HOSEA 7:14 - Biblía Axweesantá Hhohho' ar Mungú 2004

¹⁴ Aníng i firirina'aaká ar muunuú ló', qoomár niwa gawaá qateenoín wa /a/amina'. Gár naa i burumburitiyé' a balaangw nee difaái, aníng iga aahhiyé'.

HOSEA 7:14 Iomraidhean Croise

TI'INAANGW 32:6

Matlaatlér boo/e tari tseewa ti'iít, ilahhooár da/a/aangw ngiri hanisiyé' nee ilahhooár wayda ar muruú ta tsu/i ngiri hanisiyé', muu iri iwiít tawa /ayin nee tawa wahan, tari sihhiít as tawa neeti.

ISAYA 29:13

Asma Aako i kaahi, «Mukwí aníng in sluufmisiyá' ar afér tawo, nee in xirfayeemisiyá' ar axweesanoó tawo, siwaadár kilae muner'ín ka sawen dir'eene, nee aníng in ilaiwawa/iyá' ar hara'ayár taa dir'íní intsaahhatís nee muu.

ISAYA 52:5

Hám daxta gawaá adoorihe anuú AAKOÓ MUNGÚ a kah, ‹Aníng gár ni tleehh diirihe bar muk'eé' kuna tawo ar tláy dír ilaaeé' wa ale. Waawitaáín ta tsuunqumiis.› » AAKOÓ MUNGÚ i kaahi, «Umuueé' kun /oosliislín umuú daqto.

ISAYA 65:14

Ga/aawaak, sagadiyuuser'eé' in dá' ar munér qwala/, ala kuungá' a /aa/amiindá' ar munér slahhahhaa', tari tsuunqumisá' asma slahh'amuú qeereemoohúng.

YEREMIA 12:2

Kuúng inooín ina hátl, dee/ár nguri sihhiyé', nina urarayé' mamu ngiri laqwaaliyá'. Kuúng afer'ine burtu kah kwaáo tu tseéw, ala baraá muner'ine tu saáw.

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

WA/AA/I 2:18

Kuungaá múk Siyoni, amór AAKOÓ MUNGÚ i /aa/aak! Hhirhheerihúng ni wa/amine' adór duxa tlatla/aangw nee xweeraawo! Kuungá' ma huungu/uusara', ilaahúng mindiwa huungu/uusiyé'!

HOSEA 13:16

Múk Samaria doohhór tlakweemaaín ga sláy, asma Munguín ngwaa aahhiyé'. Inooín ki daasl ar paangadu, na/ii'ín awa qaweero kin naasaasúy, nee /ameenar'ín ar tsiihaawe kari gur'e posl'omiis.

HOSEA 13:6

Ala qoomár inooín gur'er'ín ngiwa dala/ané', niri taqana/utiyé', aníng iri gunqareesiyé'.

HOSEA 13:9

Aá múk Israeli, án kuungá' nu hhaamiís, heé kuungá' nu tuú/ a heemá?

HOSEA 3:1

AAKOÓ MUNGÚ ina báy, «Tláw malé ale, /ameenír hhawaatuú hatlá' i slai slaeek, inós a fuquso'o, asma adoorí an adór AAKOÓ MUNGÚ múk Israeli ngura slaá', inooín tam ngwaa geexay'i munguaá' hatlá' ngiri i warqayé', nee ngiri mikaátér sabiíbuú kaaharén i hanmiisiyé', aluuwo inooín mikaáteedá' ngiri haayusiyé'.»

HOSEA 8:2

Múk Israeli ta amor'eé' /aa/, tawa ooi, «Munguúrén, ataá múk Israeli kuúng u xuaán.»

AMOS 2:8

Umuúqo dír kitángw ilahhooa i dirii'i, inooín tan qaqatín gawaá tlabaá taa arhaanír wa ohín nee baraá doó Munguúine, difaáír ta xufi an tidá' tinda iinúr bu'ún.

AMOS 8:3

Baalaadá' bira xeér, daa'ángw Doó Mungú a tsuunqumis. Anuú Aakoó MUNGÚ tí aga oó'. Tuaá yaariir nay tlufaafuiyá' umuú diiro, kiri qawti kwakwaahh.»

MIKA 2:11

«Heé kuungá' ta sla'a' a kudá' lamtá dahaaremiís nee al/ayma, oo káh, ‹Xuftár yaariir a sleerá' tawa wahaanda' tay oonimitá'.› Aarusmoó adoorír axweés, an kudá' nee kuungá' ti slawá'.

SEKARIA 7:5

«Muu sleémeero nee kaahamuusér Munguhe ki beer, ‹Qoomár tawa gwaawiindé' nee tawa tsuunqumiisé' umuúqo slahhángw kooán nee oo faanqwe, baraá kureeriká mibeeri faanqw awa naa waarahhii'i, xáy aníng ina sa gwaawiindí'i?

Rumi 16:18

Asma múk adór kwí Aakoorén Yesu Kristo gu sagadiyuusiiká, ala a gur'er'ín kilós kan sagadiyuus. Inooín múk hhaawuuse ngun al/aginá' ar axweesanay'ín oo tsatsaa'arén nee oo sla'atimís.

Filipi 3:19

Inooín i loohír i dirii'iyá', tidár baraá qwanoó kaw. Munguúín a gura'. Muruú tir xirfayeemisi a kuduú murér koóm. Muruú ta inslaslay oo baraaká' yaamu kilós.

Yakobo 4:3

Slám a mak firiiriindá', ala a slasleera'aaká asma firorhúng ka tlakw. Asma an firiiriindá' as ilatleerirhúng kawa boo/esa'.

Yakobo 5:1

Iia qaasaak, kuungaásingá' daqaare, /aa/é', tsuunqumiisé', as slahh'amuuwí kuungá' ta sleera'.

HAR'OHUUSE 9:27

Nina tlayé' ay baraá qamaá sabiíbu, difaái ngiri tleehhiyé', deelór ur ngiri tleehhiyé'. Nina dahiyé' baraá doó munguúín, niri /ayné' nay wah'né', Abimeleki nguri niqisiyé'.