IIMU/UUNGW 1:28 - Biblía Axweesantá Hhohho' ar Mungú 2004

²⁸ Mungú giri tsuúq, giri báy, «Laqwaalé', tlahhé', yaamu hatsiisaak, ki sawaawuti'iindá'. Siyó baraá tlawi kusa baaliliindá', nee tsir/ór gáwtí tlatlaawa, nee makaay sleémeero awa baraá yaamaá kaahaare.»

IIMU/UUNGW 1:28 Iomraidhean Croise

IIMU/UUNGW 1:22

Mungú giri tsuúq, giri báy, «Laqwaalé', tlahhé', ma'aá baraá tlawi hatsisaak, nee tsir/o sleeme i doogiin baraá yaamaá kaahaare.»

IIMU/UUNGW 17:16

Aníng inós a tsuúq, nee inós kuúng uri na/oó garma i xwayluúr. Án a tsuúq, inós tari aayór xoordu, nee waawituú tlahh'aá muu dirós ngin daahh.»

IIMU/UUNGW 17:20

Ala daanduú Ishmaeliwo án kuúng ugwa axaás. Inós ugwa tsuúq. Án u tlahhás, as iwa doogin kángw kilá' wa ale. Inós tay baabuú waawituú mibaá nee tsár, aníng ngway xoorór ur tleéhh.

IIMU/UUNGW 24:60

Rebeka kari báy, «Hho'oorén, kiíng ti tsuuqi, kiíng ta aayór múk kumér kúm tleehhít. Xwaylarók gixsadaá wakuuser'ín ngi sa waawuti'ine'.»

IIMU/UUNGW 26:24

Xweeradaá kilae AAKOÓ MUNGÚ guri i ti'iít, guri báy, «Aníng an AAKOÓ Munguú baabuúwók Abrahamu. Ma da'ayumiitaar, asma aníng nee kuúng a dinkwa. Án kuúng u tsuúq, nee xwaylarók ngiri tlahhás as sagadiyusmooeé' Abrahamu.»

IIMU/UUNGW 33:5

Iri malé qaytsiít, naxés /ameena nee na/ii giri ár, iri ilawaáts, guri yaahaás, «Mukwí nee kuúng ti koomá' a ín heemá?» Inós iri oó', «A na/iidá' Mungú naa haniís dír sagadiyusmoowók ar qeemuuwós.»

IIMU/UUNGW 49:25

Munguú baabuúwók u alee/iisi, Munguú Aleesleemusmo u tsuuqi ar tsuuqaá dooraá dahhá', ar tsuuqaá iltá tlawtá dahhá', ar tsuuqaá ilwa nee na/ii.

IIMU/UUNGW 5:2

Hhawaata nee /ameeni gina tleéhh, giri tsuúq. Baldá' ngiwa tleéhh giri báy, «Muu».

IIMU/UUNGW 6:1

Qoomaadae muu ina tlaáhh baraá yaamuwo, nee dasu kuna laqwaál.

IIMU/UUNGW 8:17

Umuúqo gár slafa, tsir/o nee makaay, nee muruú gur'eérár hi'iimita ar ti'iiteek, as iwa kumiitiya' xwaylaro, iwa doogina', nee iwa hatsiya' baraá yaamuwo.»

IIMU/UUNGW 9:1

Aakoó Mungú Noa guri tsuúq, nee daaqaywose, giri báy, «Laqwaalé', doogaagimé', yaamu hatsiisaak.

IIMU/UUNGW 9:7

«Kuungá' laqwaalé', doogaagimé', laqwaalé' ló'wa ale, yaamu ki hatsiisá'.»

1 QOM'I 26:5

oo lahhoó' a Amieli, oo faanqw a Isakari nee oo dakaát a Peuletai. Asma inós kuna tsuúq nee Mungú.

1 QOM'I 4:10

Yabesi Munguú xoorór Israeli guri firín, iri oó', «Aníng na tsuuqáng, Munguú, nee yaamaá iintlaaxwá' aníng i haniisang. Kuúng masók a dinkwa nee aníng, nee muruú tlákw pa/asek dir'eene, kudá' slahh'amu ngu huúw.» Munguú tidá' inós aa firín gari haniís.

YOBU 39:11

/Uuruuwós kudá' yaariír u haraaeéra baraá gadiyeéroge? Laqaá gadiyér gawit ar uwa tu/ i deéro?

YOBU 42:12

AAKOÓ MUNGÚ hotaá Yobu kukaá alu gina ak tsuúq ta kudaá geeraawo. Bee/ángw Yobu tari kume mibaá nee tsiyáhh, angamiarós a kume lahhoó', hikwa ngi kon kume tsár, nee daqwaayér /ameena a kumuú wák.

WARA'AMI 107:38

Mukós guri tsuúq, tari ló'wa laqwaál, muruu'ín oo de'eengw iri tleemaá'.

WARA'AMI 115:16

Doori awa AAKOÓ MUNGÚ, ala yaamu gina haniís dír muu.

WARA'AMI 69:34

Doori nee yaamu ngu xirfayeemisiye', tlawi nee umuú gár baraawós wa hoota ngu xirfayeemisiye'.

WARA'AMI 8:6

Ugwa qás as muruudá' sleémeero taa tléhh nguwa sawaawuti'in, mura' sleémeero ugwa qás baraá baalirós,

WARA'AMI 8:7

bee/aangw nee hikwawo sleémeero, tam makaá baraá sla/ato,

ISAYA 45:18

AAKOÓ MUNGÚ kudá' doori gaa tleehh, inós a Mungú. Inós yaamu gina tleéhh, nee gin gawdeemiis. Gaa tleehhiiká as kiwa gaa wásl, ala gina tleéhh as kiwa hooti. Inós i kaahi, «Aníng a AAKOÓ MUNGÚ, Munguú hatlá' i kaahh.»

TLAHHOÓ LAÁWI 26:9

Aníng kuungá' nu i qaytsiít nuri na/aá yaariír i haniís nee tari doogiindá', aníng alqador'eé' ngiri gawdeés dirhunge.

1 Timoteo 4:3

Mukwí in intsaahhatimis iwa kaahi, «Duuxo ka tlaakw.» Slám ta kaahi, «Muruú /aymarka ku tlaákw /aymaaro.» Ala Mungú muruú /ayma sleémeero guna tleéhh as kuwa /ayi ar sluufaay nee mukdá' aa haratlintii', kudá' looeema gaa tsaahh.