HOSEA 6:7 - Biblía Axweesantá Hhohho' ar Mungú 2004

⁷ Ala inooín alqado ngaa mayé', adoodá' naa tleehhiyé' amór yaamuudá' ta bay Adam wa alé, slám inooín naa iia wasleesiyé' dir'eene.

HOSEA 6:7 Iomraidhean Croise

IIMU/UUNGW 3:11

AAKOÓ Mungú iri oó', «Heé ugwa bay kuúng a /aankwets? Xáy, kuúng mamaá xa'anoodá' uwa báw mi /ayaar, ina /ági?»

IIMU/UUNGW 3:6

Naxés /ameeni gana aán mamaá xa'anoodá' kúto' i tsuuiyá' /aymaaro, slám ki hhohho' ngiwa ga/eer ilaawo, nee ki hhoo' as iwa sagalooár huwiya' biringa /ák. Maamár xa'anoowí gari bú', gari /ák, gari hhawaatuuwós i hanís, inós sleeme gari /aáy.

2 WAAWITÁ 17:15

Dabeerós eeharto ngina si'iyé', alqadoodá' aa qaás nee baabi'ii'ín nga oohi'iiká, tam adoorihe naanaqarós ngina si'iyé'. Inooín murslaaqatuú tawo nguna harahhifiyé', inooín nay lamuuse tleehhitiyé', slooír xoordaá hatlá' awa yaamuudá' ngina eehaariyé', tam handá' AAKOÓ MUNGÚ ngaa bayi, «Slooir'ín ma oohara'.»

YOBU 31:33

Aníng tlakweemaaeé' igaqo luú/i as heeuuma, nee dakuúsar'eé' aga qo baraá muunaáeéní máwi?

ISAYA 24:16

Afór xirfayeemis ana axaasaán iimír ku/uyaá doori, afór xirfuú kudá' gan'amuú koóm kuwa xirfayeemisi. Ala aníng ana oó', «Aníng aga slaqwa tlakúw, aníng aga slaqwa tlakúw. Tsaxwaeé'!» Asma múk al/agiím al/aymaaro tan ak kumiit, al/aymuuse in ak ló'wa kumít al/aymaro.

ISAYA 24:5

Yaamu kaa meetagaás nee mukdá' gi hoót, asma hara'ayár Mungú ngina hhitiné', nee kaahirós ngina si'iyé', nee alqadoodár alhhe'eesay wasl ngiri si'iyé'.

ISAYA 48:8

Kuungá' kaangwí ugwa axasi'iiká, sleeme ugwa xui'iiká. Iimír iimu/uungo iaahúng i xaaxay'aaká, asma aníng a xuú' adór kuungá' tara naagisé' al/aymaaro, nee iimír xwaylarhunge tunduna báy, dee/anuuse.

YEREMIA 3:7

Aníng ngi xuu' tí sleémeero tleehharo birnga hhe'eesiyé' ni amor'eé' ki/iyá'. Ala naa baloó amor'eénií ki/i'iiká. Nee hhaeeín awa Yuda sleémeero ngaa ariyé'.

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

YEREMIA 34:18

Nee múk alqador'eé' gaa geexay, nee hara'ayar'eé' eeharto ga sii', tidá' taa tleéhh geeraaeé' wa alé, inooín in slaqás nee damár taa gaás, kari tla/a feehhiís amorqá' nee tiqá', nee muu iri baraá tla/angwdár waaraáhh.

YEREMIA 5:11

Asma múk Israeli nee oo Yuda naa ló'wa inkihhimu wasleesiyé' dir'eene. Anuú AAKOÓ MUNGÚ tí ngina oó'.

YEREMIA 9:6

AAKOÓ MUNGÚ Aleesleemusmo i kaahi, «Inooín /ayta ngin daanduú tiqií qaminá', nee al/ayma ngin daanduú tiqá' wa dogiitiyá'. Aníng iga si'iyé' xu'utiro. Anuú AAKOÓ MUNGÚ tí ngina oó'.»

HOSEA 5:7

Inooín dír AAKOÓ MUNGUHE naa iia wasleesiyé', asma inooín na/aá taa laqwaál a kudá' tinda tsee/aá wa sláy. Slahhángw /awaák birna ti'iít inooín i hhaná'.

HOSEA 8:1

Tarumbeéta ufahhaak! Asma wakusmo i adór gwareesír wá haraatláy amór doó AAKOÓ MUNGÚ, asma alqador'eé' ngaa mayé' nee hara'ayar'eé' ngaa aahhiyé'.

Rumi 5:14

Ala iimír Adam wa tleemu ay qoomár Mose tlakweema naa baaliné' daanduú muu sleémeerowo, tam daanduú kudá' naa dakuusi'iikahe adoodár Adam wa alé, hara'ayár wák ngiwa máy eeharto. Adam a slaqsoó kudá' aluú wa hardáh.

DABE 31:20

Asma qoomár aníng inooín bira huúw baraá yaamaá diihhooár ilwa nee dane, kudá' aníng naa lo'ór wa /aáy ngiwa haniis dír baabi'ii'ín, ala inooín tan /ayín, nee tan aax, tari wahhadiit. Aluuwo inooín tari warqáy, munguaá hatlá' kiri haratlintii', aníng iri si'iyá' nee alqador'eé' ngiri geexayá'.

Ebrania 8:9

Alqadoorí a adór tidár aangeeká, tidá' naa alqadiím dír baabi'iihúng, qoomár ngiwa duúx ar dakw'eé' baraá yaamaá Misrír wa ale. Asma inooín alqador'eé' kaa eeharahariiká. Gawaá adoorihe aníng inooín ngiri máw sadaawimituuwo. Axweesanaywí Aako guna káh.