IIMU/UUNGW 1:12 - Biblía Axweesantá Hhohho' ar Mungú 2004

¹² Naagáy yaamu mamu ngiri duuxiyé', gitsór dahaasíngw koom, umuúqo gitsooro ar adoorós, nee xaa'aá mamaá koomá' awa dahaasíngw koomá' baraaine, umuúqo xa'anoowo ar adoorós. Mungú adoodá' aa tleéhh gari ár naxés ka hhoohhoo'.

IIMU/UUNGW 1:12 Iomraidhean Croise

IIMU/UUNGW 1:11

Mungú iri oó', «Yaamu umuúqo gaaro ngi duuxiye', gitsór dahaasíngw koom, nee xaa'aá mamaá koomá', awa dahaasíngw koomá' baraaine, umuúqo gitsooro ar adoorós, nee umuúqo xaaiiwo ar ador'ín.» Adoodá' iri tleehharút.

IIMU/UUNGW 1:13

Tay tsiindo tay matlaatle, tari baalár tám.

WARA'AMI 104:14

Gitso ngin tit'iimís asma makaay, nee balaangw as muruú /aymár muu, as hee muruú /aymarós nguwa slay baraá hhapér wa ale.

ISAYA 61:11

Asma adoodá' yaamu harma/o ngir duxaaxina', nee adoodá' qaymo gár taa baraá qaymórí dahaás ngir duxaaxiin, an adoodá' Aakoó MUNGÚ hotaá ganaa'á' nee xirif, ngir huwi dír geeraá xoordu sleémeero.

Marko 4:28

Asma balaangw in baraá hhapér wa kilós /aluus, haywi niri ti'ít, aluuwo hhaansli, aluuwo tari balaangw.

Luka 6:44

Asma umuú xa'anoowo gár kur tsatsahhan a mamuuwós. Asma /aantsí ka gawaá sla/atá laqayaá koomá' wa buainká, tam mamaá sabiíbu ki gawaá xaa'aá laqayaá koomá' wa buainká.

2 korinto 9:10

Mungú kudá' dahaasiingw gu hanmiís dír dahaasusmo, nee oo mikaáte ga hanmiís as /ayma, inós dahaasiingw ngu amorhúng i haniis, nee balangwdá' guri ureemiis. Slám inós bu'uungw guri dook as kahhó' kuungá' múk hatlá' alee/iisaro kuwa aleesleera' ar bu'ungwdá'.

Galatia 6:7

Miti kiloohúng al/agiimara'. Mungú ku niqaaqinká. Umuúqo gár hee i dahaasin, an tidá' i bu'un.

Ebrania 6:7

Yaamaá ta du'umiís nee tluwaay daqtá yaariire, nee bu'úngw hhó' nguri laqwaaliyé', oo slaasláwár huwahuúw dír dooslusmoowo, yaamaá adoorí tsuuqaá Mungú ngi slayá'.