IIMU/UUNGW 1:11 - Biblía Axweesantá Hhohho' ar Mungú 2004

¹¹ Mungú iri oó', «Yaamu umuúqo gaaro ngi duuxiye', gitsór dahaasíngw koom, nee xaa'aá mamaá koomá', awa dahaasíngw koomá' baraaine, umuúqo gitsooro ar adoorós, nee umuúqo xaaiiwo ar ador'ín.» Adoodá' iri tleehharút.

IIMU/UUNGW 1:11 Iomraidhean Croise

IIMU/UUNGW 1:12

Naagáy yaamu mamu ngiri duuxiyé', gitsór dahaasíngw koom, umuúqo gitsooro ar adoorós, nee xaa'aá mamaá koomá' awa dahaasíngw koomá' baraaine, umuúqo xa'anoowo ar adoorós. Mungú adoodá' aa tleéhh gari ár naxés ka hhoohhoo'.

IIMU/UUNGW 1:29

Mungú iri oó', «Ga/aawaagáy, mamaá dahaasíngw koomá' sleémeero kudá' naa ti'iitiye' baraá yaamuwo, nee xaa'aá mamaá koomá' awa dahaasíngw koomá' baraaine, sleémeero ngaa haniís as tawa muruú /aymarhúng.

IIMU/UUNGW 2:16

AAKOÓ Mungú heedaádá' guri hara'ayín guri báy, «Mamaá xaai sleémeero awa baraá asalmoowí i asleér /aymaaro,

IIMU/UUNGW 2:5

gár naa ti'it i káhh baraá xatsoowo. Tam gitso naa ti'iitiká, asma AAKOÓ Mungú tluwaay gwa haniisiiká, laqaá tam heé yaamu gaa doosl i kaahh.

IIMU/UUNGW 2:9

AAKOÓ Mungú xaa'aá daa'aweemaá dimbadimbé giri baraá hhapér wa titi'iís, xaa'aá hhohho' nee awa /aymár ya/aamá'. Nee baraá tla/ángw asalmoowo Mungú xa'anoó mamuuwós slafíngw hanmiisá' guri qaás. Nee xa'anoó mamuuwós xu'utír muruú hhó' nee oo tlákw laqaaqamá' guri malé qaás.

YOBU 28:5

Hhape an dír muruú /ayma kuwa slaaslay. Ala guruú baraay kun warqeemiis ar asla.

WARA'AMI 1:3

Inós tari adór xa'anoó taa haátl afaá tsiinqaá ma'aay, kudá' mamaá laqwaliím qoomár hariimarose, tam loo/orós i /otská. Heewí umuúqo gár i tleehhi i ya/aán.

WARA'AMI 147:8

Doori gin tuntukaakín ar huunkáy, yaamu gin tluuwáy i huuw, gawaá dindirmawo gitso gan titi'imiis.

ISAYA 61:11

Asma adoodá' yaamu harma/o ngir duxaaxina', nee adoodá' qaymo gár taa baraá qaymórí dahaás ngir duxaaxiin, an adoodá' Aakoó MUNGÚ hotaá ganaa'á' nee xirif, ngir huwi dír geeraá xoordu sleémeero.

YEREMIA 17:8

Heewí an adór xa'anoó taa haátl dír afaá kutltá ma'aay, kudá' dee/aruuwós gwaa siihh afaá yaae. Inós i kahiiká qoomár siire/iro, loo/oorós aqo in na/aa/át, sleeme tam kurkú slahheemasto i orooiiká, nee mamu gi mayká laqwaliingo.

Matayo 3:10

Hám tsawo kaa qaroó qaás baraá gam'ér xaai. Gawaá adoorihe umuúqo xa'anoó mamaá hho' gi laqwalimaaká, ku tsaat, kway kwaahh baraá asla.

Matayo 6:30

Bar Mungú /ayór baraá qamu gan adooqár tsiitimiis, ar laarí dáw nee matlo kari kwaahh gawaá ufuú xwaansláy, xáy, kuungá' nu ak tsiitísiíke, kuungaásingá' haratlintaao niina.

Marko 4:28

Asma balaangw in baraá hhapér wa kilós /aluus, haywi niri ti'ít, aluuwo hhaansli, aluuwo tari balaangw.

1 Korinto 15:38

Ala Mungú ilmoodá' gun slaqwtá i hanmiis ar adoodá' i slai. Umuúqo balaaliro slaqwtá i sleer a tidár da'awtós.

Ebrania 6:7

Yaamaá ta du'umiís nee tluwaay daqtá yaariire, nee bu'úngw hhó' nguri laqwaaliyé', oo slaasláwár huwahuúw dír dooslusmoowo, yaamaá adoorí tsuuqaá Mungú ngi slayá'.

Yakobo 3:12

Hhaee'eé', /aantsí i deéro ar mamaá seituúni gi laqwaal? Laqaá xa'anoó sabiíbu i deéro oo /aantsí ga laqwaál? Gawaá adoorihe sleeme kutltá ma'aá diwtá koom, ma'aá tsuuá' ngi duxká.