IIMU/UUNGW 1:29 - Biblía Axweesantá Hhohho' ar Mungú 2004

²⁹ Mungú iri oó', «Ga/aawaagáy, mamaá dahaasíngw koomá' sleémeero kudá' naa ti'iitiye' baraá yaamuwo, nee xaa'aá mamaá koomá' awa dahaasíngw koomá' baraaine, sleémeero ngaa haniís as tawa muruú /aymarhúng.

IIMU/UUNGW 1:29 Iomraidhean Croise

IIMU/UUNGW 2:16

AAKOÓ Mungú heedaádá' guri hara'ayín guri báy, «Mamaá xaai sleémeero awa baraá asalmoowí i asleér /aymaaro,

IIMU/UUNGW 6:21

Umuúqo gár /aymaaro ya/aam na ar daheek, burumbureek tawa muruú /aymaarók nee muruú /aymar'ín.»

IIMU/UUNGW 9:3

Muruuwí slaáf sleémeero daxta a muruú /aymarhúng. Nguna haniís adoodá' umuúqo gár naa ti'it baraá yaamuwo ngira haniís as tawa muruú /aymarhúng.

YOBU 36:31

Muu gun sakwasleemuut ar loohír tluwaay guri male /aymiis ar tluwaayduú kilá'.

WARA'AMI 111:5

Mukdá' inós gu ilaiwawaá/ gun muruú /aymár i sláy. Alqadoorós dir'ine ga baloó gunqareesiiká.

WARA'AMI 115:16

Doori awa AAKOÓ MUNGÚ, ala yaamu gina haniís dír muu.

WARA'AMI 136:25

Umuúqo gár hiinsla gan muruú /aymár i hanmiis, Asma sla'aarirós i warqeeraaká ay alhhe'eesay wasle!

WARA'AMI 146:7

Mukdá' taa barqantuús guri sakwasleemár ganaá' i tleehh, kudá' qwariitá' giri muruú /aymár i haniis. Kudá' taa tsegiít AAKOÓ MUNGÚ gay gweer.

WARA'AMI 147:9

Makaay gin muruú /aymár i slaasláy, na/aá xwa'aaro awa /aa/amiimá' sleeme.

WARA'AMI 24:1

Yaamu nee muruudá' sleémeero gaa hatsiis an daqaari'iimár AAKOÓ MUNGÚ, yaamu nee múk baraawós wa hoota a kós.

ISAYA 33:16

Heé adoorí hotaawós i gawaá gawa, dirós tidá' amohhoo' kaa harweér ar koo/ír gawit ar tla/u, muruú /aymaarós kun hanmiis umuú daqto, nee ma'aá wahaangw gi baloó dakuusiiká.

HOSEA 2:8

Asma inós gaa xuiká adór aníng ngira balaángwí i hanmiís nee difaáiro nee di/to, nee aníng inós ana tsuúq ngay peésa nee sahaábu yaariírí haniís, kudá' aa húp dír Ba'ali.

Matayo 6:11

Muruú /aymaarén oo laarí haniisang.

Tlehhema'aá ya/Abuuse 14:17

Ala muu gwa tawó mayká, ala adór muu inós ngur tsaahhi i deer. Inós hhooeemaawós gaa dirhúngí laqán ar tluwaydá' ni gawaá doorí wa hanmamisi, nee bu'uungw nguwa hanmamisi ar qoomaarós. Slám gur'erhúng ga aaxamiis muruú /aymaro, nee munerhúng ga qwal/atimis.»

Tlehhema'aá ya/Abuuse 17:28

Asma, ‹Baraawose atén an hootaán, nee an hi'imiitaán, nee an slafaán.› Tam daauuserhúng bahh'alé adoorí gaa kát, ‹Asma atén sleeme a xwaylarós›.

1 Timoteo 4:3

Mukwí in intsaahhatimis iwa kaahi, «Duuxo ka tlaakw.» Slám ta kaahi, «Muruú /aymarka ku tlaákw /aymaaro.» Ala Mungú muruú /ayma sleémeero guna tleéhh as kuwa /ayi ar sluufaay nee mukdá' aa haratlintii', kudá' looeema gaa tsaahh.

1 Timoteo 6:17

Mukdá' daqaari'iimár baraakaá' yaamu ga koóm ádbaweek matawa daara/án. Daqaari'iimar'ín tí makawa harahhiíf, asma i fák. Ala masók inooín Mungú ngun harahhifiyá', kudá' mura' sleémeero oo ta sla'aan ngu hanmiís ar yaareema.