IIMU/UUNGW 1:14 - Biblía Axweesantá Hhohho' ar Mungú 2004

¹⁴ Mungú iri oó', «Muruú gwa/aateemaá duxuúm i deeruuti gawaá dooriwo, oo tlaatla/aangw nee xweera gi paraátl. Muruuwí gwa/aateemaá duxuúm qomadu ngi laqan nee deelo nee kureeri.

IIMU/UUNGW 1:14 Iomraidhean Croise

IIMU/UUNGW 1:13

Tay tsiindo tay matlaatle, tari baalár tám.

IIMU/UUNGW 1:15

Muruuwí gwa/aateemaá duxuúm masók i gawaá doorí dirii', as iwa gwa/aati baraá yaamií alé.» Adoodá' iri tleehharút.

IIMU/UUNGW 8:22

Qooma sleémeero ar yaamu iwa kumiitiya', qoomár dahaasiingw nee bu'uungw, qoomár tsaaqwa nee tsee/amá, qoomár age nee buhaare, tam tlaatla/aangw nee xweera i baloó lakiitiaaká.»

IIMU/UUNGW 9:13

Aníng ga/aleerí an qaás gawaá huunkáy alé, daqaní a layár alqador'eé' tidá' naa tleéhh nee yaamu nee umuúqo gár baraá yaamií diriia.

YOBU 25:3

Slaqwaruuseerós faarooro ka aleesláya? Heé gwa/aateemaawós na i hardihi'iiká a heemá?

YOBU 25:5

Ga/aaweek, dír Munguhe tam gwa/aateemaá slahhaangw sleeme i bu'umiitiiaaká, tam tsatse/ sleeme ku ló'wa hhohhoeeká.

YOBU 3:9

Gwa/aateemaá tsetse/uú qoomár matlaatlér boo/ i giwiye', xweeraadá' tam i gwa/aateemaá ilatleerusia, mingiwa slayé', nee gwa/aateemaá matlaatlér boo/ mingiwa ariyé'.

WARA'AMI 119:91

Muruú slaáf sleémeero laarí i deer adoodá' kuúng kara slá', nee sleémeero a sagadiyuuseerók.

WARA'AMI 148:3

Looa nee slahhaangw, inós xirfayeesaak! Tsetse/ sleémeero kudá' gwa/aát, inós xirfayeesaak!

WARA'AMI 148:6

Umuú gaaro gana digmuuwósi haniís oo daqisleém, giri hara'ayári haniís ar i baloó warqeesiaaká.

WARA'AMI 150:1

AAKOÓ MUNGÚ xirfayeemisaak! Mungú xirfayeemisaak dirós tidá' hhoohhooe, inós xirfayeemisaak gawaá doorií wa ale.

WARA'AMI 81:3

Tarumbeéta ufahhaak qoomár slahhaangw bir ni ti'imiit, qoomár slahhángw hoomoowo, deeloorén tidá' ure.

ISAYA 40:26

Axáy gawa i qaytsitaak, heé muruuwí gwa tleehh a heemá? Inoósuwí an kudá' slawowós gi geeraharahaár, inooín sleémeero gin ateetín ar umer'ín, asma inós an kudá' aleesleemuú yaariír gu koóm, nee /uuruuwós ku yaariír, gawaá adoorihe ar qwaar tam ar wák i káhh.

YEREMIA 10:2

AAKOÓ MUNGÚ i kaahi, «Tlehhma'aá xoordaá hatlá' mi intsaatsahhaara', laqaá mutunduwa amoqwareemiís nee layaá gawaá doorí wa tleehharumiitá', asma layuudá' xoordaá hatlá' ngin amoqwareemisiyá'.

YEREMIA 31:35

Adoorí an adoodá' AAKOÓ MUNGÚ i kaahi. «Anuú AAKOÓ MUNGÚ Aleesleemusmo, aníng an kudá' gaa qoomees tsee/amá iwa gwa/aati tlaatla/ango, xweeraawo slahhaangw nee tsatse/ iwa gwa/aatiya', kudá' tlawi gaa gwaanduú ma'áy tleehh.

YEREMIA 33:20

AAKOÓ MUNGÚ i kaahi, «Barnaxes alqador'eé' tidá' naa tleéhh dír tlaatla/aangw nee xweera hhitiimaro bara aleesleér, tam tlaatla/aangw nee xweera qom'ii'ín kudá' taa qaás ngay dakuusiyé',

YEREMIA 33:25

Ala aníng AAKOÓ MUNGÚ a kah, ‹Barnaxes aníng alqadoodár tlaatla/aangw nee xweera aga gawdeesiiká, nee dabér yaamu nee dooriwo gi geeraharahaar aga qaasiiká,

ESEKIELI 46:1

«Anuú Aakoó MUNGÚ a kah, Afkú do', kuduú afeenír baraá guruú do', kuduú bihhaá da/aáw, ku tseegi deelo lahhoó' tidár gadiyeede. Deelór Sabaáto nee deelór slahhángw /abén birna ti'iít ku gweeri.

ESEKIELI 46:6

Qoomár slahhángw /abene inós awu batlitamo ngu haniisi, nee deeloó bee/aangw oo lahhoó', nee gwaanduú wák, sleémeero ki xaslxaansli wasl.

Yoeli 2:10

Yaamu in daraaxiyá' geeraine, doori in daraaxiyá', looa nee slahhaangw giwti giri ót, tsatse/ gwa/aateema gin máy.

Yoeli 3:15

Looa nee slahhaangw giwti gi ót, nee tsatse/ gwa/aateema gaa máy.

AMOS 5:8

Kudá' tsatsee/ír Kilimía nee ar Orióni gaa tleehh. Kudá' ma/ami gaa matlaatle tleehh. Kudá' tlatla/aangw gwaa giwti tleehh. Kudá' ma'aá tlawi gaa burumbuur dinkwaárí ale giri ku'uús gawaá daanduú yaamu, umuuwós an AAKOÓ MUNGÚ.

AMOS 8:9

Aakoó MUNGÚ i kaahi, «Baala ni xeér ar aníng tsee/amá nguwa looár lahhoó' ii dahaas, yaamu giwti giri tuuntúk tlaatla/ángw ale.

Matayo 2:2

Iri ó', «Waawutmooduú múk Yahudi taa laqwaál i amá? Asma atén tsatsee/irós ana araán da/aáw wa ale. Nee atén nguna xirfayeemisuú awaán.»

Matayo 24:29

«Slahh'ámuú deeloodá' bira waaraáhh, qoomaadár kilae, Tsee/amá iri giiw, nee slahhaangw iri gwa/aatiiká, tsatse/uú gawaá doori iri paahh, nee /uuruudá' doori gi koóm kuri dingiis.

Marko 13:24

«Ala deeloodaádae alaá slahh'amuuwo tsee/amá in giiw, nee slahhaangw i gwa/aatiiká.

Luka 23:45

Tsee/amá gwa/aateema giri máy. Inqwaarír baraá Doó Mungú, ar do' gwa qasis, iri tla/a feehhít.

DABE 4:19

Ti ló'wa harmagahhe' tam qoomár bara qaytsité' gawaá doori, looa nee slahhaangw nee tsatse/ nee mura' sleémeero oo gawaá doori bura aandé' munduwa gee/aásl, as kuwa fiririinda', nee kuwa sagadiyusa' adór Mungú ló'wa ale. Muruuwí AAKOÓ MUNGÚ guna máy dír múk hatla' as nguwa sagadiyuusi.

Geehhoeemaá 6:12

Nee Deelmoó bee/i dugnooduú lahhoó' nguwa gweér, kunseelír ur niri hardát, looa iri boo/eér adór guniár taa tleéhh ar se'eengw, slahhaangw sleémeero iri tseere tleehhiít.

Geehhoeemaá 8:12

Malaykamoó tsiyáhh tarumbeéta gari ufaáhh. Bartá wák baraá baduudá' tám awa tsee/amahe kari óh, iri gíp, nee awa slahhaangw nee awa tsatse/ sleeme. Gwa/aateemaá tlaatla/aangw bartá wák iri /aaruúr baraá baduudá' tame. Nee gwa/aateemaá xweera sleeme niri adoodár /aaruyé'.

Geehhoeemaá 9:2

Tsatsee/irí bohongwdá' nguwa gwét, quui niri baraá bohongwdá' wa ti'ít adór quuír baraá bohóngw asltá ur. Tsee/amá nee doori kiri giwís nee quuír baraá bohongwdá' daahh.