IIMU/UUNGW 1:16 - Biblía Axweesantá Hhohho' ar Mungú 2004

¹⁶ Mungú gwa/aateemaá uren awa tsár giri tleéhh. Gwa/aateemaadá' ur a looa, in baaliná' tlaatla/aango, nee gwa/aateemaadá' niina a slahhaangw, in baaliná' xweeraawo. Tsatse/ sleeme guri tleéhh.

IIMU/UUNGW 1:16 Iomraidhean Croise

IIMU/UUNGW 1:15

Muruuwí gwa/aateemaá duxuúm masók i gawaá doorí dirii', as iwa gwa/aati baraá yaamií alé.» Adoodá' iri tleehharút.

YOBU 31:26

barnaxes tsee/amá niwa ti'imiiti ugwa sluufiís, laqaá slahhaangw baraá hi'iitanoorose nee hhohh'arirose,

YOBU 38:7

Qoomaadá' tsatse/uú matlaatle iwa daá' dinkwár wá ale, nee na/aá Mungú niwa tseeaminé' ar qwala/.

WARA'AMI 148:3

Looa nee slahhaangw, inós xirfayeesaak! Tsetse/ sleémeero kudá' gwa/aát, inós xirfayeesaak!

WARA'AMI 148:5

Umuú AAKOÓ MUNGÚ ngu xirfayeemisiye'! Asma inós /aymu guna oó' inooín niri tleehharuutiyé'.

WARA'AMI 19:6

In bihhaá wák wa tleér, nee iri harweeriín bihhaá hatlá' i alé, tam gár tsee/amaawós wa nahhaat i káhh.

WARA'AMI 74:16

Tlaatla/aangw a kók nee xweera a kók, kuúng slahhaangw nee tsee/amá ina dir'íni qás.

WARA'AMI 8:3

Doori bira i qaytsiít, kudaá gadiyér dabaawók, slahhaangw nee tsatse/ kudá' kuúng taa qás,

ISAYA 13:10

Asma tsatse/uú gawaá doori nee tsatse/uudá' ninakwe gwa/aateema gi máy, tsee/amá bir tsiirariihh in didií giiw, slahhaangw gwa/aateema gi máy.

ISAYA 24:23

Aluuwo slahhaangw iri giiw, nee tsee/amá gwa/aateema giri máy, asma AAKOÓ MUNGÚ Aleesleemusmo tloomár Siyoni nee Yerusalemu gan sawaawuti'ín, nee xirfuuwós guri laqán dír bariisér mukós.

ISAYA 40:26

Axáy gawa i qaytsitaak, heé muruuwí gwa tleehh a heemá? Inoósuwí an kudá' slawowós gi geeraharahaár, inooín sleémeero gin ateetín ar umer'ín, asma inós an kudá' aleesleemuú yaariír gu koóm, nee /uuruuwós ku yaariír, gawaá adoorihe ar qwaar tam ar wák i káhh.

ISAYA 45:7

Aníng gwa/aateema nee giwtiro ina tleéhh; Aníng qwala/ nee gurhaami ina tleéhh. Aníng an AAKOÓ MUNGÚ oo muruuwí sleémeero gwaa tleehh.

YEREMIA 31:35

Adoorí an adoodá' AAKOÓ MUNGÚ i kaahi. «Anuú AAKOÓ MUNGÚ Aleesleemusmo, aníng an kudá' gaa qoomees tsee/amá iwa gwa/aati tlaatla/ango, xweeraawo slahhaangw nee tsatse/ iwa gwa/aatiya', kudá' tlawi gaa gwaanduú ma'áy tleehh.

HABAKUKI 3:11

Tsee/amá nee slahhaangw niri sihhiitiyé' wa/aamer'ín tidá' i hootiya', qoomár qwiiraa/ór maheeriiwók ngiwa ariyé' iwa weelaahát, nee qoomár mitsaahhór lawaalarók ngiwa ariyé'.

Matayo 24:29

«Slahh'ámuú deeloodá' bira waaraáhh, qoomaadár kilae, Tsee/amá iri giiw, nee slahhaangw iri gwa/aatiiká, tsatse/uú gawaá doori iri paahh, nee /uuruudá' doori gi koóm kuri dingiis.

Matayo 27:45

Looár lahhoó' iwa xeér, iimi iri gíp yaamu sleémeero ay looár gwaleél.

1 Korinto 15:41

Tsee/amá i gwa/aateemaawós kón, nee slahhaangw gwa/aateemaawós a hatlá', nee slám tsatse/ gwa/aateemaawós a malé hatlá'. Nee tam tsatse/ gwa/aateemaaín ti alkon'aaká.

DABE 4:19

Ti ló'wa harmagahhe' tam qoomár bara qaytsité' gawaá doori, looa nee slahhaangw nee tsatse/ nee mura' sleémeero oo gawaá doori bura aandé' munduwa gee/aásl, as kuwa fiririinda', nee kuwa sagadiyusa' adór Mungú ló'wa ale. Muruuwí AAKOÓ MUNGÚ guna máy dír múk hatla' as nguwa sagadiyuusi.

Geehhoeemaá 21:23

Tsee/amá nee slahhaangw gixsarí gár ngis i gwa/aatiya' i káhh, asma xirfuú Mungú i baraadá' wa gwa/aat, nee tsaa'astós an Deelmoó bee/i.