IIMU/UUNGW 10:10 - Biblía Axweesantá Hhohho' ar Mungú 2004

¹⁰ Iimu/úngw waawuti'iimarós a yaamaá Babuloni, nee Ereki, nee Akadi. Gixsaduuká' sleémeero i baraá yaamaá Shinari.

IIMU/UUNGW 10:10 Iomraidhean Croise

IIMU/UUNGW 10:9

Inós a slakaatusmoó ilakaahaár dír geeraá AAKOÓ MUNGUHE. An gár muu is kaahi, «A adór Nimrodi, slakaatusmoodá' ilakaahaár dír geeraá AAKOÓ MUNGUHE.»

IIMU/UUNGW 11:2

Alaá muu iwa bihhaá da/aáw wa tláy, xatsa kana ár baraá yaamaá Shinari. Tay amoodá' wa hoót.

IIMU/UUNGW 11:9

Gawaá adoorihe umuú gixsadá' kuri báy Babuloni, asma didá' an dír Mungú tsifrír yaamu sleémeero ngiwa qasmiís. Nee iimír didae AAKOÓ MUNGÚ muu guri diyayaá/ gawaá daanduú yaamu sleémeero.

IIMU/UUNGW 14:1

Qoomár Amrafeli tawa waawutmoó yaamaá Shinari, nee Arioki tawa waawutmoó yaamaá Elasari, nee Kedorlaomeri tawa waawutmoó yaamaá Elamu, nee Tidali tawa waawutmoó yaamaá Goi'imu,

ISAYA 10:9

Xaysé', Kalno adór ngi laaq a adór Karkemishirokáhe? Hamati a adór Arpadirokáhe? Samaria a adór Damaskorokáhe?

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 39:1

Qoomaadae waawutmo Merodak-baladan, garmoó Baladani, waawutmoó Babuloni ngiwa axaás adór Hesekia ira tiíq, nee adór ira huunguú/, guri ya/abuuseérí ya/aáw kuwa barwito'órí huwi nee qeemu dimbadimbé.

YEREMIA 21:2

«Na'ás, ti aleefiriin dír AAKOÓ MUNGUHE, asma Nebukadnesa waawutmoó Babuloni slaqwara gaa iimu/ún daanduurene. Doóqa AAKOÓ MUNGÚ tlehhmuú waa/oo/amo gu tleehh, adoodá' ngur tlehhaahhiti, nee daqaní Nebukadnesa doóqa atén ti máy, iri tláy.»

YEREMIA 50:1

Kaangwí an axweesantá AAKOÓ MUNGÚ tidá' aarusmo Yeremia aa axaás daanduú yaamaá Babuloniro nee yaamaá Kaldayo,

YEREMIA 50:21

AAKOÓ MUNGÚ i kaahi, «Tlawsé' haratlawé' amór yaamaá Merataimu, nee haratlawé' amór yaamuloouusér Pekodi, tsu/uuté', ló'wa hhaamiisaak. Umuú gár naa ooi tleehhaak.

ESEKIELI 27:23

Yaamulouusér gixsadaá Harani, nee ar Kane nee ar Edeni nee mukduú Ashuru muruú tlaxuuma, nee oo Kilmadi, halaanu'uuma ana tlehhé' nee kiíng.

DANIELI 1:2

Aako Mungú Yehoyakimu waawutmoó Yuda guna máy kuwa oohi nee waawutmoó Babuloni, nee xooslaá Doó Mungú giri bahh ar tláy ay baraá yaamaá Shinari, ay baraá doó munguúwós. Xosluudá' gari baáts baraá doó munguúwós.

AMOS 6:2

Gimsé', qaytsité' baraá gixsár Kalne, daqaní ta kumitá' ay baraá gixsadá' ur ar Hamati, nee ta baráy /etá' ay yaamaá Filisti dír gixsár Gati. Xáy, inooín an ak tsiníhe ta yaamaá Yuda nee Israeliwo? Xáy, yaamuuín ki úre ta koohunge?

MIKA 4:10

Kuungá' múk Yerusalemu, kumiité' baraá slahh'amaayeero nee /ifooro, adór /ameenír xwayla. Asma daxta kuungá' a ti'itá' baraá gixsaro, tari hotaá eerá' baraá tsee/aá /awaak. Aqo an yaamaá Babulónírí hardatá'. Ala amoodae kuungá' tundu tuu/ AAKOÓ MUNGÚ kuungá' nu ba/amis, nuri baraá dabaá wakuuserhúng wa gweer.

MIKA 5:6

Inooín yaamaá Ashuru kiri baal ar paánga, yaamaá geeraharusmooín oo geera oo ta bay Nimrodi kiri sawaawuti'ín ar xoslaá slaqwara. Inooín atén tari baraá dabaá múk Ashúrú wa tu/iyá', qoomár múk Ashuru birna baraá ayaarén i hardáh, nee yaamuurén biringa kalaa/iyé'.

SEKARIA 5:11

Aníng iri báy, «Kan huuw ay yaamaá Shinari, kari dó'owí tleehh. Bál bar do' aa hhooáy, lakwaanti kari baraadií baats.»