HOSEA 7:7 - Biblía Axweesantá Hhohho' ar Mungú 2004

⁷ Sleémeero naa da/atuutuyé' buhhtaawo adór layu, geeraharuuser'ín nga haleleiyé'. Waawitaáín sleémeero aa huuhu'ún, baraá tla/angw'ine tam heé wák oo i fiririím i kaahh.

HOSEA 7:7 Iomraidhean Croise

1 WAAWITÁ 15:28

Qoomár Ba'asha Nadabu nguwa gaás, Asa waawutmoó Yuda kureeri ngaa /aáy a tám baraá waawuti'iimaro. Ba'asha iri waawuti'iín kitángw Nadabu wa ale.

1 WAAWITÁ 16:18

Simri adoorí ngiwa ár adór gixsa kara harweér, iri dáh baraá doó waawutmo, do' guri asltí qaás, inós iri baraadí gwaá'.

1 WAAWITÁ 16:22

Aluuwo múk bartá Omri slaqwaraaro múk Tibni garmoó Ginat guna arbaá/, Tibni iri gwaá' nee Omri kuri waawutmoó wa qaás.

2 WAAWITÁ 10:14

Inós iri oó', «Slafiingw ohiimare'.» Kiri ohín muu mibeeri tsiyáhh nee tsár, kuri tsuú/ dír iisaapoó hhalangwduú bihhaá xafoó de'eemuuse. Hee tumu wák oo taa meetiís i kaahh.

2 WAAWITÁ 10:7

Naagáy mukdá' urén oo gixsa barwito'oodá' ngiwa slayé', daaqaydá' mibeeri faanqw oo waawutmo kuri uhín kuri ise tlaáq sleémeerowo. Sageedá' kari qaás baraá lakwaantáy, kari huúw amór Yehu kuduú Yesre'elír i dirií'.

2 WAAWITÁ 15:10

Shalumu garmoó Yabeshi waawutmo Sekaria guri geewaqaát, guri muúx geeraá múk wa alé, guri gaás, naagáy iri waawuti'ín kitaangós wa ale.

2 WAAWITÁ 15:14

Menahemu garmoó Gadi ina Tirsár wa tláy ay Samaria, nee baraá Samariaro Shalumu garmoó Yabeshi guri gaás. Inós iri waawuti'ín kitaangós wa alé.

2 WAAWITÁ 15:25

Peka garmoó Remalia kuduú geeraharusmoó slaqwaruusér Pekahia, inós nee múk mibeeri kooán oo Gileadi tana aldinku'uús Pekahia nguwa geewaqaatiya', nguri gaasiyé' dinkwa nee Argobu nee Arie baraá guruú koo/ír gawit ar doó waawutmo, tidár baraá Samaria, Peka iri waawuti'ín kitaangós wa aleeró.

2 WAAWITÁ 15:30

Kurkú mibeeri tsár oo waawuti'imár Yotam, garmoó Usia waawutmoó Yudawo, Hoshea garmoó Ela Peka garmoó Ramalia guri geewaqaát guri gaás. Naagáy iri waawuti'ín kitaangós wa aleeró.

2 WAAWITÁ 9:24

Yehu ga/aleerós gari taataáhh nee mahaangós guri tsaxaár, Yoram guri diindirma' sláy, mahaangw iri hardáh ay baraá muuná, inós iri didár kilií gwaá' gawaá gaárirós.

2 WAAWITÁ 9:33

Yehu iri oó', «Yaamií kwahhaare'.» Inós kari yaamií kwaáhh nee tseerduuwós niri tsiniqitiyé' gawaá koo/i nee gawaá faras. Yehu faraasí nee gaáriro gay waarahhaás ar gawaá tuuarós.

YOBU 36:13

Múk Mungú gu ilaiwawa/aaká in buhhtá slaiyá', qoomár birnga tsegiít ngu i /aa/amina'aaká.

WARA'AMI 14:4

Xáy, múk tlakweemaá tlehhiít ku tsuwá xu'uti wásle? Ahaá, masta hoot ar muruú muk'eé' kuwa hayohin ar /uuru. Slám inooín AAKOÓ MUNGÚ ngu firirina'aaká.

ISAYA 43:22

«Tam adoorihe kuungá' múk Yakobo, aníng iga firindi'iiká, kuungaá múk Israeli aga slaaqaté' as aníng.

ISAYA 64:4

Iimír aange Munguú hatlá' ugwa araniiká laqaá ugwa axaasaniiká iaawo slám Munguú adór kuúng oo taa ár ilaawo i kaahh, kudá' muruú waa/oo/amór tlehhiít dír kudá' inós ngu harahhifa'a.

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

ISAYA 64:7

Heé kuúng u fiririím i kaahh tumu wák, nee heé naagamiís kuúng leelehhtuuwo i kaahh, asma kuúng aga atén wa nahhát hám daxta taa baraá tlakweemaarén i meér.

ISAYA 9:13

Tam muu gwaa muxi, ala taa amoorós i ki/iiká, AAKOÓ MUNGÚ Aleesleemusmo sleeme ngwa leelehhi'iiká.

ESEKIELI 22:30

Heé koo/i ga tleéhh nee oo sihhiít didaádaá fee/it dir'eene, as yaamu ngiwa harmagaahhi as miwa hhitiím, una leeleéhh baraaine, ala uga slawiiká tam oo wák.

DANIELI 9:13

Atén kuúng taa múx ar adoodá' kara gooín baraá dabér Mosewo, ala tam hamí, aá AAKOÓ MUNGÚ, Munguúrén, gurtleemuuwók ugwa firimaniiká as tlakweemaarén kiwa mawaan, nee looeemaawók iga eeharaniiká.

HOSEA 13:10

Waawutmohúng daxta hamí i amá oo nu tuú/? Geeraharuuserhúng gaálaay as kuungá' as nuwa xuun? Kudá' kuungá' tawa oé', «Waawutmoorén slawang nee geeraharuuseero as tiwa sawaawuti'ina'.»

HOSEA 5:15

Aníng an kií/ dír kitangw'eé' tin paraátl dir'ine, ay dír tlakweemaaín ngay gwadidina' aníng iri leelehhtuú ayá', slahh'amu giri intsaahhatis aníng iri leelehhiyá' tawa kaahi.

HOSEA 7:10

Daara/ángw múk Israeli ku geehhoó'. Ala tam adoorihe inooín taa ki/iiká amór AAKOÓ MUNGÚ, Munguúín. Tam sleeme ngwa leelehhi'iiká baraá muruuwí sleémeero.

HOSEA 7:14

Aníng i firirina'aaká ar muunuú ló', qoomár niwa gawaá qateenoín wa /a/amina'. Gár naa i burumburitiyé' a balaangw nee difaái, aníng iga aahhiyé'.

HOSEA 8:4

Waawitaáín nguwa tsawaariyé' ala aníng iga yaahasi'iiká, múk urén ngwaa qaminé', ala aníng u xuaaká. Munguúín nguna tleehhiyé' ar peésa nee sahaábu as kahhó' niwa hhana'.

MIKA 2:1

Mukdá' sleémeero muruú tlákw qoomeemeés a tsaxwaaín, asma inooín barta baraá qateenoínií qaát amsiwo muruú tlákw kun qoomeemees, Matlaatleero qatuuwo birna tlayé', muruudá' kway tsuwa tleehh, asma aleesleemu ngu koná'.