HOSEA 9:1 - Biblía Axweesantá Hhohho' ar Mungú 2004

¹ Ma qwalaala/aara' aá múk Israeli! Ma adór múk xoordaá hatlá' wa qwalaala/aara'. Asma adoosíng kuungá' AAKOÓ MUNGÚ kuwa sié' ana daté' baraá fuqi. Slaasláwár fuqi kari ilatleerusé' umuúqo dír tawa balángw slahhana.

HOSEA 9:1 Iomraidhean Croise

WARA'AMI 73:27

Asma mukdá' taa paraatl nee kuúng ta qwaar, kudá' sleémeero inkihhimuú kooma'aaká diroge in qwaarés.

ISAYA 17:11

Tam geera u ureemisa'a looár wák ale, tam i /ayuusi matlaatleedá' kwa dahaás ale, tam adoorihe balangwhúng in tawo faak, baalaadár qwanayhunge, tidá' slahh'amuuhúng kuwa baloó tse'eesiiká.

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 2:20

Iimír aáng kuúng taqwantók aga geeqeér nee piíngu kuri kwáhh amór saaw, tari ó', «Aníng kuúng u sagadiyuusaaká.» Gawaá tlom'aá tlede nee umuú gamuú xa'anoó loo/o naa/e munguaá hatlá' ina ii xupaapú' adór tsaatuso'o.

YEREMIA 44:17

Ala atén umuú gaaro ar ta lo'ór wa /ayaán aqo an tleehhaán, mooyángw tsuú' kuwa da/aa/amaan dír waawuto'ór doori, nee ilahhooár tsiririxiisa an dirós i haniisaán, adoodá' ta tlehhahhitaan atén nee baabi'iirén, nee waawitaárén, nee geeraharuuseerén, baraá gixsadá' Yudawo nee baraá lohdaá Yerusalemuwo. Asma qoomár adoorí kawa tlehhahhitaan muruú /aymár yaariír una slawaán, diihhooár yaariir ana slawaán, nee gár tlaakw ar taa araán i káhh.

WA/AA/I 4:21

Qwalaala/é' nee qaseesemé' daxta, kuungaá Edómu, kuungaásingá' yaamaá Usír hootá', ala xooslmoowuú sakwasleema kungu dirhúng i haniis sleeme as kuwa wata', tay oonimitá' tlabaahúng kay kwakwahhá'.

ESEKIELI 16:15

«Ala hhohhoaarirók tisíng ana harahhíf, as tiwa hhoohhoó' tsaatu'uumár eér, nee sli'ima kari tléhh nee umuúqo heé waaraahha.

ESEKIELI 16:30

«Anuú Aakoó MUNGÚ aa kah, Kiíng gár i gaamiis a hheehhár fuqi kilós. Asma fuqi ana i xupú' tam murér niiná a ara'aandaaká.

ESEKIELI 20:32

Kuungaáká' kaahá', ‹Atén a adór xoordaá hatlá' tleehhitaán, nee tlahh'aá yaamaá hatlá', as xaai nee tlaa/e kiwa sluufmisaan.› Tisíng ta baraá munerhúng i kata' i baloó ya/aandaaká.»

ESEKIELI 21:10

Kaa duúq as iwa tsu/ut, kaa /awaakeés as iwa war'eeliin adór mankari.

HOSEA 10:5

Yaamuloouusér Samaria in daaraxát as damaadár baraá Bet-aweni. Inooín tari tsuunqumiis as damaadá', kaahamuusér damaadá' ga sluufmiis iri /aa/amiín, as xirfuú damaadá' kuwa hingeés.

HOSEA 2:12

Aníng qamuuwós awa sabiíbu nee awa /aantsihe, in hhitiím kudá' inós iwa kat, ‹Qamuuká' an bu'utueé', kudá' mulqer'eé' naa hanís.› Aníng in gara tleéhh, makaá sla/a ngiri /ayiyá'.

HOSEA 4:12

Muk'eé' i gurbu'utá firiirín dír xa'ano. Inooín kin geeraharahaar nee iigu'utuú hhara, asma inslawoó fuqi inooín gaa qwaareés, Munguúín nguri mayé' nay fuqtá ayé'.

HOSEA 5:4

Mukwí kwaa ilaá/ nee tlehhmi'ii'ín as kahhó' matawa kií/ amór Munguúín. Asma inslawoo fuqi aa haáts baraaine, tam AAKOÓ MUNGÚ ngu xuiaaká.

HOSEA 5:7

Inooín dír AAKOÓ MUNGUHE naa iia wasleesiyé', asma inooín na/aá taa laqwaál a kudá' tinda tsee/aá wa sláy. Slahhángw /awaák birna ti'iít inooín i hhaná'.

AMOS 3:2

iwa kaahi, «Baraá tla/ángw xoordu sleémeero awa baraá yaamuwo kuungá' kiloohúng nun xuú'. Gawaá adoorihe aníng kuungá' nun muúx asma tlakweemaahúng sleémeero.»

AMOS 4:5

Ee, gimsé', xáy, kuungá' ilahhooár murú ta tsu/i ar sluufaay ar mikaátér taa sluuftís haniisaak, ilahaniisaak umuú diiro adór ilahhooa kara hanisé' ar muunuú /awaák. Asma an adoodá' kuungá' kar sla'a', kuungaásingá' múk Israeli. Anuú Aakoó MUNGÚ tí aga oó'.

AMOS 6:13

Kuungaásingaá qwalala/á' as gixsár Lodebar kawa hayoté', slamí tin xirfayeemisá' tawa kata, «Ahaá, Karnaimu aga hayohanikáhe ar /uuruurén?»

AMOS 8:10

Aníng deelorhúng ar ur an warqeés tawa deelór tsuunqumis, nee daa'angwhúng sleémeero oo bara/ tari /aa/e, kuungá' sleémeero guniyadu kiri tsitá' as gurhaami, nee sagerhúng kari deqwá' adór xwayliitér /aa/amiim as garmoó aayoorose wák ina kahhuút, nee deelór alhhe'eesaay tay slahh'amuú úr.»

Yakobo 4:16

Ala hám daxta kuungá' a daara/aandá', nee ti kiloohúng xirfayeemisá'. Ala daara/aangwí sleémeero ku tlaákw.

Yakobo 5:1

Iia qaasaak, kuungaásingá' daqaare, /aa/é', tsuunqumiisé', as slahh'amuuwí kuungá' ta sleera'.