IIMU/UUNGW 1:2 - Biblía Axweesantá Hhohho' ar Mungú 2004

² yaamu i slaqsoó kon'aaká, slám awa gaa wasl. Yaamu kina tuuntuúk nee tlawi. Giwti iloodaá baraá tlawi gina tuuntúk, tam gwa/aateemaá niina i kahhiyá'. Nee Qeeruú Mungú i gawaá daanduú ma'áy waá malelee/amiit.

IIMU/UUNGW 1:2 Iomraidhean Croise

YOBU 26:14

Ala muruuwí a sagér tawo ngina óh ar muruú i tlehhaahhiti, nee baraá tlehhmi'iiwose atén gár naa axasaán a bayrír tawo. Ala tlunaa/ír aleesleemuwós heé tsaahharo ga aleesláw a heemá?»

YOBU 26:7

/Iya gana tleéhh gawaá tawórí ale, nee yaamu giri tarereé' gawaá tawo.

YOBU 38:9

Aníng an heé tlawi gaa untsuús ar huunkáy ngari harweér ar ma/ami.

YOBU 41:32

Dír inós ira waaráhh in gwa/át aluuwós wá ale, sloorór /awak ngin dúx baraá tlawtá wá ale, hee sloororí bir ngaa ár al/awtani gari baraá tláwtí xuruut.

WARA'AMI 104:30

Kuúng hiinsluuwók bura hanís niri tleehharuutiyá'. Kuúng yaamu in /abeemií ki/imís.

WARA'AMI 104:6

Yaamu ina tuuntúk ar tlawi adór inqwaari. Tlom'aá tlet kiri guú/ nee ma'aay.

WARA'AMI 136:6

Inós yaamu gina intláh gawaá daanduú ma'áy ale, Asma sla'aarirós i warqeeraaká ay alhhe'eesay wasle!

WARA'AMI 148:7

AAKOÓ MUNGÚ xirfayeemisaak iimír yaamuú wa ale, kuungá' makaá uren awa baraá ma'aá hootá', nee kuungá' iloodaá baraá tlawi sleémeero, AAKOÓ MUNGÚ xirfayeemisaak,

WARA'AMI 33:6

Ar axweesantá AAKOOWO doori nina tleehharuutiyé', muruú gawaá doori sleémeero ina tleehharuút ar afkós.

AXWEESANOÓ SAGALOOA 8:24

Tina laqwaál bál tlawi kawa tleehhiiká, bál kutltá ma'aá duxuum i káhh,

ISAYA 31:5

Adoodá' tsir/i do'ós ngur harwedaadit an adór AAKOÓ MUNGÚ Aleesleemusmo gixsár Yerusalemu ngir xun sleeme. Inós Yerusalemu gan xún gari ba/amis Inós gan gurtláy gari tuu/.»

ISAYA 45:18

AAKOÓ MUNGÚ kudá' doori gaa tleehh, inós a Mungú. Inós yaamu gina tleéhh, nee gin gawdeemiis. Gaa tleehhiiká as kiwa gaa wásl, ala gina tleéhh as kiwa hooti. Inós i kaahi, «Aníng a AAKOÓ MUNGÚ, Munguú hatlá' i kaahh.»

YEREMIA 4:23

Aníng ana qaytsiít baraá yaamu, naxés gaa a sluhhaay nee gár dáw i káhh. Doori ina i qaytsiít, gwa/aateema sleeme i kahhiyá'.

NAHUMU 2:10

Ninewi ina mét ar gaa wasl nee ar deewa'ame nee hhituru'uuma, tam gur'ér muu ma'aay ngay dalaa/iyé', gurungeeri'ín tiri tuu'utiyé', afeetler'ín aa sikimít, gitsee/er'ín iri bahyuyuúr as dae.

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.

DABE 32:11

Adór gwareesír doó na/iiwós xuum, tidá' harweeririim gawaá na/iiwós ar aleeró, hhampe'eeriwós ngiwa gwét, as na/iiwós ngiwa umiin, nee ngiwa hhaampi'iiwós ar gagariin,