HOSEA 8:13 - Biblía Axweesantá Hhohho' ar Mungú 2004

¹³ Inooín ilahhooár muruú ta tsu/i hanmisuuwo ngi slaiyá', nee fu'unaydá' kiri /aay. Ala AAKOÓ MUNGÚ ku baloó sla'atimisiiká nee inooín. Aníng hamí tlakweemaaín kuká' in insláw ngiri muúx as tlakweemaaín kuká', ngiri ki/ís baraá lawaali'iimár yaamaá Misri.

HOSEA 8:13 Iomraidhean Croise

TI'INAANGW 20:3

«Munguaá hatlá' mi koomaar, aqo har aníng kilooeé'.

TI'INAANGW 32:34

Ala hám daxta, tláw, muu geerahareek ay didaádá' aníng kangós naa kuúng báw. Ga/aaweek, malaykamooeé' geeraawók gi haar. Tam adoorihe bál aníng birna amorhúng káw, li/aay u buú' as tlakweemaaín.»

AXWEESANOÓ SAGALOOA 21:27

Ilahhooár muruú ta tsu/i ar heé tlakusmo ka waak, Heé inslaway tlákw ilahhooarós kan ak slaiiká.

ISAYA 1:11

AAKOÓ MUNGÚ i kaahi, «Ilahhooár yaariir ar muruú ta tsu/i garós a milá? Aníng aga hhe'eés ilahhooár da/a/aangw ar gwaandaawe, nee di/tá makaá na wahhaaditi'i, Aníng tseerér awe, laqaá ar deeloó bee/aangw, laqaá ar gurtaawe i sla'atamiská.

YEREMIA 14:10

AAKOÓ MUNGÚ daanduú mukwihe i kaahi, «Ar ló' inooín leehaád nguna intsaahhiyé', ala inooín ta hintiqisiiká tlakweema tlehhtuuwo. Gawaá adoorihe anuú AAKOÓ MUNGÚ inooín i ilaohaaká. Tlakweemaín i gunqaresaaká, nee in sakwasleemuút as tlakweemaaín.»

YEREMIA 6:20

Asma milá misa ubaánír amór Shebár daáhh i hubé' tidá' mooyángw tsuú' koom? Nee uúdi ar mooyángw tsuú' koom mis nga amór yaamaá saáw wa hubé'? Ilahhooarhúng tidár da/a ka ya/aniká, laqaá ilahhooarhúng tidár muruú ta tsu/i i sla'atimisiiká.

ESEKIELI 29:16

Múk Misri ku malé harahhifiiká nee múk Israeli. Múk Israeli gay tsaahh adór tar dakuús múk Misri kuwa harahhifi, nee ngay tsaahhiyá' adór aníng tar Aakoó MUNGÚ.»

HOSEA 11:5

Inooín ta kii/ Misri, kiri sawaawuti'ín nee waawutmoó Ashuru, asma ki/imaá amor'eé' ngaa si'iyé'.

HOSEA 12:11

Tam hamí munguaá hatlá' ki sluufmiis baraá Gileadiro, mukdá' sleémeero gi sluufmiís ku hhaamiis. Ala tam hamí damaay ki ilahhooár muruú ta tsú/í hanmiis baraá Gilgaliro, ala kiteeridaá ilahhooa ki ufér tlaa/e tleehh baraá hha'aá qamuuwo.

HOSEA 4:9

Aluuwo gár muu gu slaw kaahamusmo gu sleér. Aníng i muúx asma hotaaín awa tlakw nee in buú' ar harqoomoó tlehhmi'i'ín.

HOSEA 5:6

Inooín ta tláy nee bee/aangw'ine nee hikwaaine as AAKOÓ MUNGÚ kuwa leelehhtuú ay, ala ngu ariiaaká. Asma inós taa paraátl dir'ine.

HOSEA 6:6

Aníng ilahhooár muruú ta tsu/i a sla'aaká, ala gár ni slaa' a sla'aarír warqawaaká, aníng ilahhooár da/a/aangw a sla'aaká, ala a Mungú kuwa xui.

HOSEA 7:11

Múk Israeli a adór hhooki, ar daktani nee fuqurángw koomaaká. Motsuuwo tan múk Misrír firór aa'áy, ta beer iqo amór múk Ashurúr kakayá'.

HOSEA 7:16

Inooín i mak kiki/iyá', ala a amór Munguú gáwtí diriaaká. Inooín a adór ga/alér waslarmoowós aa slakwekwe'eet. Muk'ín oo urén ku daasl ar paánga, asma afa kaharemaaín. Inooín kiri niqín baraá yaamaá Misriro.

HOSEA 7:2

Inooín tam tsaahhár niiná ngi kon'aaká, adór aníng tlakweemaaín ngir xuú', ala inooín kaa nagwaáhh nee tlakweemaaín badu sleémeero, tlakweemaaín sleémeero aníng i ga/áw.

HOSEA 9:6

Asma ga/aawaak, qwanayhúng un ilagobá' tunduri ilaoh nee múk Misri, ala /antaá Memfisi nu daamaraná'. Daqaari'iimarhúng ar peésa sla/a ngi alti'ít, nee marayhúng laqaya' ngi alti'iitiyá'.

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.

HOSEA 9:9

Kuungá' aga faakamisé' tlakweema tlehhtuuwo, adoodá' aáng aa tleehharut baraá Gibearo. Mungú dakuúsar'ín gan inslasláy nee giri muux as tlakweemaaín.

AMOS 3:2

iwa kaahi, «Baraá tla/ángw xoordu sleémeero awa baraá yaamuwo kuungá' kiloohúng nun xuú'. Gawaá adoorihe aníng kuungá' nun muúx asma tlakweemaahúng sleémeero.»

AMOS 5:22

Qoomár kuungá' ilahhooár da/a nee ar balaangw bir ngaa hubé', aníng a ilaohaaká, makaydá' naa wahhaditiye' kuungá' naa ilahhooár waydú wa hubé', aníng i sla'aaká.

AMOS 8:7

AAKOÓ MUNGÚ lo'o gaa huúw as daara/ángw Yakobo, i kaahi, «Tiqá' Yakobo aa tleéhh dir'eene i baloó qwatká.

Luka 12:2

Umuúqo gaaro ar taa tuuntuúk ka kiis, nee umuúqo gár naaqooro i xu'utís.

1 Korinto 11:20

Qoomár kuungaá kríshaanáy bar burumburimitá', i ya/aandaaká muruú /aymár Aako kuwa /aga'.

1 Korinto 11:29

Ala umuúqo heewo oo /ayiím, nee oo wahaám, barnaxes slaqwtá Aako gaa tsaahhiiká, heewí taa kilós sakwasleemár i tleéhh ar loohír /ayma nee wahaangw.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

DABE 28:68

AAKOÓ MUNGÚ, kuungá' nu yaamaá Misrírí ki/is ar miringamoó baraá ma'aay, aa'aá aáng niwa oó', kuungá' i male keera'aaká. Amoodae kuungá' tin mak kiloohúng weerisá' dír wakuuserhúng as tawa lawaaler'ín ar hhawaate nee ar /ameenaaro, ala heé kuungá' nu tlaáxw i kaahh.»

Geehhoeemaá 16:19

Gixsadá' ur kari qasmiís badu tám, nee gixsadaá xoordu niri yaamií paahhiyé'. Mungú gixsadár Babuloni, tidá' ur, gari insláy, gari xooslmoó wahángw i haniís oo buhhtaawós kudá' xaraaslá'.

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.