HOSEA 9:10 - Biblía Axweesantá Hhohho' ar Mungú 2004

¹⁰ Aníng múk Israeli nguwa sláw, a adór sabiíbuú darma. Taati'iihúng ngiwa ár ki afhhamít adór mamaá /aantsí awa har geera. Ala tawa hardáh Ba'al-peori, tiri paraatliyé' dir'eene as Ba'ali nguwa sluufmisiya'. Aníng inooín ina aáhh adór Ba'alír ale, kudá' i slaiya'.

HOSEA 9:10 Iomraidhean Croise

1 WAAWITÁ 16:31

Slám tam tlehhma'aá Yeroboamu garmoó Nebati gaa eehari, Ahabu Yesebeli gari duúx, dasír Etba'ali, waawutmoó Sidoni. Ahabu Ba'ali guri sagadiyuús, nee gway sluufmiís.

2 WAAWITÁ 17:11

Mooyángw tsuú' kuri da/aa/án gawaá wa/aameedá' sleémeero ar gongooama', inooín slooír xoordaá hatlá' kudá' AAKOÓ MUNGÚ aa guús ngina eehariyé'. AAKOÓ MUNGÚ nguri buhhtisiyé' ar tlakweemaaín kudá' naa tleehhiyé'.

WARA'AMI 115:8

Kudaádá' ngi tlehhahhitá' a slaqás nee inooín, sleeme nee kudá' sleémeero ngi harahhifa'a.

WARA'AMI 81:12

Gawaá adoorihe aníng ina máw tawa tlay ar adoodá' inooín i slaiya', nee ar baraá hara'ayduín.

DAA'AANGW 3:6

Garqá' a milá baraá xaanxoó daahh, adór tsángw quui oo aa sihhiit. Tidá' mooyángw manemáne, hee mooyángw tsuú' iwa tlatlay, tidá' ta weeramiisi nee halanuuse.

ISAYA 28:4

Xirfuuín oo hhohh'aari aa qwaár adór /ayór aa kat, xirfuudá' baraá xatstá wahhaárí dirií', iri adór /aantsí tleehhiit ar aa hamat qoomár age iwa ti'imiiti, hee birnga ár gan buu' gari /aay hamtidár kilá'.

YEREMIA 11:13

Múk Yuda, munguiihúng ki yaariir adór gixsaduhúng. Nee kiteeraá ilahhooarhúng ki yaariir adór lohdaá Yerusalemu, kudá' taa tlehhé' as mureekesayduú Ba'ali kuwa ilahhooár mooyángw tsuúií da/a/aanda'.

YEREMIA 24:2

Lakwaantír geera /aantsír ló'wa hhohho' ga koón, inós an adór /aantsír bu'úngw geera. Ala lakwaantír tsár gár i koon a /aantsír aa hhiturut ar aa kufut, tidá' /aymaaro ya/aamaaká.

YEREMIA 3:24

Iimír masoombi'iimarene tlehhmuuwí oo mureekesaay umuú gaaro gana hhaamiís nee daqooray'ín oo bee/aangw nee oo hikwaawo nee daaqay'ine nee dasuuwo, muruudá' xwayliteérén aa hamér wa xínts.

YEREMIA 3:25

Gimsé' atén gár tiwa hariím an yaamií qaataán as mureerén, nee masók mureekesayrén ti tuuntuuk, asma tlakweema iga tleehhaán dír AAKOÓ MUNGÚ, Munguúrene, atén nee xwayliteérene. Iimír masoombi'iimarén wa tleemu ay laarí atén afór AAKOÓ MUNGÚ, Munguúrén, aga iialooeesaniiká.»

YEREMIA 31:2

Anuú AAKOÓ MUNGÚ a kah, «Mukdá' naa dír tsu/utár wa /uy, qeemu ngwa slayé' baraá xaanxaywo, qoomaadá' múk Israeli dír huungu/uusa kawa leelehhiít.

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

ESEKIELI 20:8

Ala ina aahhiyé', slám iga iiaárií qaasi'iiká. Tam heé wák i kaahh oo muruudá' aníng ni ahhiit, kudá' inooín i slaiya', gwaa may tlehhtuuwo, sleeme inooín slaqsi'iidaá munguaá yaamaá Misri ngaa may'iiká. Naagáy niri oó', ‹In i buúhh dír ir baraá yaamaá Misrír i kahhiya'.›

HOSEA 11:1

Israeli kuwa niiná una slaá', garmaaeé' kwí ngway ateét niwa Misrír wa ti'iiti.

HOSEA 13:5

Aníng kuungá' nuna amohhe'eemiís iimír baraá xaanxáy wa alé, baraá yaamaá kaahaar awa waxe.

HOSEA 2:15

Aníng qamuuwós awa sabiíbu ngay amoodá' wa haniís, nee xatstá Akori tidá' ta bay slahh'amaaye tari harahhifoorós. Inós aníng iri ya/aán ar adoodá' aáng ngira sa'axweés tawa /amaatliito'o, nee adór qoomaadá' niwa ti'ít Misrír wa ale.

HOSEA 4:14

Dasuuhúng u slahh'eemisaaká as iwa fuquusi, tam /ameenár ta duxuút iwa tsee/aá wa hi'iimit. Asma hhawaateeín tana bihhií suruúk nee /ameenár fuquuse, ilahhooár muruú ta tsu/i ngin hanmiisiyá' baraá doó tsaatu'uumár wa ale dinkwa nee /ameenadár tsaatuuse. Mukwí tsaahhár koomaaká ku hhaamiis.

HOSEA 4:18

Inooín a adór múk aa xufiit, sleémeero naa kilooín /eetiyé' baraá fuqi muruú gi mureekeemiís ngu slaiyá' ta muruudá' gi xirfayeesa.

AMOS 4:5

Ee, gimsé', xáy, kuungá' ilahhooár murú ta tsu/i ar sluufaay ar mikaátér taa sluuftís haniisaak, ilahaniisaak umuú diiro adór ilahhooa kara hanisé' ar muunuú /awaák. Asma an adoodá' kuungá' kar sla'a', kuungaásingá' múk Israeli. Anuú Aakoó MUNGÚ tí aga oó'.

MIKA 7:1

Tsaxwaaeé'! Asma aníng a adór heé qwariít, oo bururú gwaa sleemisuú ay. Ala laatí tam /aroó wák oo taa meetiís ugwa slawiiká. /Ar'i sleémeero kaa buú'

FAARO 15:39

Afuuntluraywí qoomár bura aandé', kuungá' nu inslawtamisi, hara'ayár AAKOÓ MUNGÚ sleémeero, nee nee adoodá' i kat ka tlehhá' as kuungá' ilaatleerír munerhúng ma eeharaharaara', nee muruú ilaahunge ta ara'aandá'.

FAARO 18:13

Bu'úngw geera sleémeero baraá qamuuwo, kudá' tindá dir'eéní huúw, a kók. Heé ta harmeetinká baraá xwaylaroge ngu /ayi.

Rumi 6:21

Qoomaadaádae gár taa sleeré' a milá? Gár taa sleeré' a muruuwí hám ta sa murumitá'aáke. Ala alhhe'eesoó muruuwí a gwa'ara.

DABE 32:10

Inooín gina baraá yaamaá xaanxáy áy, darmuú tawo oo fur'ár xaraasl ga koóm, giri baqamín, giri amohhe'eemiís, giri xún adór maamár iltós.

DABE 32:17

Ilahhooár muruú ta tsu/i ngina hanmiisiyé' dír neetlaame, dír Munguheeká, dír munguaá inooín ta baloó xuiiká, dír munguaá /aben awa naa aluú wa hardihiye', kudá' baabi'iihúng naa baloó xui'iiká.

DABE 4:3

Kuungá' ilaahúngaá kilae aga aandé' adoodá' AAKOÓ MUNGÚ aa tleéhh daanduú Ba'al-peoriwo. Asma AAKOÓ MUNGÚ Munguúwók mukdá' munguúdá' ta bay Ba'al-peori gwaa sluufmisuú ay guna hhaamiís baraá tla/angwhunge.

HAR'OHUUSE 6:32

Naagáy iimír baalaadae Gideoni kuri umuú i tsaát kuri báy, Yeruba'ali, asma gídaabarós a, «Ba'ali ti kilós aleekalaa/i.» Asma gár taa feé/ a kitaangós oo ilahhooa.