HOSEA 7:9 - Biblía Axweesantá Hhohho' ar Mungú 2004

⁹ Dahaaye gwaa /uuru fák, ala inós gár i xui i káhh. Sagós al/awtani gwaa gás, ala inós gár i xui i káhh.

HOSEA 7:9 Iomraidhean Croise

2 WAAWITÁ 13:22

Waawutmo Hasaeli oo Aramu múk Israeli guna ló'wa baramaanuús qooma sleémeero ar waawuti'iimár Yehoahasiwo.

2 WAAWITÁ 15:19

Naagáy Pulu waawutmoó Ashuru yaamaá Israeli giri i haraatláy. Nee Menahemu kilór mibeera tám nee tsiyáhh ar peésa gari haniís dír waawutmoó Ashuru nguwa alee/iisi waawuti'iimarós ngiwa gawdeesi baraá yaamaá Israeliro.

AXWEESANOÓ SAGALOOA 23:35

Tari kilók o', «Tina mak baandiís yeé hharto, sleeme aga slahhaaiiká, tina slát yeé slám gár ni xuu' i káhh, Daqamá ni daarkiit, ar hatlá' a leelehhtuú áw.»

ISAYA 1:7

yaamuuhúng kaa deewa'ameérí geexáy, gixsaduuhúng kaa daá/ ar asla. Yaamuuhúng hooma gaa dír ilaahúng wa ar tleér, i baraá deewaa'ame, kwaáo hooma gina hhitiín.

ISAYA 48:8

Kuungá' kaangwí ugwa axasi'iiká, sleeme ugwa xui'iiká. Iimír iimu/uungo iaahúng i xaaxay'aaká, asma aníng a xuú' adór kuungá' tara naagisé' al/aymaaro, nee iimír xwaylarhunge tunduna báy, dee/anuuse.

ISAYA 57:1

Heé hota ganaá' bira gwaá', heé adoorí ga gaárií xuú' i kaahh. Heé hhoó' bira gwaá', heé gaarí ga tsatsaahhaám i kaahh oo káh, «Heé hota ganaá' kura tláy, amotlakwe munguwa sleér,

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

HOSEA 8:7

Asma inooín gár ta dahamiisi a fur'a, inooín gár ta bu'un a bambaao. Hhaansli i balaalír koondaaká, balangw'ín i wa'amír konká, sleeme i puuruú konká. Ala tim i laqwaali, a dahaaye gun /ák.