HOSEA 8:8 - Biblía Axweesantá Hhohho' ar Mungú 2004

⁸ Xoorór Israeli kaa guú/, hamí ta baraá tla/ángw xoordaá hatlá' adór xooslmoó ado wásl.

HOSEA 8:8 Iomraidhean Croise

2 WAAWITÁ 18:11

Waawutmoó Ashuru múk Israeli guri haásaáng wa ar tláy ay yaamaá Ashuru, bahh'ale giri qaás baraá gixsár Hala nee ar Habori, nee bahh'ale baraá bihhaá yaaér Gosani, nee gixsadaá yaamaá Media.

ISAYA 30:14

Tsatiitarós a adór gwa'arár hutlaay, adór hutloó aa suwaawa'aat, tam qaambeesamoó asltá ya/aám i kaahh, laqaá oo ta ma'ár islaakwi baraá hhalaango i kaahh.»

YEREMIA 22:28

Xáy, heewí ta bay Konia a adór hutloó aa gwaái kudá' ta waaqaaqai nee kuri kwaáhh tsee/ií alé? Ahaá waáy, inós nee na/iiwose gár kisa amór saáw i kwaáhh, baraá yaamaá i xuiiaaká?»

YEREMIA 25:34

Tsuunqumisé', kuungaásingaá de'eemusér muk'eé', nee /aa/é'! Baraá da/arár wa gwaangwaraa'amiité', kuungaá de'eemusér bee/aangw! Deelór kuungá' tunduwa tsu/i, nee tunduwa diyaa/i naa hardát. An pahhá' adór xooslár hhohho'.

YEREMIA 48:38

Gawaá daandeemaá maraá Moabuwo nee baraá lohdaá urene gár hatlá' i káhh aqo har tsuunqusmo kilós. Asma aníng múk Moabu ugwa kwaáhh adór xooslmoó hee aa sií'. Anuú AAKOÓ MUNGÚ tí ngina oó'.

YEREMIA 50:17

Múk Israeli, a adór bee/ángw ta slakaati nee diraangw kudá' ta tlatlahhaás. Geeraawo kina hhaamiís nee waawutmoó Ashuru, nee hám daxta Nebukadnesa waawutmoó Babuloni kudá' gaa fadu giqaaqay.

YEREMIA 51:34

Waawutmo Nebukadnesa oo Babuloni gixsár Yerusalemu gana hhitín nee gari naasúy, gari adór hutloó kaahaár tleéhh, gana guú/ adór dayshamo. Guruuwós guna hatsiís muruú tsuua nee gari waá/ amór saaw.

WA/AA/I 2:16

Wakuuseerók sleémeero in niqiín, nee in miitleeliín, nee in /atlí /ayiyá', slám i kaahiya', «Aga hhaamiisaán, baalaarí an tidá' taa damraaramaán, hamí aga i hardahaán nee a ga/aawaán!»

WA/AA/I 2:2

Aako dír hotaá múk Yakobo gana hhaamiís sleémeero ar gurtleemu wasle. Koo/idá' gawit ar múk Yuda gana yaamií daáhh ar buhhtaawós. Mukdá' urén nee waawuti'iimar'ine gina yaamií daáhh ar murekesaay.

WA/AA/I 2:5

Aako naa hardáh adór wakusmo, múk Israeli gwa hhaamiís. Inós maraydaá waawitá sleémeero gaa hhaamiís, nee koo/idá' gawit gaa taangúy, tsuunqumís nee wa/aa/ír múk Yuda gaa tlahhás.

WA/AA/I 4:2

Na/aá Siyoni kudaá adór tlaa/aá tlaxo gawden, kudá' taa harafaár tawa adór sahaábú hhohhó' adór nira warqayé' niri adór xooslár tleei tleehhitiyé' tidá' taa tleéhh nee tleeusmo.

WA/AA/I 5:2

Aalirén kaa haniís dír dahaaye, marayrén kin hoot nee múk hatlá'.

ESEKIELI 36:3

«Gawaá adoorihe, Esekiéli, kuúng aariím ta ó', ‹Anuú Aakoó MUNGÚ a kah, kuungaá tlom'aá múk Israeli, muu naa yaamaá tawo tleéhh, nee tunda i haratláy bihhe sleémeerowo, nee aga daqaari'iimár xoordaá hatlá' tleehhité', nee tari gár ta kaantin, nee ar ta waaqaqaai tla/ángw xoordu sleémeerowo.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

Rumi 9:22

Mungú xaraasleemawós gi laqaamár wa slaa', nee aleesleemuuwós nguwa laqan. Ala Mungú xaraasleemawós gaa ala alqiítl, nee xooslaadá' taa qwanáy wa tleéhh, gana ala máy ar qitluú yaariír, as mingiwa hhitín.

DABE 28:25

«AAKOÓ MUNGÚ wakuuserók ga /uurií haniis, kuúng uri bál slaqwaraaro. Kuúng nee inooín tin dogá' ar loohír wák, ala kuúng tari gop ar lohdu faanqw. Kuúng turi aahh baraá waawuti'iima sleémeerowo.

DABE 28:64

«AAKOÓ MUNGÚ kuúng un diyaa/ baraá tla/ángw xoordu sleémeero iimír bihhaá wák awa yaamu ay bihhaá hatlá'. Amoodae munguaá hatlá' awa xaai nee tlaa/e kiri sagadiyús, awa kuúng ta xu'uká, laqaá baabi'iiwók.