HOSEA 7:3 - Biblía Axweesantá Hhohho' ar Mungú 2004

³ Waawutmo ngun qwal/amisiyá' ar tlakweemaaín, nee muk'ín oo urén ar foluuín.

HOSEA 7:3 Iomraidhean Croise

1 WAAWITÁ 22:13

Qoomaarihe heedaádá' taa ya/aáw aa Mikaya ateetár ay, iri oó' dír Mikaya, «Ga/aaweek aaruuse sleémeero ar hatlá' gár aa ó' a waawutmo in baalín, gám na'ás adoodá' inooín taa oó' kuúng na ooeek, gár hhoo' na ooeek.»

1 WAAWITÁ 22:6

Ahabu aaruuse gari burumbuúr, aaruusér tsiire tsiiyáhh, gari yaahaás, «Xaysé' aníng a haraatláwa Ramot-gileadi, laqaá daqawká?» Inooín tari oó', «Haraatláw, AAKOÓ MUNGÚ kuúng u baalírí haniis.»

YEREMIA 37:19

Aaruuseerók tidá' ugwa i aaraariin i amá, tidá' ugwa baabeer, ‹Waawutmoó Babuloni kuúng u iharaatlayká laqaá yaamuuká'?›

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

YEREMIA 9:2

Masók dír hotaaeé' baraá xaanxaywo i deer tidá' aauuse i qaqatatiin. As muk'eé' nguwa geexaw nari diya/aát, asma inooín sleémeero an fuquuse, nee múk nee /aytuuse dinku'uumisá'.»

HOSEA 10:13

Ala kuungá' tlakweema in ar hotatiindá', sakwasleemár ganaa' kari qwaaresé', lameemoohúng nuri saki/iyé', asma /uureemoohúng ina harahhifé' nee miguuserhúng tidá' yaariire.

HOSEA 11:12

Múk Efraimu iga lamtár gaás, nee múk Israeli a al/aymuuse, ala Yuda tam hamí in tawo babaqaamiis dír Munguhe, dír inósuudá' hhoohhoó', kudá' inkihhím.

HOSEA 4:2

A har lo'o nee lameemo tlaqa, nee tsu/uta nee fiiso nee fuqi, nee digeemi fe/it nee tsu/utár muu.

HOSEA 5:11

Múk Israeli kwaa baramaanuús baraá kwasleemaro, asma inooín taa tsabín loohír qwanaay eeharto.

HOSEA 7:5

Baraá deelór ur ar waawutmoowo múk urén kuri xufiitimiís iri baa/umiit oonitameero, waawutmo nee niquuse tari dinku'umiís.

MIKA 6:16

Adoorí in tleehharút asma kuungá' hara'aydaá tlakw awa waawutmo Omri ina oté', nee tlehhmi'i sleémeero awa doó garmaawós, waawutmo Ahabu, ina eehadé'. Kuungá' loohir'ín kari eehadé'. Gawaá adoorihe aníng yaamuuhúng i hhitiím, nee kuungá' tari waaqa'atitá'. Múk xoordaá hatlá' sleémeero nuri waaqaa'.»

MIKA 7:3

Sleémeero kin ilakaaharen muruú tlákw tlehhtuuwo. Ga/awuuse nee múk doó sakwasleema slukma ngin slaiyá'. Tam heedá' úr ta ilaiwawa/i tós ar i slai gan oo', sleémeero tin bardarahiyá'.

Rumi 1:32

Mukwí sakwasleemár ganaa' ar Mungú ga ló'wa xuu', adór heé muruuwí gu tlehhahhiít, gár kus hariím tar gwa'ara. Ala tam adoorihe inooín muruuwí ku tlehhiit. Nee gár ak tlaakw a tí, inooín mukdá' muruuwí gu tlehhiít ku aleeya/aa/án sleeme.

1 Yohana 4:5

Inooín awa baraá yaamu, gawaá adoorihe muruú ta axweesi oo baraá yaamu, nee yaamu tooín ngi axamiisiyá'.