IIMU/UUNGW 1:1 - Biblía Axweesantá Hhohho' ar Mungú 2004

¹ Iimu/uungo Mungú doori nee yaamu ngiwa tleéhh,

IIMU/UUNGW 1:1 Iomraidhean Croise

2 WAAWITÁ 19:15

Inós AAKOÓ MUNGÚ guri firín iwa kaahi, «Aá AAKOÓ MUNGÚ, Munguú múk Israeli, kuúnguudá' kitaangók gáwtí dirií' dír keruúbiro, a har kuúng kilók Munguú ló', kudá' waawituú baraá daanduú yaamu sleémeero gu sawaawuti'i'iím. Kuúng yaamu nee dooriwo ina tléhh.

1 QOM'I 16:26

Asma munguaá xoordaá hatlá' a slaqsa'aá tawo, ala AAKOÓ MUNGÚ doori gina tleéhh.

2 QOM'I 2:11

Waawutmo Hiramu oo Tiro kangwdá' gway mu/aywaáts ar barwito'o, gari ya/aáw amór waawutmo Solomon, iri oó', «Asma AAKOÓ MUNGÚ mukós nguwa slaá', kuúng uri waawutmooín wa qaás.»

NEHEMIA 9:6

Esra iri adoorír firín, «Kuúng kilók an AAKOÓ MUNGÚ an kudá' doori iga tlehh nee muruudá' sleémeero baraadá' hoota, yaamu nee umuúqo gár baraaká' hoota, tlawi nee muruú baraadae, kuúng an kudá' gi amohhe'eemiís as iwa kumiitiya' hotaango, nee daqtá gawaá doori sleémeero kuúng un sluufmís.

YOBU 26:13

Doori gina paapa/aás ar hiinsluuwós, nee dayshamoodá' ti gileéhh guna dakós ar muút.

YOBU 38:4

Kuúng dír ti diri' a diimá qoomár aníng niwa yaamaá iihhafiim? Ooang gimáy qoomaadae bar muruú xú'.

YOBU 9:8

Inós kilós doori gina intláh nee gwaanduú ma'aay baraá tlawto guri xasltís.

WARA'AMI 102:25

Iihhafiirír yaamu aáng ana tléhh. Doori an gadiyér dabaawók.

WARA'AMI 104:24

AAKOÓ MUNGÚ, muruú kuúng taa tléhh ku ló'wa yaariír. Mura' sleémero una qoomés ar sagalooa, yaamu naa hatsiyé' muruú kuúng taa tlehhi!

WARA'AMI 104:30

Kuúng hiinsluuwók bura hanís niri tleehharuutiyá'. Kuúng yaamu in /abeemií ki/imís.

WARA'AMI 115:15

AAKOÓ MUNGÚ nu tsuuqi, oo doori nee yaamu gaa tleehh.

WARA'AMI 121:2

Laatí, alee/isay'eé' i dír AAKOÓ MUNGÚ, kudá' doori nee yaamu gaa tleehh.

WARA'AMI 124:8

Alee/isayrén amór i dahhi a amór AAKOÓ MUNGÚ, kudá' doori nee yaamu gaa tleehh.

WARA'AMI 134:3

AAKOÓ MUNGÚ kuungá' nu tsuuqi baraá Siyonír wa ale, kudá' doori nee yaamu gaa tleehh.

WARA'AMI 136:5

Inós doori gina tleéhh ar sagalooarós, Asma sla'aarirós i warqeeraaká ay alhhe'eesay wasle!

WARA'AMI 146:6

Kuduú tleehharusmoó doori nee yaamu, tlawi nee mura' sleémeero kudá' baraaíní diriia, tidá' sleémeero aa oó' gan boo/ees ay alhhe'eesay wasle.

WARA'AMI 33:6

Ar axweesantá AAKOOWO doori nina tleehharuutiyé', muruú gawaá doori sleémeero ina tleehharuút ar afkós.

WARA'AMI 33:9

Asma inós ngiwa oó' iri tleehharút, inós iwa ilawaáts iri deerút.

WARA'AMI 8:3

Doori bira i qaytsiít, kudaá gadiyér dabaawók, slahhaangw nee tsatse/ kudá' kuúng taa qás,

WARA'AMI 8:4

hee a gár milá kuwa inslasleer, laqaá na/oó hee a gár milá kuwa sadaawimit?

WARA'AMI 90:2

Tam qoomár tlom'i kiwa tlehhká. Tam qoomár yaamu kiwa tlehhká, kuúng an Munguú daadáw iimír iimu/ungw wasle ay alhhe'eesay wasle.

WARA'AMI 96:5

Asma mungui sleémeero awa muu a gadiyér dabaaín, ala AAKOÓ MUNGÚ an kudá' doori gaa tleehh.

TI'INAANGW 20:11

Asma AAKOÓ MUNGÚ ina gadiyuús deelo lahhoó', yaamu nee doori gina tleéhh nee tlabeemo nee umuúqo gár dawa, ala bál faanqwe iri hungu/uús. Gawaá adoorihe AAKOÓ MUNGÚ baalár Sabaáto gari tsuúq, gari hhoohhooeés.

TI'INAANGW 31:18

Qoomár Mungú axweesantá dír Mose ngiwa hhe'eés gawaá tloomár Sinairo, Mose guri tlaa/eedá' tsáp awa parereehhayénií haniís, kudá' Mungú aa hara'ayaarós i gooín ar dakós oo kilá'.

AXWEESANOÓ SAGALOOA 16:4

AAKOÓ MUNGÚ umuúqo gaaro gana tleéhh ar sla'aarirós, Tam múk tlákw sleeme in deer as deelór slahh'amu.

AXWEESANOÓ SAGALOOA 3:19

AAKOÓ MUNGÚ yaamu gina iihhaáf ar sagalooa. Doori giri gawdeés ar fuquraangós.

DAHARUSMO 12:1

Baraá masoombi'iimaroge tlehharusmoowók inslaweek, dír qoomár tlaakw nira hardatká, laqaá kureeraá tawa o', «Aníng qwala/ u koomaaká baraá kureerikae.»

ISAYA 37:16

«Aá AAKOÓ MUNGÚ Aleesleemusmo, Munguú Israeli kudá' aleesleemuú koóm daanduú keruúbiro, kuúng kilók an Mungú daanduú waawuti'iima sleémeero ar barakaá yaamu, kuúng an tleehharusmoó doori nee yaamu.

ISAYA 40:21

Xáy, gár ta xua' i káhha? Xáy gár taa axasé' i káhha? Xáy, iimír aange ado kinga ooiikáhe? Iimír iimu/úngw yaamuwo kaangwí ugwa xui'iikáhe?

ISAYA 40:26

Axáy gawa i qaytsitaak, heé muruuwí gwa tleehh a heemá? Inoósuwí an kudá' slawowós gi geeraharahaár, inooín sleémeero gin ateetín ar umer'ín, asma inós an kudá' aleesleemuú yaariír gu koóm, nee /uuruuwós ku yaariír, gawaá adoorihe ar qwaar tam ar wák i káhh.

ISAYA 40:28

Ahaá kuungá' a xua'aakáhe? Asma kuungá' aga axasi'iikáhe? AAKOÓ MUNGÚ an Munguú alhhe'eesay wásl, Inós an kudá' yaamu gaa tleehh. Inós i slaaqatiiká laqaá i nusqutiiká. Xu'utirós tsaahharo ka gawit.

ISAYA 42:5

Adoorí an adoodá' AAKOÓ MUNGÚ i kaahi, Inós an kudá' doori nee yaamu gaa tleehh giri intláh, Inós an kudá' yaamu gaa tleehh, umuúqo gár baraadá' i diriia, Kudá' múk baraá yaamu gwa hiinslií haniis, kudá' qeeruuwós gwaa haniis dír múk baraá yaamuú wa hoót.

ISAYA 44:24

AAKOÓ MUNGÚ kuduú ba/amusmoohúng, kudá' kuungá' naa baraá gur'ér amuuhúngí tleehh, i kaahi, aníng kilooeé' doori ina intláh nee yaamu ina hhaáf, qoomár ngiwa tlehhiit heé aníng iga alee/iis i kaahh.

ISAYA 45:18

AAKOÓ MUNGÚ kudá' doori gaa tleehh, inós a Mungú. Inós yaamu gina tleéhh, nee gin gawdeemiis. Gaa tleehhiiká as kiwa gaa wásl, ala gina tleéhh as kiwa hooti. Inós i kaahi, «Aníng a AAKOÓ MUNGÚ, Munguú hatlá' i kaahh.»

ISAYA 51:13

AAKOÓ MUNGÚ kuduú tleehharusmoowók ugwa gunqarés, kudá' doori gaa hhaaf nee iihhafiirír yaamu gaa qaas. Kuúng kumiít de'eero umuú deélooro as buhhtaá kuduú baramaanusmo taa amohhe'ees kuúng uwa hhaamisi. Xáy, buhhtaá baramaanusmo i amá?

ISAYA 51:16

Aníng axweesante'eé' aga qaás baraá afkók nee ugwa luú/ baraá mahhtuú dakw'eé'. Doori ngiri hhaáf nee iihhafiirír yaamu ngiri qaás, múk Siyoni nguri báw, ‹Kuungá' an muk'eé'.› »

ISAYA 65:17

«Ga/aawaak, dooraá /aben nee yaamaá /aben i tlehhiít, muruú aáng ku male inslayká, sleeme u iitleesaaká.

YEREMIA 10:12

AAKOÓ MUNGÚ yaamu gina tleéhh ar /uuruuwós, ar sagalooaarose yaamuuká' gina gawdeés, ar fuquraangose doori gina hhaáf.

YEREMIA 32:17

«Aá Aakoó MUNGÚ, kuúng doori nee yaamu ina tléhh ar aleesleemuú úr, nee ar /uuruuwók.

YEREMIA 51:15

Inós yaamu gina tleéhh ar /uuruuwós. Yaamu gina gawdeés ar sagalooarós, baraá xu'utirose doori giri iihhaáf.

SEKARIA 12:1

Kaangwí an geehhoeemaá axweesantá AAKOÓ MUNGÚ daanduú Israeli. Tí an tidá' AAKOÓ MUNGÚ kudá' doori ga hhaaf, nee iihhafirír yaamu ga qaas nee qeeruú hee gwaa baraawós i tleehh.

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

Marko 13:19

Asma slahh'amuú deeloodá' ku úr adór taa baloó ariiká baraá yaamuwo iimír Mungú yaamu ngiwa tleéhh ay laarí, slám slahh'amuú adór kwí baloó ki/iiká.

Tlehhema'aá ya/Abuuse 14:15

«Múlqe, kuungá' gár adoorí kas tlehhita' a milá? Atén a múk adór kuungá'. Atén kuungá' nuna Ya/abtór hhó' ií huwaán, as kuungá' tawa warqeera' baraá muruuwí tlakwe, Munguúdá' slaáf kuwa i warqeera', kudá' doori nee yaamu nee tlawi gaa tleehh, nee muruudá' baraadií diriia sleémeero.

Tlehhema'aá ya/Abuuse 17:24

Munguúdá' yaamu gaa tleehh, nee umuúqo gaaro ar baraawós i dirii', inós i hootiiká baraá maraá taa dabaá múk ar tleéhh. Inós a Aakoó doori nee yaamu.

Tlehhema'aá ya/Abuuse 4:24

Adoorí kawa axaás, Mungú kuri firín ar muunuú wák, tari oó', «Aáko, kuúng a Mungú, kuúng an kudá' doori nee yaamu nee tlawto iga tlehh, nee umuúqo gár dawa.

Rumi 11:36

Asma mura' sleémeero inós guna tleéhh, slám i kumiit as aleesleemuuwós, nee in deer as inós. Inós i xirfuuti ay alhhe'eesaay wasle. Amin.

1 Korinto 8:6

Tam adoorihe direne Mungú a wak, inós an Baabá. Mura' sleémeero ina tleehharuút ar inós. Nee atén an dawaán as inós. Nee slám Aako a wak, inós an Yesu Kristo. Mura' sleémeero ina tleehharuút ar inós nee atén an dawaán ar inós.

Efeso 3:9

Nee án gár tiwa hariím a lu/aaráydá' Mungú i tleehhamór wa slai, loohír ir tleehharuuti an gwa/atimís dír múkwií ale. Iimír iimu/uungo Mungú, kudá' mura' sleémeero gwa tleehh, kaangwí guna luú/.

Ebrania 1:10

Nee slám i malé kaahi, «Kuúng, Aáko, iimír iimu/uungo yaamu ina iihháf, nee doori a gadiyér dabaawók.

Ebrania 1:2

Ala de'emaarén kuká' alhhe'eesayhe ina dirén i axweés ar loohír Garmaawós, kudá' aa aaliitmoó mura' sleémeero wa qaás, slamí mura' sleémeero guna baraá inós ar tleéhh.

Ebrania 11:3

Haratlintaao bar koomaán a tsaahhaán adór, yaamu kira tleéhh ar axweesantá Mungú. Muruudá' gehhoó' kuna tleéhh ar muruú gehhooeeká.

Ebrania 3:4

Umuúqo do'o i tleehharusmoowós kón, ala Mungú mura' sleémeero guna tleéhh.

2 Petro 3:5

Múk adoorí káh, kaa gunqareés adór, iimír aáng doori nee yaamu kira tleéhh ar axweesantá Mungú. Kina tleéhh ar ma'aay, nee ar baraá ma'aay.

1 Yohana 1:1

Kángw axweesantá slafiingw ngun gooiimaán amorhúng, axweesantadá' qaroó daadáw iimír iimu/uungo, tidá' taa axaasaán, nee taa araán ar ilaarén, tidá' taa ga/aawaán kay kwatimiitaán ar dabaarén.

Geehhoeemaá 10:6

Inós lo'o gari huúw ar Mungú kudá' slaáf tam ay alhhe'eesay wasle, Munguúdá' doori gaa tleehh, nee muruudá' baraadií diriia, kudá' yaamu gaa tleehh, nee muruudá' baraadií diriia, kudá' tlawi gaa tleehh, nee muruudá' baraadií diriia sleeme. Malaykamoodá' lo'o ngiwa huúw, iri oó', «Daxta qoomár daamaraangw aa fák.

Geehhoeemaá 14:7

Iri tseé' ar afór ur iri oó', «Mungú ilaiwawa/aak, nee xirfayeemisaak. Asma siiwa naa hardát ar inós sakwasleema ngiwa tleehhi. Gawaá adoorihe, inós i tumbarara'amiitaak, asma inós an tleehharusmoó doori nee yaamu nee tlawi nee kutloó ma'aay.»

Geehhoeemaá 21:6

Nee inós aníng iri báy, «Aa tleehharút. Aníng an Alfa nee Omega, iimu/uungw nee alhhe'eesaay. Heé aa waxiit u ma'áy haniis awa bu'utu wasl, awa baraá kutlá ma'aá slafíngw dahhá'.

Geehhoeemaá 22:13

Aníng an Alfa nee Omega, kuduú geera nee kuduú alhhe'eesaay. Nee slám aníng an iimu/uungw nee alhhe'eesaay.»

Geehhoeemaá 3:14

«Kaangwí gooiimeek amór malaykamooduú múk kríshaanáy oo baraá Laodikeár i dirií', «Axweesantí dír i dahh a dír kudá' ta bay Amin. Inós an lamabu'usmoodá' inkihhím nee oo looeemaá axweés. Inós an iimu/úngw muruudá' sleémeero Mungú aa tleéhh.

Geehhoeemaá 4:11

«Kuúng Aakoorén nee Munguúrén, kuúng a hariín xirif kuwa ilaot, nee ilaiwa/ame nee aleesleemu. Asma kuúng mura' sleémeero una tléhh. Nee mura' sleémeero ina deeruút nee kuna tleéhh as sla'aarirók.»