng wa tlatlahhaás.

ISAYA 23:4

Muruuté' kuungaásá Sidoni, múk gixsar'ín taa harweér ar koo/ír gawit, asma tlawi sleeme kaangwí gu alki/ít i kat, «Aníng asltá xwayla aga baloó tsaqiiká, sleeme aga baloó laqwaaliiká, daaqoó naa umiím i kaahh, tam dasuú naa ureemiís i kaahh.»

YEREMIA 47:4

Asma baalár múk Filisti sleémeero kuwa hhaamisi naa hardát, kun hhaamiis iimír Tirór wa tleemu ay Sidoni, umuúqo alee/isusmoó aa meet sleeme. Asma AAKOÓ MUNGÚ múk Filisti gu hhaamimiis, mukdá' aa meet oo yaamaá Kaftori kudá' tla/ángw tlawi.

ESEKIELI 27:8

Múk Sidoni nee oo Arfadi a múk miringeerók madadiít, mukók oo sageeloén i baraadá', ta gadiyuus adór múk gadiyuús baraá ma'áy wa alé.

ESEKIELI 28:21

«Heewí, warqáw amór gixsár Sidoni.

YOSHUA 11:8

AAKOÓ MUNGÚ slaqwaruusér waawutmoó Kana'ani gari haniís gawaá dabaá slaqwaruusér Israeli. Slaqwaruusér Kana'ani kari guús kay puruúts ay gixsár ur ar Sidoni nee Misrefot-maimu, bihhaá da/aawe tari puruúts ay xatstá Mispe. Slaqwaruusér Israeli muu sleémeero guri tsú/, tam heé aa meet i kaahh.

1 SAMUELI 26:6

Daudi Ahimelekiduú Hiti nee Abishai hhiyoó Yoabu garmoó Seruya giri báy, «Heé nee aníng al/eetá' amór xaftá Saulo a heemá?» Abishai iri oó', «Án nee kuúng ti koomaán.»