IIMU/UUNGW 1:26 - Biblía Axweesantá Hhohho' ar Mungú 2004

²⁶ Naagáy Mungú iri oó', «Hee u tleehhaán ar tlehhmuurén, nee ar slaqsayrén. Nee inooín siyoó baraá tlawi ku sawaawuti'ii'ín, nee tsir/ór gáwtí tlatlaawa, nee makaá ta de'ena, nee makaá baraá sla/a sleémeero, nee muruú gur'eérár hi'iimita gawaá daanduú yaamuwo.»

IIMU/UUNGW 1:26 Iomraidhean Croise

IIMU/UUNGW 11:7

Qwalaasé', a aweeraán yaamu, tsifrir'ín a qasmisaán, kahhó' heé axweesantá kuqá' ga tsaáhh i kaahh.»

IIMU/UUNGW 2:19

AAKOÓ Mungú umuúqo makiito'ór sla/to gana titi'iís baraá yaamuú wa alé, nee tsir/ór gáwtí tlatlaaw, giri dír heedaádií huúw as ngiwa umeérí tlaaqi. Muruú slaáf sleémeero guri umeérí tlaáq, umeedá' tari umer'ín.

IIMU/UUNGW 3:22

AAKOÓ Mungú iri oó', «Ga/aaweek, hee daxta aa adór atén tleehhiít gawaá xu'utír hhooeema nee tlakweemaawo. Ala wané dakose mamaá xa'anoó slafíngw koóm gi taataahh, giri /aay, iri slaaf ay kureeraá kureér.»

IIMU/UUNGW 5:1

Gaarí an umér xwaylár Adam. Baldá' Mungú hee nguwa tleéhh, guna tleéhh ar slaqsoó Mungú.

IIMU/UUNGW 9:6

Heé tseerér hee gaa ku'uus, tseereerós sleeme kan ku'uus nee hee, asma Mungú hee guna tleéhh ar slaqsaywós.»

YOBU 35:10

Ala hee i kaahh oo káh, ‹Mungú kuduú Tleehharusmooeé' i amá? Kudá' xweeraawo aníng i bar/úr áw gaálaay?

YOBU 39:11

/Uuruuwós kudá' yaariír u haraaeéra baraá gadiyeéroge? Laqaá gadiyér gawit ar uwa tu/ i deéro?

YOBU 5:23

Tlaa/aá baraá qaymo kuúng u baloó ila/iaaká, makaá xaraaslá' awa baraá sla/a nee kuúng an alhotá' ar wayda.

WARA'AMI 100:3

Xuaak adór AAKO tar Mungú! Inós an kudá' atén taa tleehh, nee atén an mukós, atén an mukós nee bee/ángw qawtantós.

WARA'AMI 149:2

Israeli tleehharusmooín ngu saqwalaala/iye', na/aá Siyoni Waawutmooín ngu sa baraa/iye'.

DAHARUSMO 7:29

Qaytsiít, tí kilós aga tsaáhh, Mungú muu nguwa tleéhh ku hhó', ala inooín tiri kilooín slasla/areesiyé'.

DAA'AANGW 1:11

Ala atén kiíng i parootuusaán ar himtuú sahaábu kudá' taa qaalín ar muqslár peésa.

ISAYA 45:18

AAKOÓ MUNGÚ kudá' doori gaa tleehh, inós a Mungú. Inós yaamu gina tleéhh, nee gin gawdeemiis. Gaa tleehhiiká as kiwa gaa wásl, ala gina tleéhh as kiwa hooti. Inós i kaahi, «Aníng a AAKOÓ MUNGÚ, Munguú hatlá' i kaahh.»

ISAYA 6:8

Afór Aako ngiri axaás, i kat, «Heé ni ya/aaw a heemá oo daanduurén wa daqáw? «Aníng niri mu/aywaáts, «Aníng a diirí, án ya/aawáng!»

ISAYA 64:8

Hám daxta AAKOÓ MUNGÚ, kuúng an baabuúrén, atén an tleei, kuúng an tleeusmoorén, atén sleémeero a gadiyér dabaawók.

YEREMIA 27:6

Hám daxta yaamuuká sleémeero iga haniís dír sagadiyusmoeé' Nebukadnesa, waawutmoó Babuloni, tam sleeme makaá sla/a iga haniís as nguwa sagadiyuusiya'.

Yohana 14:23

Yesu iri oó', «Hee bar aníng i slaa', axweesante'eé' ga oh, nee inós kway slaa' nee Baabuúeé'. Aníng nee Baabuúeé' nay hardahaán amoorós, hootaarén kiri baraawósí tleehhaán.

Yohana 5:17

Ala Yesu inooín giri báy, «Baabuúeé' i gadiyuus tam hamí, nee aníng sleeme an gadiyuús.»

Tlehhema'aá ya/Abuuse 17:20

Asma muruú kuúng ta axwes ku xuaawaslén baraá iiaarene. Atén muruusíng u sla'aán xu'utiro.»

Tlehhema'aá ya/Abuuse 17:26

Inós xoordu sleémeero gina iihhaáf baraá heé wák wa aleeró, giri qaás baraá yaamu sleémeero. Inósuú kilá' iimír aange qom'i gina qaás, nee harki/isoó hotangw'ine.

1 Korinto 11:7

A hariímaarooká hhawaata saga nguwa tuntuuki, asma inós a slaqsoó Mungú nee xirfuú Mungú. Ala /ameeni inós a xirfuú hhawaata.

2 korinto 3:18

Ala ateéká' sleémeero awa gitsee/eerén warqamoó kooma'aaká, atén xirfuú Aako un araán ar adór baraá looa. Xirfuuwí oo amór Aakoó daáhh, atén tin warqees as tawa slaqsaywós tleehhitaan. Gawaá adoorihe atén xirif un iimirí wa slawaán, nee iri doogiigín direne. Adoorí Qeeruú Aako gan tleehh.

2 korinto 4:4

Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.

Efeso 4:24

Munér /aben slawaak, ar taa tleéhh ar tlehhemuú Mungú, tidá' ti laqaqaam ar slafíngw ganaá' nee oo hhoohhoó', slafingwdá' looeemaá wa hariím.

Kolosai 1:15

Kristo an slaqsoó geehhoó' oo Munguúdá' geehhooeeká. Inós an na/oó baris dír Munguhe baraá mura' sleémeero kudá' taa tleehhi.

Kolosai 3:10

Munér /aben kari sleeré'. Muneerí /aben baraahunge ka /abeemiis umuú daqto nee Mungú, tleehharusmoowós, ar slaqsoó Mungú. Gawaá adoorihe munerhúng in kumít Mungú nguwa tsaahha hhe'es.

Yakobo 3:7

Asma umuúqo makaá dimbadimbehe, nee tsir/o, nee ya'aawasle nee makaá baraá tlawtí diriiá', de'eengo ki aleesláy, slám kaa qaroó de'én nee muu.

Yakobo 3:9

Atén Mungú, kudaáduú Aako nee Baabá, un diidi'iimisaán ar tsifraangwí. Slám ar tsifraangwí oo kilae mukdá' taa tleéhh ar slaqsoó Mungú un lu'umisaán.

1 Yohana 5:7

Asma awa ngu lamabu'uumá' a tám [gawaá dooriwo, a Baabá, nee Axweesani, nee Qeeruú hhoohhoó', ala kuká' tám a wak.