HOSEA 8:1 - Biblía Axweesantá Hhohho' ar Mungú 2004

¹ Tarumbeéta ufahhaak! Asma wakusmo i adór gwareesír wá haraatláy amór doó AAKOÓ MUNGÚ, asma alqador'eé' ngaa mayé' nee hara'ayar'eé' ngaa aahhiyé'.

HOSEA 8:1 Iomraidhean Croise

2 WAAWITÁ 18:27

Heedaádá' úr oo múk taa karmuumuyi iri oó', «Xáy, aakooeé' aníng ina ya/aáwi dír aakoohúng nee dirhúng kilós? Ala iga ya/awikáhe dír mukdá' gawaá ságw koo/írí dirií', kudá' sleémeero taa sakwasleemuút dinkwa nee kuungá', /o/oduuín ngiwa /ayiya' nee sooxaín ngiwa kilooín wahiya'.»

ISAYA 18:3

Kuungaásaá yaamuloouusér baraá yaamu sleémeero, iia qaasaak, kuungaásingá' baraá yaamú wa hootá', qoomár bendeéra bar ka gawaá tlom'í wa tleés ta qaytsitá', qoomár tarumbeéta barka ufaáhh iia ka qasá'.

ISAYA 24:5

Yaamu kaa meetagaás nee mukdá' gi hoót, asma hara'ayár Mungú ngina hhitiné', nee kaahirós ngina si'iyé', nee alqadoodár alhhe'eesay wasl ngiri si'iyé'.

ISAYA 58:1

AAKOÓ MUNGÚ i kaahi, «/Aá/ ló'wa ale, ma xaslitaar, tseé' adór tarumbeéta. Muk'eé' dakuúsar'ín ti alki/it, Tlakweemaá doó Yakobo ooeek.

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

YEREMIA 34:18

Nee múk alqador'eé' gaa geexay, nee hara'ayar'eé' eeharto ga sii', tidá' taa tleéhh geeraaeé' wa alé, inooín in slaqás nee damár taa gaás, kari tla/a feehhiís amorqá' nee tiqá', nee muu iri baraá tla/angwdár waaraáhh.

YEREMIA 4:13

Ga/aawaak, wakusmo ni hi'iit adór huunki. Gaarduuwós awa slaqwara a adór bambaao, nee farasuuwós i gaanslár ti'ii'ín gwares ba/a. Tsaxwaarén asma aga hhaamaán.

YEREMIA 4:5

Kaangw ooaak baraá Yudawo. Afo ilahanisaak amooqár Yerusalemuro tawa oa', tarumbeéta ufahhaak baraá yaamuwo. Afo tleesa hhe'esaak tawa kata', «Dinkwa i burumburitaak, gusé' a guwaán baraá gixsadaá koo/i gawden.

YEREMIA 48:40

AAKOÓ MUNGÚ i kaahi, «Qaytsiít, Moabu ku gaanslár i haraatláy nee xooro adór gwareesír hhampi'iiwós ga gwet.

YEREMIA 49:22

Ga/aaweek, wakusmo i gáwtí /akuut adór gwareesi, nee ar hhampi'iiwose gixsár Bosra gari tuuntuuk. Baalaarihe munér pihhuusér Edomu dae gari hatsís adór /ameenír dír asltá xwayla.»

YEREMIA 51:27

Bendeérár slaqwara gáwtií tleesaak daanduú yaamuwo, tarumbeéta ufaahhaak baraá tla/ángw xoorduwo, xoorodu ti amohhe'eesiye' slaqwaraaro. Waawuti'iima ateetaak tawa haraatlay, waawuti'iimár Ararati, nee Mini nee Ashkenasi, geeraharuusér slaqwara qaasaak, farsuú yaariír adór ingigi huwaare'.

YEREMIA 6:1

Múk Benyamíni, ti'iité' baraá Yerusalemuro, ta'aaimé' amór amohhooa. Tarumbeéta ufahhaak baraá gixsár Tekoaro, laya laqaamaak amoqár Bet-hakeremu. Asma amotlakwe ni bihhaá /iikú wa hardát dinkwa nee qwanoó ure.

ESEKIELI 11:4

Gawaá adoorihe, aariím daanduuine! Heewí gimáy, aariím!»

ESEKIELI 16:59

«Eeít, anuú Aakoó MUNGÚ an káh, Kiír Yerusalemu, adoodá' tawa hariin ngi kiíng i tleéhh. Kiíng lo'oodá' taa /ák aga waaqá', nee al'axweesantadá' aga meér.

ESEKIELI 17:3

Ki beeto, anuú Aakoó MUNGÚ a káh, ‹Gwareesirka wák yaangaariir i deer, slám hhaampe'eeriwós ki ló'wa uren, hhaampe'eeriwós i hayaá yaariir awa kal'aá dimbedimbé koná'. Gwareesirí ina /akút ay tloomár Lebanoni, iri iwít gawaá tsitsinír sahhti.

ESEKIELI 7:14

Tarumbeéta ka ufaahh, nee muu sleémeero taa amohhe'eés. Ala heé slaqwarár áw i kaahh, asma buhhtaeé' i gawaá daanduuín i dirii'iyá'.»

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

HOSEA 5:8

Xareemi ufaahhaak baraá Gibearo, tarumbeéta baraá Ramaro. Uui tleereesaak baraá Beti-aweniro, múk Benyamini wakuuserhúng hanoos aluuhúng.

HOSEA 6:7

Ala inooín alqado ngaa mayé', adoodá' naa tleehhiyé' amór yaamuudá' ta bay Adam wa alé, slám inooín naa iia wasleesiyé' dir'eene.

HOSEA 9:15

Tlakweemaín sleémeero dír ni dahhiya' a Gilgali, asma amorqá' an amór ngiwa geerií aáhh. Aníng inooín i guús baraá dooeene, asma tlehhmi'ii'ín awa tlakw Aníng inooín i malé sla'aaká, geeraharuuser'ín sleémeero aa dee/aanuumít.

Yoeli 2:1

Tarumbeéta ufaahhaak, gawaá tloomár Siyoniro, uui ilahariisaak, gawaá tlomar'eé' tidá' hhoohhoo', as yaamuloouusér Yuda sleémeero iwa daaraxat, asma deelór AAKOÓ MUNGÚ ni hardát, slám naa naká/.

Yoeli 2:15

Gimsé', tarumbeéta ufaahhaak gawaá tloomár Siyoniro, muu ádbawaak i gwaawin. Dinku'uumár saaliingw ateetaak.

AMOS 3:6

Xáy, tarumbeéta kaqo tawo ufaáhhi baraá gixsaro, muu iri da'ayutiiká? Xáy, gár tlaakw iqo baraá gixsár wa tleehharúta ar amór AAKOÓ MUNGÚ dahhaaká?

AMOS 8:3

Baalaadá' bira xeér, daa'ángw Doó Mungú a tsuunqumis. Anuú Aakoó MUNGÚ tí aga oó'. Tuaá yaariir nay tlufaafuiyá' umuú diiro, kiri qawti kwakwaahh.»

AMOS 9:1

AAKOÓ MUNGÚ una ár aa sihhiít bihhaá kitángw ilahhooa kawa hanmaamisi, iri báy, «Uheemaá doó Mungú kudá' taa qaalín slahheek ay dír ihhafiirír do' i diingit. Uheemiiká' giqaweek ay dír ni huuhu'una' gawaá sagér muu sleémeero. Kudá' naa meetiye' diisíng wa alé, aníng in alhhe'eés ar paánga. Tam oo goów i kaahh, tam oo kotsqoót i kaahh.

HABAKUKI 1:8

«Farsuín ku isláhh ta dueemiwo, i xaraasliyá' ta tawerú qwariita, nee slaqwaruusér faras gwa i tsa/aan amór i dahhiya' ka saaw, ki islahh adór gwareesír aa gaanslár tleer amór gár /ayma.

SEFANIA 1:16

deelór tsimaahhír tarumbeétár slaqwara, daanduú gixsadaá koo/i gawdene, daanduú /ampuudá' ló'wa tlede.

SEKARIA 11:1

Aá Lebanoni, afér do'ók gweereek as asla sahhtaarók ngiwa /ak.

SEKARIA 9:14

AAKOÓ MUNGÚ mukós gu harati'iit, mahaangós guri tsaxaar adór mankari, Aakoó MUNGÚ tarumbeéta gari ufaahh, inós nin hardah ar bambaaór baskú daahh.

Matayo 24:28

«Asma dír tuua i diri' an didá' gwares i burumburiiti.»

1 Korinto 15:52

ar gaanslaay adór kwisliitár ila, qoomár tarumbeétadár alhhe'eesaay bira /á/. Asma tarumbeéta iqo /á/, nee múk aa qaatl kuri waasle/atis, tari múk qatlaaká baloó ale, nee atén sleeme tiri warqees.

DABE 28:49

AAKOÓ MUNGÚ xoorór amór saáw daahh ngin huuw, kuúng uri i haratleér ar gaanslaay adór gwareesi ir gáwtí tlaatleer, xoorór kuúng tsifirirós ta xu'uká.