HOSEA 7:1 - Biblía Axweesantá Hhohho' ar Mungú 2004

¹ Qoomár bar múk Israeli u ba/amisár wa slaá', tlakweemaaín kingin geehhoees, nee tlehhma'aá tlakw awa Samaria kingin laqán, asma tin kilooín al/aginá', nee in fisisiná', tan darah baraá maraá muu tan fisiisín, nee amoqár tsee/aawo malguuse i muruú múk hayohiín ar /uuru.

HOSEA 7:1 Iomraidhean Croise

ISAYA 28:1

Tsaxwaaín, xufutuusér daara/aam ar Efraimu. Xirfuuín i qwaar adór /ayór aa kat. Xirfuudá baraá xatstá wahhaárí dirií', nee gawaá sagér mukdá' xufta aa bál.

ISAYA 59:12

Asma tlakweemaarén dír geeraawoge naa ló'wa tlahhiyé', atén tlakweemaarén tin lamabu'uná', atén nee tlakweemaarén tin alkoomakoomaán, nee tlakweemaarén iga tsaahhaán.

ISAYA 59:13

AAKOÓ MUNGÚ, atén aga dee/aanutaán nee ugwa satlaankaán, Munguúrén eeharto ugwa mawaán. Gár ta axweemamisaan a baramaani nee aahhi. Baraá muneerene lameemo in aldakutaán nee in kaahaán.

ISAYA 59:14

Sakwasleemár ganaa' kaa bihhií qaás, hotaá ganaa'á' direne na saweesiyé', looeema kaa yaamaá hara'adáh baraá lohdaá urene, doó kwasleemaro gana'amu pa/aangw gu slayká.

YEREMIA 51:9

Múk Babuloni hungu/uusaro ugwa mak iiara'araán, kár ala ugwa aleeslawaaniiká, mawaak, gusé' a tlawaán umuú heewo amór ayaawós, asma sakwasleemarós ka ló'wa ur, aa tsa/aán ay gawaá doori, aa tsa/aán ay gawaá huunkáy.

ESEKIELI 16:46

«Hho'oorók ar ur a Samaria, tidár bihhaá /iya, dinkwa nee hhaeewók. Hho'oorók ar niina a Sodoma, tidá' bihhaá basa, dinkwa nee dasuwós.

ESEKIELI 23:4

Dasír ur ka bay Ohola, nee ar niina ka bay Oholiba. Naagáy sleémeero nay kwe'eé' tleehhitiyé', na/iieé' awa daaqaay nee awa dasuuwo ngiri laqwaaliyé'. Ohola a gixsár Samaria nee Oholiba a gixár Yerusalemu.

ESEKIELI 24:13

Kuútuudá' an slasla/aruú fuqtók, ala tam aníng kiíng iga iiari hheehhe'eesaro, kiíng ana kilók met baraá slasla/aruuwók, kiíng aqo sangw baloó hhoohhouuraaká malé alé ay dír buhhtaaeé' ngay boo/ees daanduuwoge.

HOSEA 10:5

Yaamuloouusér Samaria in daaraxát as damaadár baraá Bet-aweni. Inooín tari tsuunqumiis as damaadá', kaahamuusér damaadá' ga sluufmiis iri /aa/amiín, as xirfuú damaadá' kuwa hingeés.

HOSEA 11:12

Múk Efraimu iga lamtár gaás, nee múk Israeli a al/aymuuse, ala Yuda tam hamí in tawo babaqaamiis dír Munguhe, dír inósuudá' hhoohhoó', kudá' inkihhím.

HOSEA 11:8

Aá múk Efraimu adór nur geexaw? Án kuungá' múk Israeli adór nur sii'? Adór ngir aslaw nuwa adór gixsár Adma tleehh? Adór ngir aslaw nuwa adór gixsár Seboimu tleehh? Muunaáeé' aa warqáy, guruueé' aa ló'wa tláy.

HOSEA 12:1

Umuú gaaro ar múk Efraimu i tlehhiiti a tawo. Lameemo nee muruú tlakwe ngin alkoná' tlehhtuuwo. Inooín alqado ngin tlehhiitiyá' nee múk Ashuru, nee di/i kan huwahuuw ay Misri.

HOSEA 12:2

AAKOÓ MUNGÚ i kwasleemár kón daanduú Yudawo, inós xwaylár Yakobo ga slaahh as tlehhmi'ii'ín awa tlakw, giri buu' ar har qoomoó tlehhmi'ii'ín.

HOSEA 4:17

Múk Israeli aa kií/ amór munguaá slaqsi'i, mawaak kilooín ale.

HOSEA 4:2

A har lo'o nee lameemo tlaqa, nee tsu/uta nee fiiso nee fuqi, nee digeemi fe/it nee tsu/utár muu.

HOSEA 5:1

Tí iiárií qaasaak, kuungá' kaahamuusér Mungú! Iia qaasaak, kuungá' múk Israeli! Iia qaasaak, múk doó waawutmo, asma kwasleemarí i kuungá' wa hariín. Asma kuungá' aga tsaaxweeli tleehhité' baraá Misparo, nee xotloompír taa qaás daanduú tloomár Tabori.

HOSEA 6:4

Israéli, aníng kuúng adór u laaq? Yúda, aníng kuúng adór u laaq? Asma sla'aarirhúng a adór tlaangír matlaatle, nee adór hara'uú tseewa huú'.

HOSEA 7:13

A tsaxwaaín! Asma naa aníng wa gowiyé', alók in hhaná'! Asma aníng iga si'iyé'. Aníng inooín in mak ba/amisár wa slaá', ala inooín aníng i lámtí tlaaqiyá'.

HOSEA 8:5

Aá múk Samaria, Munguúhúng kuduú dama ugwa sií', aníng aga qa/iít buhhtaawo as kuungá', tlakweema tlehhtuuwo ta kumaamita' ay xaylá.

HOSEA 8:9

Inooín nina tlayé' ay Ashuru a slaqás nee daqoó kopoormo oo baraá darmuú wa kilós hi'iimiít. Múk Israeli mulqer'ín ar /ameena ngaa tlaxwiyé'.

AMOS 3:10

AAKOÓ MUNGÚ i kaahi, «Mukwí gár ganaa' tleehhamooro ngi xuiaaká. Inooín muruú fiiso nee oo taa /uurúr hayoohín ngun babatsiyá' baraá maray'ín i alé.»

AMOS 3:9

Gimsé', afo ilahanisaak baraá maraydá' gawden awa Ashadodi nee amór maraydá' gawden awa yaamaá Misri, muu bawaak, «Burumburiité' gawaá tlom'aá' Samaria, daqaní ta qaytsitá', wayaqamuú yaariír araak nee /aytár yaariir ar baraadá' wa tleehharumiit.»

AMOS 8:14

Kudá' lo'o ngaa /ayiye' ar umuú munguúín kudá' ta bay Ashima, oo gixsár Samaria, iwa kaahiya', ‹Ar adoodá' munguú Dani ir daadeér,› nee ‹Ar adoodá' munguú Ber-sheba ir daadeér,› mukwí i huuhu'ún, iri baloó sihhiitiiká.»

MIKA 6:16

Adoorí in tleehharút asma kuungá' hara'aydaá tlakw awa waawutmo Omri ina oté', nee tlehhmi'i sleémeero awa doó garmaawós, waawutmo Ahabu, ina eehadé'. Kuungá' loohir'ín kari eehadé'. Gawaá adoorihe aníng yaamuuhúng i hhitiím, nee kuungá' tari waaqa'atitá'. Múk xoordaá hatlá' sleémeero nuri waaqaa'.»

Matayo 23:37

«Aá Yerusalému, Yerusalému, kiídá' aaruusér tsu/aa/iim, nee mukdá' tinda amoorók i ya/aáw un tlaqwaaqút ar tlaa/e. A sagaáwa magá' án mukók nguwa dinkwárí burumburtá wa slaá', adoodár koonki tsiioorós ngir baraá hhaampi'iiwósií burumburaariin, ala kuungá' aga ya/aandi'iiká.

Luka 13:34

«Yerusalému, Yerusalému, kiíngadá' aaruusér tsu/a/iim, nee kudá' tinda amoorók ya/aáw kiwa tlaqwaqut ar tlaa/e. A sagaáwa magá' án mukók nguwa burumburtá wa slaa', adoodár koonki tsiioorós ngir burumburariin baraá hhaampi'iiwós, ala kuungá' aga ya/aandi'iiká.

Luka 19:42

iri oó', «Geeraawo masók tam kiíng muruudá' una xú' deelór laarihe oo wayduú huúw diroge. Ala hám daxta kwaa luú/ dír ilaawoge.