HOSEA 9:16 - Biblía Axweesantá Hhohho' ar Mungú 2004

¹⁶ Múk Israeli kwaa muúx, dee/aruín aa káh, mamu ngi laqwaliaaká. Tam na/ii ngi laqwaalia, aníng na/ii'ín kudá' i sla'aa'ana' in tsuú/.

HOSEA 9:16 Iomraidhean Croise

IIMU/UUNGW 41:23

Nee kwaáo' /ar/aantár faanqw ar hatlá' niri ti'ít ar niqiqilen, daqeetlakw, ar taa kahaás nee fur'ár da/aá daahh.

YOBU 18:16

Inós a adór xa'anoó dee/aruuwós aa kah, nee haleemiiwós sleeme gawto naa kahiyé'.

ISAYA 40:24

Qoomár birka haátl nee birna harma/i'iyé', dír dee/aruuín ngura sihhi'iiká adór xa'anoó wa alé, qoomár AAKOÓ MUNGÚ inooín birnga ifaáhh aqo nin kahiyá', inooín bambaao ginar tleér adór muundáy.

ISAYA 5:24

Gawaá adoorihe, adoodá' tsángw asla hhaanslaá kaaharen ngir /aa/ayi, nee adór gitsór kaaharen ir slururuumaamit, dee/áruuín in slupuut, nee /ayor'ín ka gáwtí ufaahh adór teeri. Asma dabér AAKOÓ MUNGÚ Aleesleemusmo ngaa si'iyé', nee axweesantá Kudá' Hhoohhoó' oo Israeli ngaa waaqaaiyé'.

ESEKIELI 24:21

aníng kuungá' nuwa baw, Aakoó MUNGÚ dír hotaawós ga meetagaas, do'duú xirfuuhúng, nee handá' kuungá' nu qwal/atmís bur ga/eerá'. Tam na/iihúng awa daaqaay nee awa dasuuwo kudá' taa alií geexeeré' ki tsuu/ ar paánga.

HOSEA 5:11

Múk Israeli kwaa baramaanuús baraá kwasleemaro, asma inooín taa tsabín loohír qwanaay eeharto.

HOSEA 8:7

Asma inooín gár ta dahamiisi a fur'a, inooín gár ta bu'un a bambaao. Hhaansli i balaalír koondaaká, balangw'ín i wa'amír konká, sleeme i puuruú konká. Ala tim i laqwaali, a dahaaye gun /ák.

MALAKI 4:1

AAKOÓ MUNGÚ Aleesleemusmo i kaahi, «Asma qaytsité', baalaadá' ni hardát, i ót adór asltá gufteeri. Nee muu sleémeero kudá' sagegawdén, nee kudá' sleémeero tlehhimi'idá' tlakw tlehhaahhitá', nin muundáy tleehhitiyá'. Nee baalaadá' hardah gin qwaarés ar asla. Gár i meetis i káhh, halmi nee dee/armowo.

DABE 32:25

Tsee/aawo slaqwara gi fák, nee baraá guruú do'o dae gi fák. Masoombár daaqaay nee dasuú /amaatliiteero i hhaamiís, tam na/aá du'uumá' nee bariisér sage /awake.›