HOSEA 7:8 - Biblía Axweesantá Hhohho' ar Mungú 2004

⁸ Múk Israeli aa haragwaá' amór múk xoordaá hatlá'. Inooín a adór mukatmoó taa warqeesiiká.

HOSEA 7:8 Iomraidhean Croise

1 WAAWITÁ 18:21

Aluuwo Eliya iri tseewúy dír muu sleémeero, guri báy, «Kár kuungaáká' ta aftsaderarinda' baraá inslawayhunge ay xaylá? Gám, bar AAKOÓ MUNGÚ an Munguú ló', eeharaak, ala Ba'ali bar an Mungú, gimsé', eeharaak sleeme.» Ala muu axweesantadá' gaa tlaxwiiká, ina xasliít.

ESRA 9:1

Muruuwí sleémeero iwa tlehharuút, múk urén aníng iri i tseewúy, ta kaahi, «Múk Israeli nee kaahamuuse nee múk tlahhoó Laáwi taa paraatli'iiká dír múk yaamuukae, kudá' muruudá' ta waki ngu tlehhaahhitá'. Múk Kana'ani nee oo Hiti, nee oo Perisi, nee oo Yebusi nee oo Amoni, nee oo Moabu nee oo Misri, nee oo Amori.

ESRA 9:12

Gawaá adoorihe, daaqay'ín dasuuhúng munguwa duxuút, tam dasuuín mukuwa duxuút nee daaqayhúng, mi waydú i sla'aara', laqaá diihhooa daqisleém, as kuungá' /uuru kuwa sleera' nee hhooeemaá yaamu kiwa /aga', nee kay na/iihúng i geexeerá' tawa aalír alhhe'eesay wasl.›

WARA'AMI 106:35

ala tina haragwaiyé' nee múk xoordaá hatlá', kiri dawaqaás nee múk xoordaá hatlá' tlehhmi'ii'ine.

HOSEA 5:13

Qoomár múk Israeli tiqtir'ín ngiwa tsaáhh, nee múk Yuda inkahhi'ii'ín ngiwa tsaáhh, Múk Israeli iri tláy amór Ashuru, muu guri ya/aáw amór waawutmoó úr, ala inós kuungá' hungu/uusaro nu aleeslayká, tam inkahhi'iihúng gi hungu/uusiiká.

HOSEA 5:7

Inooín dír AAKOÓ MUNGUHE naa iia wasleesiyé', asma inooín na/aá taa laqwaál a kudá' tinda tsee/aá wa sláy. Slahhángw /awaák birna ti'iít inooín i hhaná'.

HOSEA 7:9

Dahaaye gwaa /uuru fák, ala inós gár i xui i káhh. Sagós al/awtani gwaa gás, ala inós gár i xui i káhh.

HOSEA 9:3

Múk Israeli i baraá yaamaá AAKOÓ MUNGÚ i meetiiká. Ala tan kii/ baraá yaamaá Misri. Inooín nee múk Ashuru muruú /aymár ta waki kuri al/aay.

SEFANIA 1:5

Mukdá' looa nee slahhaangw nee tsatse/ ngi i tumbarara'amiitá' gawaá daandeemaá maray'ín wa alé un qwaareés, nee kudá' ngu i tumbarara'amiitá' iwa lo'ór /ayiya' ar umuú AAKOÓ MUNGÚ, bartaqae i lo'ór /ayiyá' ar munguú lama oo ta bay Milkomu.

MALAKI 2:11

Múk Yuda adór qoomaaká gaa tleéhh, aahhi aa tleehharút baraá Israeliwo, nee baraá Yerusalemu. Asma múk Yuda Doó AAKOÓ MUNGÚ kudá' i slai gwa slasla/areés, inooín munguaá xoordaá hatlá' ngina sluufmiisiyé'.

Matayo 6:24

«Heé daqaarér tsár sagadiyeede ga aleesláw i kaahh, asma kooko gun aahh, kuqá' gway slaa'. Laqaá nee kooko tin oohiyá', kuqá' gway waaqaa'. Mungú nee daqaari'iima tsaraawo kiwa sagadiyusa' i aleesleera'aaká.»