HOSEA 9:15 - Biblía Axweesantá Hhohho' ar Mungú 2004

¹⁵ Tlakweemaín sleémeero dír ni dahhiya' a Gilgali, asma amorqá' an amór ngiwa geerií aáhh. Aníng inooín i guús baraá dooeene, asma tlehhmi'ii'ín awa tlakw Aníng inooín i malé sla'aaká, geeraharuuser'ín sleémeero aa dee/aanuumít.

HOSEA 9:15 Iomraidhean Croise

WARA'AMI 78:60

Hotaarirós ar baraá Shilo gari máy, tooaáng xaftós iwa baraá tla/ángw muu.

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

YEREMIA 11:15

AAKOÓ MUNGÚ i kaahi, «Muk'eé' kudá' naa tsawaár i harína tawa dahi baraá dooeé' bar inooín tlakweema nga tleehhiyé'. Xáy, ngiwa xuiya' al'axweesani nee fu'unaá ilahhooár muruú ta tsu/i slahh'amu ngu hingeesía? Xáy, kaangwí giqo qwal/atísi?

YEREMIA 12:8

Muk'eé' kudá' naa tsawaár ugwa sakií/. Adór dirángw baraá sla/a aníng iga i /orootliyé'. Gawaá adoorihe aníng iga aáhh.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 3:8

Múk Yuda fuqtá múk Israeli kudá' inkihhimu wásl gana ga/aa/áy, inooínaadá' aníng naa sií'. Ala hhaeekaá lamuuse awa Yuda naa da'ayuti'iiká, nina tlayé' niri fuqtá ayé'.

YEREMIA 5:5

Aníng a axweesantá áw dír geeraharuuser'ín, inooín gár Mungú i slai ngi xuiyá', nee dabeerose.» Ala inooín sleémeero i alqoná' waawuti'iimár AAKOÓ MUNGÚ ngina si'iyé', nee iialooeesaro nguna si'iyé'.

ESEKIELI 22:27

Geeraharuuser'ín baraá gixsaro a adór taweruú makiito'ór /aáy, ta tsu/uut as tiwa kilooín daqaari'itimisiya' ar loohír qoomaaká.

ESEKIELI 23:18

Inós iwa kumít fuqto nee /aankwetsuuwós laqaqaango, aníng ana máw adoodár kilá' aáng hho'oorós ngira máw.

HOSEA 1:6

Gomeri iri malé tsít, dasi gari xwayluúr. AAKOÓ MUNGÚ Hosea guri báy «Umuuwós ku beer, Lo-Ruhama. Asma múk Israeli u baloó gurtlawaaká, tam ado gaalá.

HOSEA 1:9

AAKOÓ MUNGÚ Hosea guri báy, «Umuuwós ku beer, Lo-Ami. Asma kuungá' a muk'eeneeká, aníng sleeme a Munguúhungeeká.»

HOSEA 12:11

Tam hamí munguaá hatlá' ki sluufmiis baraá Gileadiro, mukdá' sleémeero gi sluufmiís ku hhaamiis. Ala tam hamí damaay ki ilahhooár muruú ta tsú/í hanmiis baraá Gilgaliro, ala kiteeridaá ilahhooa ki ufér tlaa/e tleehh baraá hha'aá qamuuwo.

HOSEA 12:2

AAKOÓ MUNGÚ i kwasleemár kón daanduú Yudawo, inós xwaylár Yakobo ga slaahh as tlehhmi'ii'ín awa tlakw, giri buu' ar har qoomoó tlehhmi'ii'ín.

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

HOSEA 4:15

Tam kuungaá Israeli a fuquuseero, ala múk Yuda tlakweema mingiwa tleéhh. Kuungá' ma tlawaara' ay Gilgali, tam ma tsa/amaara' ay Bet-afeni, sleeme umuú Aako mu lo'órár huwahuwaara' tawa kata', «Ar adoodá' AAKOÓ MUNGÚ ir hotaatin.»

HOSEA 4:9

Aluuwo gár muu gu slaw kaahamusmo gu sleér. Aníng i muúx asma hotaaín awa tlakw nee in buú' ar harqoomoó tlehhmi'i'ín.

HOSEA 7:2

Inooín tam tsaahhár niiná ngi kon'aaká, adór aníng tlakweemaaín ngir xuú', ala inooín kaa nagwaáhh nee tlakweemaaín badu sleémeero, tlakweemaaín sleémeero aníng i ga/áw.

HOSEA 9:17

Munguúeé' gin amór saáw i kwaahh, asma ngwa mayé' iiárií qaasaro. Inooín tay múk tawó tambeeruús baraá xoorduú wa alé.

HOSEA 9:3

Múk Israeli i baraá yaamaá AAKOÓ MUNGÚ i meetiiká. Ala tan kii/ baraá yaamaá Misri. Inooín nee múk Ashuru muruú /aymár ta waki kuri al/aay.

TLAHHOÓ LAÁWI 26:30

Dirhúng tidár firo ar gawaá gongoamo an hhitiím, kiteerihúng kudaá ilahhooa in feé/, nee kudá' mooyángw tsuú' tleemis, nee tu'uuhúng ngiri kwaáhh gawaá daanduú tuaá murslaaqatuhúng, qeeruueé' kuungá' nuri ló'wa aahh.

AMOS 4:4

«Qwalaasé' amór Beteli as tawa dakusa'. Qwalaasé', amór Gilgali as tlakweema kiwa alkoondá' tlehhtuuwo. Ilahhooarhúng ar muruú ta tsu/i huwaare' umuúqo matlaatleero, nee umuúqo bál tame ilahhooarhúng ar sluufaay ngi hubá', umuúqo gár wák baraá muruú mibaango.

AMOS 5:27

Gawaá adoorihe nun loohatís amór saáwí ale Damaskoro nari waarahhaás, slamí tunda daba' tsegiít.» AAKOÓ MUNGÚ tí gana oó', kudá' umuuwós ta bay Munguú Aleesleemusmo.

AMOS 5:5

Ala mi leelehhtuú awaara' amór Beteli, nee ma Gilgalír kawaara'. Laqaá ma waarahhara' Be'er-sheba. Asma yaamuloouusér Gilgali ka loohatis, nee ar Beteli ka hhaamiis.»

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

MIKA 6:5

Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»

SEFANIA 3:3

Geeraharuuseerós baraawose a adór direeraá aahhamiimá', mukdá' kwasleemadaá tlaáq a adór taweruú tsiindo, gár i meetimisiyá' i káhh tam ar niiná.

SEKARIA 11:8

Aníng de'eemuusér tám ana tsuú/ baraá slahhángw wákí ale, asma aga slaaqaát as inooín, nee inooín sleeme án iga aahhiyé'.

Tlehhema'aá ya/Abuuse 4:27

Asma tí a ló', Herode nee Pontio Pilato, nee múk xoordu nee múk Israeli, tana baraá gixsárí burumburiít, as sagadiyusmoowók Kudá' hhoohhoó', Yesu, kudá' kuúng taa iimbalaáx ar di/i.

Tlehhema'aá ya/Abuuse 5:21

Inooín axweesanaywí axaasaro kuwa hhe'eés, tari tláy matlaatlér boo/e, tari baraá Doó Mungú wa intsaahhatimís. Kaahamusmoó úr oo Mungú niri hardáh dinkwa nee mukós. Múk doó kwasleema nee bariise sleémeero nee múk Israeliwo, kuri burumbuúr, muu kuri ya/aáw baraá doó tseegamo as mukdá' kunguwa huwi.

YOSHUA 10:43

Aluuwo Yoshua nee múk Israeli sleémeero tari kií/ amór xafay'ín kuduú baraá Gilgali.

1 SAMUELI 7:16

Inós umuúqo kurko gixsadaá Beteli, nee Gilgali, nee Misparo gin alhi'iimaamiit, qaa/oó múk Israeli gun tlaqaqaat baraá yaamuuká' sleémeero.