HOSEA 7:13 - Biblía Axweesantá Hhohho' ar Mungú 2004

¹³ A tsaxwaaín! Asma naa aníng wa gowiyé', alók in hhaná'! Asma aníng iga si'iyé'. Aníng inooín in mak ba/amisár wa slaá', ala inooín aníng i lámtí tlaaqiyá'.

HOSEA 7:13 Iomraidhean Croise

NEHEMIA 1:10

«Mukwí an lawaaleerók nee an mukók kudá' taa ba/amís ar aleesleemuwók kudá' yaariír, nee ar dakók kudá' /uuruú koóm.

YOBU 22:17

Mukwí an kudá' Mungú gwa bay, ‹Atén ti meer.› tari oó', ‹Gár atén Munguú /uuruú koóm ti /iisi a mila?›

WARA'AMI 106:10

Gina ba/amís gawaá dabaá mukduú wakuusér wa ale, giri hingeés dír /uuruú wakusmooine.

ISAYA 30:1

AAKOÓ MUNGÚ i kaahi, «Tsaxwaaín na/iidá' aníng iga aahhiye', kudá' gurbu'úngw sla'á', ala kwe'eé' ngu slaiiaaká, kudá' dinku'uumár nee muu ngi sla'á', ala ar qeeruueé' ngi slaiiaaká, as kahhó' pa/ángw tlakweema ngir iinkikii/iyá' nguwa slaya'.

ISAYA 30:2

Inooín nina Misrírí /eetiyé', aníng sleeme iga yaahasi'iiká, dír guwaay ngina leelehhtuú ayé' dír Farao as ngiwa xun, nee amohhooa ngiwa slaya' baraá xuumár múk Misrír wa alé.

ISAYA 31:1

Tsaxwaaín mukdá' Misrirí alee/isoó firór aa'áw nee kudá' farasuú harahhifafiít. Mukdá' gaardaá slaqwara ngi harahhifá' as kiwa yaariír, kudá' múk farsuú i tsa/a/ám gu harahhiíf as tawa múk /uureemaá koóm. Ala Kudá' Hhoohhoó' oo Israeli ngu i qaytsimiitiaaká, tam sleeme AAKOÓ MUNGÚ ngu yaahamiisiaaká.

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

ISAYA 43:1

AAKOÓ MUNGÚ, Kudá' kuungaá múk Yakobo naa tleehh, kudá' kuungaá múk Israeli naa buqumbuqun, i kaahi, «Ma da'ayumitaara', asma kuungá' naa ba/amís. Aníng kuungá' naa ateét as tawa kwe'eé'.

ISAYA 59:13

AAKOÓ MUNGÚ, atén aga dee/aanutaán nee ugwa satlaankaán, Munguúrén eeharto ugwa mawaán. Gár ta axweemamisaan a baramaani nee aahhi. Baraá muneerene lameemo in aldakutaán nee in kaahaán.

ISAYA 63:8

Asma inós ina oó', «Looeemaawo mukwí a muk'eé', na/iieé' kudaá al/aymuuseerooká.» Nee inós tari ba/amusmooín.

YEREMIA 14:10

AAKOÓ MUNGÚ daanduú mukwihe i kaahi, «Ar ló' inooín leehaád nguna intsaahhiyé', ala inooín ta hintiqisiiká tlakweema tlehhtuuwo. Gawaá adoorihe anuú AAKOÓ MUNGÚ inooín i ilaohaaká. Tlakweemaín i gunqaresaaká, nee in sakwasleemuút as tlakweemaaín.»

YEREMIA 42:20

aga qwadé' nee slafingwhúng ugwa baraá tsaxwáy hubé'. Asma kuungá' aníng ina ya/abé' dír AAKOÓ MUNGÚ, Munguúhúng, tawa kata', ‹Ti aleefiriin dír AAKOÓ MUNGÚ, Munguúrén, tidá' niqo sa ooi, kuúng ngi ó', atén a tleehhaán.›

YEREMIA 51:9

Múk Babuloni hungu/uusaro ugwa mak iiara'araán, kár ala ugwa aleeslawaaniiká, mawaak, gusé' a tlawaán umuú heewo amór ayaawós, asma sakwasleemarós ka ló'wa ur, aa tsa/aán ay gawaá doori, aa tsa/aán ay gawaá huunkáy.

YEREMIA 7:15

Aníng kuungá' nun amór saáw i puruúts guusaro adoodá' naa tleéhh dír hhaeehúng sleémeero awa xwaylár Efraimu.› »

WA/AA/I 5:16

Muruudá' aáng tira diidi'iimisaán aa faák, tsaxwaarén asma tlakweema iga tleehhaán.

ESEKIELI 16:23

«Anuú Aakoó MUNGÚ kiíng in babaw, Tsaxwaawók! Tsaxwaawók! Kiíng, asma tlakweemaaká' sleémeero taa tléhh.

ESEKIELI 18:2

«Ahaá waáy, gár axweesantá bo/ kas inkaaki/a' baraá yaamaá Israeliwo? Tí kah ‹Xwayliité mamaá /eetlá' awa xa'anoó sabiíbu gina /ák, ala sihhnaá na/ii niri ta/anterumitiyé'.›

ESEKIELI 18:25

«Ala kuungá' a kata', ‹Gár Aakoó Mungú i tlehhiiti i qoondaaká.› Kuungaá múk Israeli, iia qaasaak daxta. Xáy, gár aníng ni tleehhiít iqo tsuwa qoondaakáhe? Gár kuungá' ta tlehhita' an tidá' qoomaaká.

ESEKIELI 34:6

Bee/angw'eé' iri diya/aát iri tawo hi'iimiít gawaá tlom'i wa alé nee gawaá tlom'aá tlet, iri tsiyayaáx baraá yaamu sleémeero, nee heé gwaa gaárí xuu' gway leelehhtuú áy i kaahh.›

HOSEA 11:12

Múk Efraimu iga lamtár gaás, nee múk Israeli a al/aymuuse, ala Yuda tam hamí in tawo babaqaamiis dír Munguhe, dír inósuudá' hhoohhoó', kudá' inkihhím.

HOSEA 11:2

Adoodá' ngira alkoóm ateetiingo, án inooín tina ak geexáy. Ilahhooadár muruú ta tsu/i ta Ba'ali hanmiisi ngina ooha hhe'eesiyé', nee ilahhooár mooyángw tsuú' ngina hanmisiyé' dír munguaá slaqsi'i.

HOSEA 5:7

Inooín dír AAKOÓ MUNGUHE naa iia wasleesiyé', asma inooín na/aá taa laqwaál a kudá' tinda tsee/aá wa sláy. Slahhángw /awaák birna ti'iít inooín i hhaná'.

HOSEA 7:1

Qoomár bar múk Israeli u ba/amisár wa slaá', tlakweemaaín kingin geehhoees, nee tlehhma'aá tlakw awa Samaria kingin laqán, asma tin kilooín al/aginá', nee in fisisiná', tan darah baraá maraá muu tan fisiisín, nee amoqár tsee/aawo malguuse i muruú múk hayohiín ar /uuru.

HOSEA 7:3

Waawutmo ngun qwal/amisiyá' ar tlakweemaaín, nee muk'ín oo urén ar foluuín.

HOSEA 9:12

Tam bir na/ii'ín umina'a, aníng na/ii'ín i slafíngwí geexawaaká tam oo wák. A tsaxwaaín bál bira kilooín geexáw.

HOSEA 9:17

Munguúeé' gin amór saáw i kwaahh, asma ngwa mayé' iiárií qaasaro. Inooín tay múk tawó tambeeruús baraá xoorduú wa alé.

YONA 1:10

Naagáy mukdaádá' iri ló'wa da'ayuút, kuri báy, «Gaarí kuúng taa tléhh a milá?» Asma mukdaádá' ga xuu' adór inós ira goów as iwa nahhaati dír AAKOÓ MUNGÚ wa alé, asma inós inooín gaa xu'tís geerií alé.

YONA 1:3

Ala Yona ina tláy, iri goów amór yaamaá Tarshishi, as iwa nahhaati AAKOÓ MUNGÚ wa alé. Ina aweér ay yaamaá Yopa, miringamoó yaamaá Tarshishír káw guri ár. Yona peésa gari buú', iri tsa/án baraá miringamoó i alé, as tiwa kona' nee inooín ay yaamaá Tarshishi, as iwa nahhaati dír AAKOÓ MUNGÚ wa alé.

MIKA 6:12

Dirhunge daqaarér narkuutér al/agagiim i deer, kuungá' sleémeero a lamuuse, aferhunge a al/aymár katá'.

MIKA 6:4

Aníng kuungá' nuna baraá yaamaá Misrír wa duúx, nuna baraá yaamaá lawaali'iimár wa tuú/. Aníng Mose nee Aroni nee Miriamu ngina amorhúng i ya/aáw as nuwa geerahariya'.

Matayo 23:37

«Aá Yerusalému, Yerusalému, kiídá' aaruusér tsu/aa/iim, nee mukdá' tinda amoorók i ya/aáw un tlaqwaaqút ar tlaa/e. A sagaáwa magá' án mukók nguwa dinkwárí burumburtá wa slaá', adoodár koonki tsiioorós ngir baraá hhaampi'iiwósií burumburaariin, ala kuungá' aga ya/aandi'iiká.

DABE 15:15

Tí inslawaak, asma aáng kuungá' a lawaale baraá yaamaá Misriro, nee AAKOÓ MUNGÚ, Munguúhúng kuungá' nuna baraadá' wa tuú/, an gár laarí aníng kuungá' nusa adoorí báw.

1 Yohana 1:10

Atén bar kaahaan tlakweema iga tleehhaniiká, inós un lamusmo tleehhitaán, tam axweesantós i káhh baraarene.

Geehhoeemaá 8:13

Aníng gwareesi ngiri ár ar tlatlaw baraá tla/ángw doorír alé, ngiri axaás i tseeamiín ar afór ur, i kat, «Múk baraá yaamuú wa hoót, a tsaxwaaín, a tsaxwaaín, a tsaxwaaín, qoomár malaykeedá' tám aa meti tarumbeetaduuín binga ufáhh. Asma malaykeedá' taa amohhe'és kiwa ufaahhi.»