HOSEA 7:16 - Biblía Axweesantá Hhohho' ar Mungú 2004

¹⁶ Inooín i mak kiki/iyá', ala a amór Munguú gáwtí diriaaká. Inooín a adór ga/alér waslarmoowós aa slakwekwe'eet. Muk'ín oo urén ku daasl ar paánga, asma afa kaharemaaín. Inooín kiri niqín baraá yaamaá Misriro.

HOSEA 7:16 Iomraidhean Croise

WARA'AMI 12:3

AAKOÓ MUNGÚ waaqoduuse ngi xasltisi, nee afér daar/uuse ngi tseegi,

WARA'AMI 12:4

kudá' kaahá', «Atén arba/ati a slawaán ar axweesantarén. Afeerén tin alee/ís, heé ti arbaá/ a heemá?»

WARA'AMI 12:5

AAKOÓ MUNGÚ i kaahi, «Asma liitlakuuse kawa baraamaanusi nee narkuute iwa wa/aa/us, aníng daxta ni hardáh, aníng kudá' i harahhiifá' i amohhooárií haniís.»

WARA'AMI 17:10

I gurtleemuú kon'aaká, ki mune gawden. Baraá afer'ine gár haats a /ayma'aá daara/aangw.

WARA'AMI 52:2

Kuúng muruú tlákw un qoomeemés, lama an axwés umuú qoomaaro. Tsifraangók a adór asla.

WARA'AMI 57:4

Aníng taa harweér nee wakuusér adór direeri, kudá' múk /aa/ayá'. Sihhinaín a adór lawlu nee maheeri, tsifreeri'ín a adór tsatoó xaraásl.

WARA'AMI 73:9

Afer'ine i Munguú /oosliisliná', ar axweesaanay'ine i waahhaminá' iwa kaahiya', «Yaamu a koorén.»

WARA'AMI 78:37

Asma inooín naa bartá Mungú i gawduy'iiká, inooín ki inkihhiimeeká baraá alqadoorose.

WARA'AMI 78:57

Ala inooín nina alií ki/iyé', tari al/aymuuse adór taati'ii'ín wa ale, tari warqáy adór ga/alér waatlaarmoowós aa sololo'oot.

ISAYA 3:8

Asma múk Yerusalemu taa dukuúts, nee oo Yuda aa huú', asma AAKOÓ MUNGÚ nguna si'iyé', ar tlehhmi'ii'ín nee axweesanay'ín, xirfuuwós ngwaa gaárií xui'iiká baraá tla/angw'ine.

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

YEREMIA 42:18

«Anuú AAKOÓ MUNGÚ Aleesleemusmo, Munguú Israeli a kah, ‹Adoodá' buhhtaaeé' nee adoodá' nira qa/iít dír yaamuloouusér Yerusalemu an adoodá' nir buuhh dír kuungá', barnaxes aga tleeré' baraá yaamaá Misri. Kuungá' tari adór gár taa ló'wa aáhh, nee ar dae tlaaq, nee ar ta lu'umisi nee ar ta niqisi. Kuungá' yaamuuká' i baloó malé aanda'aaká.› »

ESEKIELI 23:32

«Anuú Aakoó MUNGÚ a kah, ‹Naxooro a wát baraá xooslmooduú hho'oorók kudá' tleér yaangariír, muu iri waaqasén iri waaqaa', slám xooslmoowók i haats.

ESEKIELI 36:20

Tam qoomaadá' tawa baraá tla/ángw xoordaá hatlá', umuueé' nguna /oosliisliné', tam muu tari oó' daanduuine, ‹Ga/aawaak, mukwí an kuduú AAKOÓ MUNGÚ, ala inooín kina loohatís baraá yaamuuwose ar /uuru.›

DANIELI 7:25

Kwí Munguúduú Gawa gu /ooslislín nee mukdá' hhohhó' oo Munguú Gawa guri baramaanuús. Inós ado gan leeleehh ar qooma ngir warqeesi nee dabeero, nee múk hhohhó' ku gawaá dabaawós i qaas har afiqoomár kureeri tám nee tlaqi.

HOSEA 11:5

Inooín ta kii/ Misri, kiri sawaawuti'ín nee waawutmoó Ashuru, asma ki/imaá amor'eé' ngaa si'iyé'.

HOSEA 11:7

Muk'eé' aa maariít iga si'iyé', handá' ki ateetín tawa ki/i amór Kuduú Gawa, tam heé wák i kaahh oo inós gu xirfayeemiís.

HOSEA 6:4

Israéli, aníng kuúng adór u laaq? Yúda, aníng kuúng adór u laaq? Asma sla'aarirhúng a adór tlaangír matlaatle, nee adór hara'uú tseewa huú'.

HOSEA 7:13

A tsaxwaaín! Asma naa aníng wa gowiyé', alók in hhaná'! Asma aníng iga si'iyé'. Aníng inooín in mak ba/amisár wa slaá', ala inooín aníng i lámtí tlaaqiyá'.

HOSEA 9:3

Múk Israeli i baraá yaamaá AAKOÓ MUNGÚ i meetiiká. Ala tan kii/ baraá yaamaá Misri. Inooín nee múk Ashuru muruú /aymár ta waki kuri al/aay.

HOSEA 9:4

Ilahhooár difaái ka sangw dír AAKOÓ MUNGÚ i hanisiiká, tam ngu sangw qwal/atisiiaaká ar ilahhooár muruú ta tsu/i. Ilahhooaar'ín ar muruú ta tsui tari adór mikaátér múk tsuunqumiís. Umuúqo heé gaa /ayi kwaa meetagaás. Asma mikaáter'ín tidá' gár iwa hariin a har qwarkuín gun tse'eemís, i harindaaká kawa baraá doó AAKOÓ MUNGÚ i huwi.

HOSEA 9:6

Asma ga/aawaak, qwanayhúng un ilagobá' tunduri ilaoh nee múk Misri, ala /antaá Memfisi nu daamaraná'. Daqaari'iimarhúng ar peésa sla/a ngi alti'ít, nee marayhúng laqaya' ngi alti'iitiyá'.

MALAKI 3:13

AAKOÓ MUNGÚ i kaahi, «Kuungá' muruú gawdén daanduueene ugwa axwesé'. Ala kuungá' a katá', ‹Gár naa kaahaán daanduuwoge a milá?›

MALAKI 3:14

Kuungá' ana katé', ‹Slaasláwár dáw i káhh, Mungú kuwa sagadiyuusi. Gár naa slawaán a milá hara'ayaarós kawa oohaán, nee tawa daqawan ar gurhaami dír geeraá AAKOÓ MUNGÚ Aleesleemusmo?

Matayo 12:36

«Ala án a kah, umuúqo axweesantá gídaabár koomaaká ar muu i ooi, faarór axweesantadá' ka haniis bál deelór sakwasleemaro.

Luka 8:13

Kuduú gawaá tlaa/a an slaqsoó mukdá' axweesani gaa axaas, kari ilaóh ar qwal/amaaye, ala dee/áruuín i kaahh. Haratlintaaor'ín ar deelór niina. Qoomár iiara'at birna xáy, kay máy.

Yakobo 3:5

Tsifraangw sleeme an adoorí. Inós tam xooslmoó niinawe, ala muruú inós tir xirfeemisi ku ló'wa urén. Qaytsité' tsitiito'ór niina ar asla adór gartá ló'wa ur ngir ohaahiin.

2 Petro 2:8

Heewí hota ganaá' nee oo Munguú ilaiwawaá/, inós ina baraá tla/ángw mukdá' tlákw wa hoót, umuúqo deelooro kuri slahh'eemiís baraá muunaáwose, as muruudá' tlákw sleémeero oo aa ga/áy nee aa axamiís.

Geehhoeemaá 13:5

Makiito'oodá' kari afkwí haniís oo /ayma'aá dara/aangw nee awa /ooslisliingw ngiwa axwes. Slám kari aleesleemií haniís oo gadiyeé ngiwa tlehh slahheeri mibeeri tsiyáhh nee tsár.