IIMU/UUNGW 1:21 - Biblía Axweesantá Hhohho' ar Mungú 2004

²¹ Naagáy Mungú makaá uren awa baraá ma'aay giri tleéhh, nee muruú yaariír oo slaáf oo hi'iimiít ar baraá ma'aay, ma'aay niri hatsiyé' muruú slafa, umuú daa'aweemaá dimbadimbehe. Nee tsir/ór daa'aweemaá dimbadimbé gari tleéhh sleeme. Mungú adoodá' aa tleéhh gari ár naxés ka hhoohhoo'.

IIMU/UUNGW 1:21 Iomraidhean Croise

IIMU/UUNGW 1:18

as tlaatla/aangw nguwa baaliya' nee xweera, nee as gwa/aateema nee giwti ngiwa paraatli. Mungú adoodá' aa tleéhh gari ár naxés ka hhoohhoo'.

IIMU/UUNGW 1:20

Mungú iri oó', «Ma'aay i hatsiye' muruú slafa, nee tsir/ór baraá yaamaá kaahaar ar gáwtí tlatlaw i deerut.»

IIMU/UUNGW 1:22

Mungú giri tsuúq, giri báy, «Laqwaalé', tlahhé', ma'aá baraá tlawi hatsisaak, nee tsir/o sleeme i doogiin baraá yaamaá kaahaare.»

IIMU/UUNGW 1:25

Mungú makaá uren awa sla/a giri tleéhh awa umuúqo adooro, nee makaá ta de'en sleémeero, awa umuúqo adooro, nee muruú gur'eérár hi'iimita, umuúqo gaaro ar adoorós. Mungú adoodá' aa tleéhh gari ár naxés ka hhoohhoo'.

IIMU/UUNGW 1:31

Mungú umuúqo gaaro ar aa tleéhh, gari ár naxés ka hhoohhoo'. Tay tsiindo tay matlaatle, tari baalár lahhoó'.

IIMU/UUNGW 2:19

AAKOÓ Mungú umuúqo makiito'ór sla/to gana titi'iís baraá yaamuú wa alé, nee tsir/ór gáwtí tlatlaaw, giri dír heedaádií huúw as ngiwa umeérí tlaaqi. Muruú slaáf sleémeero guri umeérí tlaáq, umeedá' tari umer'ín.

IIMU/UUNGW 6:20

Umuúqo daa'awtá makaywo nee tsir/o nee muruú gur'eérár hi'iimita nin tsár tsár wa dahiyá' amoorógií alé as iwa slafiya'.

IIMU/UUNGW 7:14

Tana aldáh nee umuúqo makiito'ór sla/a ar adoorós, nee umuúqo makiito'ór ta de'ena ar adoorós, nee umuúqo gár gurúr hi'iimit baraakaá yaamuwo ar adoorós, nee umuúqo daa'aweemaá tsir/ooro.

IIMU/UUNGW 8:17

Umuúqo gár slafa, tsir/o nee makaay, nee muruú gur'eérár hi'iimita ar ti'iiteek, as iwa kumiitiya' xwaylaro, iwa doogina', nee iwa hatsiya' baraá yaamuwo.»

IIMU/UUNGW 8:19

Umuúqo makiito'ooro nee umuúqo gár gurúr hi'iimita, nee umuúqo tsir/ooro nina ti'iitiyé' baraá miringamoowo, umuúqo gaaro nee daa'awtós.

IIMU/UUNGW 9:2

Umuúqo makiito'ór baraá yaamu, umuúqo tsir/ór tlatlaawa gáwtí alé, dinkwa nee umuúqo gár gurúr hi'iimita, nee siyó sleémeero oo baraá tlawi kuungá' nun da'ayumiitiyá'. Muruuwí sleémeero kunga qaás gawaá dabaahúng i alé.

IIMU/UUNGW 9:7

«Kuungá' laqwaalé', doogaagimé', laqwaalé' ló'wa ale, yaamu ki hatsiisá'.»

YOBU 12:7

Ala axáy makaay yaahaseek, inooín kuúng uqo intsaahhatisiyá'. Áx tsir/o yaahaseek, inós kuúng uqo kángw beér.

YOBU 26:5

«Gi'i baraá yaamuwo in daaraaxiyá', ma'aá baraá yaamu nee muruú baraadií diriia sleeme.

YOBU 7:12

Aníng a tláwto laqaá lewiatanidár baraá tláwto, iwa tsuwa xuumusmoó i qamiin?

WARA'AMI 148:7

AAKOÓ MUNGÚ xirfayeemisaak iimír yaamuú wa ale, kuungá' makaá uren awa baraá ma'aá hootá', nee kuungá' iloodaá baraá tlawi sleémeero, AAKOÓ MUNGÚ xirfayeemisaak,

TI'INAANGW 1:7

Ala xoorór Israeli iri ló'wa laqwál, iri doogiín, tari tlaáhh, inooín tari xoorór /uuruú koom, yaamuudá' ngiri hatsisiyé'.

TI'INAANGW 8:3

Nee yaaér Nili iri háts aamaxupaaro, iri dát baraá do'ók kuduú waawuti'iima, ay baraá kutuwirók nee gawaá qatanirók, ay baraá maraá geeraharuuseerók, nee maraá mukók, nee gawaá slaqwaá mukók, baraá tla/afi gan aletsát ay baraá xooslaá huuriingw, ay baraá puurú.

ESEKIELI 32:2

«Heewí, tsuunqumiís as waawutmo Farao oo yaamaá Misri, ku beer, ‹Kuúng Farao, tiwa xu' a diraangw baraá tla/ángw xoorduuwo. Ala kuúng a adór dayshamoó úr oo baraá tlawi. An /uurúr ti'imít baraá yauwo, ma'aá baraá yau in /eeragaamís ar ya'aawók, nee yau in xwarangwxwariín.›

YONA 1:17

AAKOÓ MUNGÚ siyoó yangaariír guna amohhe'eés, as Yona nguwa gu/i. Yona iri baraá guruú siyoódá' wa hoót deelo tám, xweera nee tlaatla/aangw.

YONA 2:10

AAKOÓ MUNGÚ siyoódá' yangaariír guri i ilawaáts. Siyoódá' Yona guri waá/ afaá tláwtí ale.

Matayo 12:40

Asma adoodá' Yona ira baraá guruú siyó wa hoót deelo tám, tlaatla/aangw nee xweeraawo, tam Garmoó Hee sleeme in baraá guruú yaamuú wa hoot.