HOSEA 7:11 - Biblía Axweesantá Hhohho' ar Mungú 2004

¹¹ Múk Israeli a adór hhooki, ar daktani nee fuqurángw koomaaká. Motsuuwo tan múk Misrír firór aa'áy, ta beer iqo amór múk Ashurúr kakayá'.

HOSEA 7:11 Iomraidhean Croise

2 WAAWITÁ 15:19

Naagáy Pulu waawutmoó Ashuru yaamaá Israeli giri i haraatláy. Nee Menahemu kilór mibeera tám nee tsiyáhh ar peésa gari haniís dír waawutmoó Ashuru nguwa alee/iisi waawuti'iimarós ngiwa gawdeesi baraá yaamaá Israeliro.

2 WAAWITÁ 16:7

Ahasi muu guri ya/aáw amór waawutmo Tiglat-pileseri oo Ashuru iwa kaahi, «Aníng a sagadiyusmoowók oo inkihhimuú koóm, qwaláng tu/áng baraá dabaá waawutmoó Aramuwo nee oo Israeliwo kudá' aníng iga i haraatlaye'.»

AXWEESANOÓ SAGALOOA 15:32

Heé gurbu'utá waaqaqaá' tin kilós waaqaqaa', Ala heé gurbu'úngw axamiís tsaahha ga sláy.

AXWEESANOÓ SAGALOOA 17:16

Gár heé daktani is sagalooár tlaxwtá wa slai, barqo inós i fuqurángw konká.

AXWEESANOÓ SAGALOOA 6:32

Hhawaatuú nee harér hee fuquusá', tam fuqurángw niiná gu konká, gár i tlehhiiti a hhiintluuwós gun qwaareemiis.

YEREMIA 2:18

Xáy hám daxta, gár ta sleera' a milá tawa /eté' baraá yaamaá Misri as ma'aá yaaér Nili kiwa wata', laqaá tawa Ashurúr keeré', gár ta sleera' a milá ma'aá yaaér Eufrate kiwa wata'.

YEREMIA 2:36

Ahaá waáy, gár tisa adoorír inslaahhés, tleehhmi'iiwók kis adoosír warqeemis? Tu mureekees nee múk Misri adoodá' tura mureekeés nee múk Ashuru.

HOSEA 11:11

Tindin hardah ta daaraax adór tsir/ór Misrír daahh, nee adór hhooka ar yaamaá Ashurúr daahh. Aníng ngiri watlís baraá maray'ín. Anuú AAKOÓ MUNGÚ tí ngina oó'.

HOSEA 12:1

Umuú gaaro ar múk Efraimu i tlehhiiti a tawo. Lameemo nee muruú tlakwe ngin alkoná' tlehhtuuwo. Inooín alqado ngin tlehhiitiyá' nee múk Ashuru, nee di/i kan huwahuuw ay Misri.

HOSEA 12:2

AAKOÓ MUNGÚ i kwasleemár kón daanduú Yudawo, inós xwaylár Yakobo ga slaahh as tlehhmi'ii'ín awa tlakw, giri buu' ar har qoomoó tlehhmi'ii'ín.

HOSEA 14:3

Múk Ashuru atén ti ba/amisiiká. Atén sleeme farsuú slaqwara u malé harahhifanaaká, nee gadiyér dabaarén a male bawanaaká, ‹Kuungá' a munguúrén.› Asma diroge panaay gurtleemu gu sláy.»

HOSEA 4:11

Sli'ima nee difaáír qaren, nee difaáír /aben sagalooár muu gan hingeemís.

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

HOSEA 5:13

Qoomár múk Israeli tiqtir'ín ngiwa tsaáhh, nee múk Yuda inkahhi'ii'ín ngiwa tsaáhh, Múk Israeli iri tláy amór Ashuru, muu guri ya/aáw amór waawutmoó úr, ala inós kuungá' hungu/uusaro nu aleeslayká, tam inkahhi'iihúng gi hungu/uusiiká.

HOSEA 5:4

Mukwí kwaa ilaá/ nee tlehhmi'ii'ín as kahhó' matawa kií/ amór Munguúín. Asma inslawoo fuqi aa haáts baraaine, tam AAKOÓ MUNGÚ ngu xuiaaká.

HOSEA 8:13

Inooín ilahhooár muruú ta tsu/i hanmisuuwo ngi slaiyá', nee fu'unaydá' kiri /aay. Ala AAKOÓ MUNGÚ ku baloó sla'atimisiiká nee inooín. Aníng hamí tlakweemaaín kuká' in insláw ngiri muúx as tlakweemaaín kuká', ngiri ki/ís baraá lawaali'iimár yaamaá Misri.

HOSEA 9:3

Múk Israeli i baraá yaamaá AAKOÓ MUNGÚ i meetiiká. Ala tan kii/ baraá yaamaá Misri. Inooín nee múk Ashuru muruú /aymár ta waki kuri al/aay.

HOSEA 9:6

Asma ga/aawaak, qwanayhúng un ilagobá' tunduri ilaoh nee múk Misri, ala /antaá Memfisi nu daamaraná'. Daqaari'iimarhúng ar peésa sla/a ngi alti'ít, nee marayhúng laqaya' ngi alti'iitiyá'.

OBADIA 1:7

Mulqerhúng ar kilá' nuna dáhh nuri tlatlahhás baraá yaamuuhunge. Mukdá' nee kuúng waydúr hotaatimá' nuna al/aáy nuri ar baá/. Kudá' nee kuungá' naanuú em'aaemá, tsaaxweeli ngaa qaasiyé' dír ya'aawók, tawa kaahi, «Laatí, gár i aleeslay iqo káhh.»

Matayo 10:16

«Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.