HOSEA 9:11 - Biblía Axweesantá Hhohho' ar Mungú 2004

¹¹ Xirfuú múk Israeli i adór tsir/ír wa tláy iri sawees. Na/ii ki laqwaliiká, /ameenír tsiiháy i kaáhh, laqaá tam /ameenír tsih i káhh.

HOSEA 9:11 Iomraidhean Croise

IIMU/UUNGW 41:52

Oo tsár umuuwós kuri báy Efraimu, gídaabárós: «Mungú na/ii ngaa haniís baraá yaamaá slahh'eemisuueé' wa ale.»

IIMU/UUNGW 49:22

Yosefu a adór xa'anoó laqwaliím, xa'anoó laqwaliím afaá kutltá wa alé, haleemiiwós koo/i ngin alsihhiitiyá'.

2 SAMUELI 6:23

Naagáy Mikali dasír Saulo na/aay gwa sleeriiká garwa gwá'.

YOBU 18:5

«Aasla'áy, heé tlaákw aqo in hardah alhhe'eesoó tlaákw, nee gufuú asltós i gwa/aatiiká.

WARA'AMI 58:8

I weeqiye' adór gwa'aarár kitsinqaay, adór tsiihoó taa guruú wa kwaáhh oo looa ga araaká.

DAHARUSMO 6:3

Barnaxes hee na/aá tsiiru gaa laqwaál, nee iri hoót kureeraá yaariire, iri hoót deelór yaariire, ala inós amohhooár hotaangw gaa slayká, nee iwa gwaá' kwaa fooliiká, aníng a kah, gurkwahhama a tsiní ta heewihe.

ISAYA 17:3

Koo/idá' gawden ar Efraimu i hhaán, nee waawuti'iimár múk Damasko i qwát, múk Aramu oo aa meet kuri niqín adór múk Israeli. Anuú AAKOÓ MUNGÚ Aleesleemusmo tí án káh.

HOSEA 10:5

Yaamuloouusér Samaria in daaraxát as damaadár baraá Bet-aweni. Inooín tari tsuunqumiis as damaadá', kaahamuusér damaadá' ga sluufmiis iri /aa/amiín, as xirfuú damaadá' kuwa hingeés.

HOSEA 4:7

Adoodá' kaahamuuse ira tláhh, an adoodá' tlakweema ngira aníng i tlehhiitiyé', gawaá adoorihe aníng xirfuuín un warqeés nguri mure tleéhh.

HOSEA 5:9

Aníng múk Israeli bura slaáhh iri deewaa' baraá tla/ángw tlahh'aá Israeliwo, kaangwí naa oó' oo ló'.

HOSEA 9:14

AAKOÓ MUNGÚ mukwí slahheek, hamí gár kir slahh a milá? /Ameenar'ín gur'e ngi kwakwahh nee iseemaaín i /one'.

AMOS 1:13

AAKOÓ MUNGÚ i kaahi, «Aníng múk Amoni muxtaaro u mawaaká, as tlakweema ngiwa tlehhaahhitiyé'. Asma inooín /ameenár tsiihaawe ar múk Gileadi ngina gur'e feehhamiisiyé', asma iwa digeemaá yaamuuín intlaaxweemisiya'.

Luka 23:29

Asma deelo i hardát ar tawa ooi, ‹Múk amohhoó' a /ameenadár kaamper, tidá' aa laqwaliká, nee ar aa du'umisiká.›

DABE 28:18

«Kuúng tun lu'us, na/aá yaariir i laqwalká, nee qamuwók kin lu'us, balángw yaariír ngu hamaareesiaaká, nee tleemaaír hikwaahúng ka lu'us, nee ar bee/aango.

DABE 28:57

na/aywós kudá' aa sangw xwayluúr gun /ák, nee xwanslayduú alaá na/aay burkwa xwaylúy ngi daáhh sleeme, slám kaangwí sleeme gu baloó sohh'oská dír hhawaatuuwós kudá' i sla'a, laqaá tám dír na/aywose sleeme.

DABE 33:17

Xirfuuwós a adór oo awuú baris, xareemiiwós a adór kuqaá yaqaambuú saree/a, xareemidaádae inós xoordu gin tliwii/ ay alhhe'eesoó yaamu, inooín sleémeero gi ku/iyaá yaamií hardahaas. Efraimu xareemi ngi kon kume mibaangw, nee Manase kumér yaariir.»