HOSEA 8:10 - Biblía Axweesantá Hhohho' ar Mungú 2004

¹⁰ Tam mulqe ngaa tlaxwi'i baraá xoordaá hatlá' wa ale, ala aníng in haraki/ís ar wa'aá wák. Inooín ki al'iilooúy qoomár niinawe, nee waawutmoodá' úr taa iimbalaáx ar di/i nee geeraharuusero.

HOSEA 8:10 Iomraidhean Croise

2 WAAWITÁ 14:26

Asma AAKOÓ MUNGÚ slahh'amuú úr oo mukós oo Israeli guna ár, asma heé gi alee/iís i kaahh.

2 WAAWITÁ 17:3

Waawutmo Shalmanesa oo Ashuru guna i haraatláy, Hoshea iri sagadiyusmoó Shalmanesa tleehhiít, ohme gari hanmiís.

2 WAAWITÁ 17:4

Ala qoomarka wake Hoshea afo gana ya/aáw amór waawutmo So oo Misri as alee/isaay nguwa firin. Inós ohme hanimisuwo gari sií' dír waawutmo Shalmanesa oo Ashuru, adoodár /iisí umuú kurko i tlehhaahhiti. Shalmanesa adoorí ngiwa ár, Hoshea guri óh, guri tseék ar piíngu guri dahaás baraá doó tseegamo.

1 QOM'I 5:26

Gawaá adoorihe, Munguú Israeli Pulu waawutmoó Ashuru kudá' umuuwós oo hatlá' ta bay Tiglat-pileseri guna dúk, múk Reubeni nee oo Gadi, nee tlaqtá tlahhoó Manase, ngiri ar tlayé' ay Hala nee Habori nee Hara ay yaaér Gosani, tam ay laarí ta amoodá' wa hoot.

ISAYA 10:8

Asma i kaahi, «Geeraharuusér uren sleémeero a waawitahekáhe?

ISAYA 30:2

Inooín nina Misrírí /eetiyé', aníng sleeme iga yaahasi'iiká, dír guwaay ngina leelehhtuú ayé' dír Farao as ngiwa xun, nee amohhooa ngiwa slaya' baraá xuumár múk Misrír wa alé.

ISAYA 36:13

Geeraharusmoodá' iri sihhiít, iri tseé' ar afór ur ar tsifrír Ebrania iri oó', «Axweesanoó waawutmo úr, waawutmoó Ashuru iiárií qaasaak.

YEREMIA 42:2

tari amór aarusmo Yeremia káy, nguri bayé', «Na'amaamís, firoorén iiárií qaaseek nee ateéká' aga meetaan ti aleefiriin dír AAKOÓ MUNGÚ, Munguúwoge, (Asma atén aáng ti ló'wa úr, ala hám a peeroó tawo, adoorí hamí kuúng kar ga/eera.)

ESEKIELI 16:33

Alhootariro hhawaata /ameenír tsaatuso'o gan tlaaxw ar peésa, ala kiíng mulqeerók sleémeero ana tlaxuún ar peésa, slamí ina slukukuún bihhe sleémeero as niwa dirógí fuqtá aya'.

ESEKIELI 16:37

Naagáy aníng mulqeerók tidá' sleémeero nee kiíng aga alqwalala/e' ngi burumbuúr, kudá' sleémeero ta sla' nee kudá' ta sla'akahe, ngi burumbuúr bihhe sleémeero as kiíng iwa i haratlaya', aníng kiíng iri /aankwetsiís dír ilaaín wa ale, /aankwetsuuwók nguri ariyá'.

ESEKIELI 22:20

Adoodá' muu muqslár peésa, nee muqslaadá' sirda/aten nee harsaási, nee muqsla, nee muqslár baáti ngir burumburaarin kari dahhas baraá asla, as kawa hamaatli kari hhoohhoees ar asla, an adoodá' sleeme aníng kuungá' nur burumbuur ar buhhtaeé' nee xarasleemaaeé', as nuwa baraá ásltí qaas, nee nuwa weeqatis.

ESEKIELI 23:5

Ala tam Oholiba a harer'eene, inós ina kumít fuqto, nee sla'aaruuseerós tidár yaamá Ashuru gana ilatleerús.

ESEKIELI 26:7

«Anuú Aakoó MUNGÚ a kah, waawutmo Nebukadnesa oo múk Babuloni, waawutmoó waawitá ngu /iikú wa huúw, nee farsuuwós nee gaardaá slaqwaraaro nee slaqwaruuseedá' faras gwa i tsa/aandi, nee slaqwaruusér yaariire, Tiro ngin i haratlayá' ngiri haraweeliyá'.

DANIELI 2:37

Kuúng waawutámo a waawutmoó waawitá, Munguú doori kuúng ugwa waawuti'iimár i haniís nee aleesleemu nee /uuru nee xirif.

HOSEA 10:10

Aníng a daqáw amór mukwí nee nguri muúx. Xoordu nin burumburitiyá', inooín kiri i haratláy, kiri muux as tlakweemaaín kudá' naa harwaraahhiye'.

HOSEA 12:2

AAKOÓ MUNGÚ i kwasleemár kón daanduú Yudawo, inós xwaylár Yakobo ga slaahh as tlehhmi'ii'ín awa tlakw, giri buu' ar har qoomoó tlehhmi'ii'ín.

HAGAI 2:6

Asma AAKOÓ MUNGÚ Aleesleemusmo i kaahi, «Wa'aá wake afi qoomár niinawe aníng doori i diingiís, nee yaamuwo, nee tlawto, nee yaamaá kaahaare.