HOSEA 8:6 - Biblía Axweesantá Hhohho' ar Mungú 2004

⁶ Asma baraá Israeliwo múk dakór baál i deer, inooín dama ngina tleehhiyé' ala a munguheeká baloó ale. Ala damarír Samaria ka suwawaa'.

HOSEA 8:6 Iomraidhean Croise

2 WAAWITÁ 23:15

Tam adoorihe kitangwduú ilahhooa, kuduú Beteli oo gawaá gongoamo oo Yeroboamu garmoó Nebati, kudá' múk Israeli gwaa baraá tlakweemií dahaas, aa tleéhh, guna feé/, wa/eeridaá ilahhooa awa gawaá gongoam' gana feé/, tlaa/eewós giri naasúy adór teeri, slaqsa'aá Ashera giri daá/ ar asla.

2 WAAWITÁ 23:19

Maraá ilahhooa sleeme kudá' taa tleéhh nee waawituú Israeli amór gawa baraá gixsár Samariaro. AAKOÓ MUNGÚ kway buhhtís, Yosia gina feé/ ar adoodá' aa tleéhh dír kitangwduú baraá Beteli.

2 QOM'I 13:8

Hamí daxta kuungá' ka xua' waawuti'iimár AAKOÓ MUNGÚ ila/aro aqo alesleerá'a, tidá' inós aa xwaylár Daudi haniís, asma kuungá' slaqwaruusér yaariir a koondá' nee slaqsa'aá damaay kudá' Yeroboamu aa tlehhiít ar sahaábu tawa munguihúng.

2 QOM'I 31:1

Deeloodá' ur ar Pasaáka iwa fák, múk Israeli sleémeero tari tláy baraá umuú gixsár Yudawo. Uheemidá' taa tlehhiít kiri feé/ kiri giqáy, munguúdá' ta bay Ashera kuri supín, wa/angwduú gawaá gongoamo' kudá' munguaá hatlá' kiwa sluufmaamisi kiri feé/. Inooín adoorí kana tleéhh baraá yaamaá Yuda nee awa Benyamini, nee Efraimu nee awa Manasewo sleeme. Tí kawa hhe'eés, umuú heewo iri waátl amór gixsarós nee dír aalirós.

YEREMIA 10:14

Umuúqo heewo ku iimiboó/ nee i fuqurángw konká. Umuúqo kareeramoó sahaábuú kwahhuuta ku mureekees nee slaqsi'iiwós kudae, asma slaqsi'iidá' a lamtá tawo, i slafíngw kon'aaká.

YEREMIA 48:13

Qoomaarihe múk Moabu munguúín Kemoshi nguri murér wa ariyá' adoodá' múk Israeli Beteli munguúín kudá' i harahhifiya' ngura murér wa ariyé'.›

YEREMIA 50:2

«Afo ilahanisaak baraá xoorduwo, Bendeéra gáwtí tleesaak nee ka oá', ma gaa lu/aara', ooaak adór yaamaá Babuloni kira hayóh, munguú ta bay Beli kwaa mureekeés. Munguúdá' ta bay Merodaki kwaa dae tsaát, murslaaqatuuín kwaa mureekeés nee slaqsi'ii'ín kaa dae tsaat.

HOSEA 10:2

Inooín a al/aymuuse, hám daxta adór kis hariím ngi slayá'. AAKOÓ MUNGÚ kiteeri'ín kudaá ilahhooa gin yaamií daahh, uheemidá' giri fee/.

HOSEA 13:2

Hám daxta tana ak kumiít tlakweema tlehhtuuwo, inooín munguú slaqsaay kway tleéhh ar peésa. Heé fuqurángw koóm slaqsaywí guna tleéhh ar peésa. Muruuwí sleémeero kuna tleéhh nee heé kwahhór baál, tari oó', «Ilahhooár muruú ta tsu/i dír muruuwí ti hanmisé'.» Muu slaqsi'iidá' mungui ngiri ma'amisiyé', kudá' taa tleéhh ar slaqsoó dama.

HOSEA 14:3

Múk Ashuru atén ti ba/amisiiká. Atén sleeme farsuú slaqwara u malé harahhifanaaká, nee gadiyér dabaarén a male bawanaaká, ‹Kuungá' a munguúrén.› Asma diroge panaay gurtleemu gu sláy.»

MIKA 1:7

Slaqsi'iiwós kudá' mungui sleémeero kin naasúy, nee umuúqo gaarose kari daa/ ar asla. Nee slaqsi'iiwós kudá' ngiri hhaamiís. Asma muruudá' sleémeero taa burumbuurín as bu'utuú tsaatuso'o, Kunar tláy tawa bu'utuú tsaatuuse sleeme.»

HABAKUKI 2:18

«Munguú slaqsaay oo taa tléhh ar daba' gár uwa bui, inós bar muqslír hee aa kwahhuút, gaa barqo lamtá tawo. Heedaádá' murslaaqat gwaa tleehh nguwa malé harahhifi gár nguwa bui, munguúwós kwí i qamin bar munguú murslaaqatuú axweesantá aslawká.

Tlehhema'aá ya/Abuuse 17:29

Ala atén barnaxes a na/aá Mungú, a hariímarooká atén tawa kaahaan Mungú a slaqás nee sahaábu, laqaá peésa, laqaá tlaa/ano. Asma muruuwí a muruú taa tleéhh ar aleesleemuú muu nee sagalooa.

Tlehhema'aá ya/Abuuse 19:26

Kuungá' aga aandé' nee aga axasé' adór heewí ta bay Paulo i tlehhiiti. I kaahi, ‹Munguaá ta tlehhiiti ar dabaá muu a munguiwooká.› Inós múk yaariír gwa harakeemiís guri warqeés, ala a diirír gixsár Efeso kiloseeká, ala tam baraá yaamaá Asia sleémeero.