HOSEA 9:3 - Biblía Axweesantá Hhohho' ar Mungú 2004

³ Múk Israeli i baraá yaamaá AAKOÓ MUNGÚ i meetiiká. Ala tan kii/ baraá yaamaá Misri. Inooín nee múk Ashuru muruú /aymár ta waki kuri al/aay.

HOSEA 9:3 Iomraidhean Croise

1 WAAWITÁ 9:7

naagáy nun sií' kuungá' nee do'owí naa hhoohhooeés as umuueé', sleémeero in saweés dír ilaeene. Múk Israeli tari slaqsaay nee /aymuú /ooslisliingw baraá xoordu sleémeerowo.

2 WAAWITÁ 17:6

Kurkú gwaleél oo waawuti'iimár Hosheawo, waawutmoó Ashuru gixsár Samaria gana hayóh, nee múk Israeli guri ar tláy ay yaamaá Ashuru. Muu guna bahh qaás baraá gixsár Hala, bahh'alé dír afaá yaaér Habori, nee yaaér Gosani nee bahh'alé baraá gixsár Media.

YEREMIA 16:18

Aníng li/oó dakumisuuín nee oo tlakweemaine un buú' sagaáwa tsár, asma yaamu nga meeta gaasiyé' ar tuaá munguii'ín kudá' naa aáhh, yaamuueé' ngaa dalaa/iyé' muruuín kudá' ni waka.»

YEREMIA 2:7

Aníng kuungá' nuri huúw baraá yaamaá hhooa, as mamaá yaamuudá' kiwa /aga' nee tawa hota' ar diihhooa. Ala tawa hardaté' yaamuudá' ina hhitiindé', nee aalir'eé' kari slasla/aresé'.

WA/AA/I 5:6

Múk Misri nee oo Ashuru una dabaá i hanisaán as muruú /aymár bu'uút kuwa slawaan.

ESEKIELI 4:13

AAKOÓ MUNGÚ iri báy, «Adoorí an adoodá' múk Israeli mikaater'ín tidá' slasla/aren ngir /ayiya', qoomár barta baraá tla/ángw xoorduudá' ngi huuw.»

DANIELI 1:8

Ala Danieli ina tsabin baraá muunaáwós i ale muruú /aymadár waawutmo nguwa kwatitiiká, nee difaáirós tidá' i wahaahana, as dabaá tlakw mingiwa sláy. Iri tláy dír sagesihhtusmoduú múk taa karmuumúy, guri firín nguwa may as meetaawós mingiwa gaás.

HOSEA 11:11

Tindin hardah ta daaraax adór tsir/ór Misrír daahh, nee adór hhooka ar yaamaá Ashurúr daahh. Aníng ngiri watlís baraá maray'ín. Anuú AAKOÓ MUNGÚ tí ngina oó'.

HOSEA 11:5

Inooín ta kii/ Misri, kiri sawaawuti'ín nee waawutmoó Ashuru, asma ki/imaá amor'eé' ngaa si'iyé'.

HOSEA 7:11

Múk Israeli a adór hhooki, ar daktani nee fuqurángw koomaaká. Motsuuwo tan múk Misrír firór aa'áy, ta beer iqo amór múk Ashurúr kakayá'.

HOSEA 7:16

Inooín i mak kiki/iyá', ala a amór Munguú gáwtí diriaaká. Inooín a adór ga/alér waslarmoowós aa slakwekwe'eet. Muk'ín oo urén ku daasl ar paánga, asma afa kaharemaaín. Inooín kiri niqín baraá yaamaá Misriro.

HOSEA 8:13

Inooín ilahhooár muruú ta tsu/i hanmisuuwo ngi slaiyá', nee fu'unaydá' kiri /aay. Ala AAKOÓ MUNGÚ ku baloó sla'atimisiiká nee inooín. Aníng hamí tlakweemaaín kuká' in insláw ngiri muúx as tlakweemaaín kuká', ngiri ki/ís baraá lawaali'iimár yaamaá Misri.

HOSEA 9:6

Asma ga/aawaak, qwanayhúng un ilagobá' tunduri ilaoh nee múk Misri, ala /antaá Memfisi nu daamaraná'. Daqaari'iimarhúng ar peésa sla/a ngi alti'ít, nee marayhúng laqaya' ngi alti'iitiyá'.

TLAHHOÓ LAÁWI 18:28

Ala kuungá' adoosíng ma tleehhara', as yaamu munduwa si'iyé' adór mukduú geerahúng wa ale.

TLAHHOÓ LAÁWI 20:22

«Gár tunduwa hariím a daber'eé' sleémeero an otá' nee kaahir'eé' sleémeero an tlehhá' as kahhó' yaamuudá' nuy huuw munduwa si'iyé'.

TLAHHOÓ LAÁWI 25:23

«Yaamu mi baloó weerisaara', asma a kwe'eé', nee kuungá' a dahaaye, nee aauuse baraá yaamueene.

AMOS 7:17

Gawaá adoorihe, AAKOÓ MUNGÚ i kaahi, ‹Hareerók i tsaatuso'o tleehhít baraá gixsaro, na/iiwók awa daaqaay nee awa dasu ki tsuu/ ar paánga, nee qaymoorók kan qasiis dír múk hatlá' ar hima, kuúnguú kilá' a gwá' baraá yaamaá naa meeta gwaaiye', nee múk Israeli kun loohatis amór saáw i ale dír yaamuuine.› »

MIKA 2:10

Quutlé', tlawsé', asma diirí a dír amohhooarhungeeká malé alé. Asma slasla/areemaahúng yaamuuká' ngaa qwaareesiyé', eeít, ar qwaareemisuú iló' ló'wa alé.

Tlehhema'aá ya/Abuuse 10:14

Ala Petro iri oó', «Aasla'áy, Aáko, asma aníng gár ta waki aga baloó /ayiiká.»

DABE 28:63

Adoodá' AAKOÓ MUNGÚ ngira slaá' uri dihhooárí haniís, nee uri tlahhás, an adoorír kilá' AAKOÓ MUNGÚ gan slaa' kuúng uwa amotlakweérí huwi, nee uwa hhaamiisi. Kuúng turi hingees baraá yaamuudá' ta aalír eera.

DABE 28:68

AAKOÓ MUNGÚ, kuungá' nu yaamaá Misrírí ki/is ar miringamoó baraá ma'aay, aa'aá aáng niwa oó', kuungá' i male keera'aaká. Amoodae kuungá' tin mak kiloohúng weerisá' dír wakuuserhúng as tawa lawaaler'ín ar hhawaate nee ar /ameenaaro, ala heé kuungá' nu tlaáxw i kaahh.»

DABE 4:26

aníng laarí Munguú doori nee yaamu un ateét as tawa lamabu'usmo daanduuhunge, aníng kuungá' nun babaw, kuungá' a hhaandá' wa'aá wák ar ale baraá yaamuudá' ta ala'a amoodár gayuú yaaér Yordani. Kuungá' a tleeresaaká amoodae, aqo tundun ló'wa hhaamiis.

YOSHUA 23:15

Ala adoodá' muruudá' sleémeero oo hhó' AAKOÓ MUNGÚ, Munguúhúng naa dirhúngií al'axweés ira boó/, adoorí an adoodá' sleeme AAKOÓ MUNGÚ muruú tlákw ngur aleesláy gawaahúngií huwto ay dír kuungá' tay hhaanda' baraá yaamuuká' hhooe awa tinda haniís nee AAKOÓ MUNGÚ Munguúhúng.