HOSEA 6:6 - Biblía Axweesantá Hhohho' ar Mungú 2004

⁶ Aníng ilahhooár muruú ta tsu/i a sla'aaká, ala gár ni slaa' a sla'aarír warqawaaká, aníng ilahhooár da/a/aangw a sla'aaká, ala a Mungú kuwa xui.

HOSEA 6:6 Iomraidhean Croise

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

WARA'AMI 50:8

U iigahhamitaaká as ilahhooarók tidár muruú ta tsu/i, nee ilahhooarók ar da/a i dír geeraaeé' qooma sleémeero.

AXWEESANOÓ SAGALOOA 21:3

Hotaá ganaa'á' nee sakwasleemár ganaa' kawa tleehhi, Muruuwí AAKOÓ MUNGÚ gu sla'atimis ta ilahhooár muruú ta tsu/i.

DAHARUSMO 5:1

Bar amór doó Mungú keér daanqamiís. Asma a gár hhoo' tawa tseewuur nee iia kay qás, ta ilahhooár muruú ta tsu/i adór tidár múk daktana kawa hanisa. Inooín gár hhoo' nee ar tlaakwe ngi partlitiaaká.

ISAYA 1:11

AAKOÓ MUNGÚ i kaahi, «Ilahhooár yaariir ar muruú ta tsu/i garós a milá? Aníng aga hhe'eés ilahhooár da/a/aangw ar gwaandaawe, nee di/tá makaá na wahhaaditi'i, Aníng tseerér awe, laqaá ar deeloó bee/aangw, laqaá ar gurtaawe i sla'atamiská.

ISAYA 58:6

Gwaawitór aníng ni slaa' a tí: Mukdaádá' taa tawo tsegiít kuwa gweda' him'eedá' muu kura tsegiít kawa gweda'. Mukdá' ta baramaanuusi amohhooa ngiwa slay, nee umuú taaqwanto kawa giqeera'.

YEREMIA 22:16

Múk liitlakwén nee narkuuteero giri hariímar'ín i haniís, umuú gaaro iri ya/aán. Adoorí an adoodá' anuú AAKOÓ MUNGÚ ira xuú'.

YEREMIA 7:22

Asma baldá' bariiserhúng ngiwa duúx baraá yaamaá Misrír wa aleeró, aníng gár ngaa báw i káhh, laqaá hara'ayár naa haniís daanduú ilahhooár da/ato, nee ilahhooár muruú ta tsu/i i káhh sleeme.

DANIELI 4:27

Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

HOSEA 14:2

Tlawsé', inós firiimaak, ki/é' amór AAKOÓ MUNGÚ. Inós ku beera', «Tlakweemaarén sleémeero hingeseek, qeemuurén ilaooheek, daqaní atén kuúng u xirfayesaán afeerene.

HOSEA 2:20

I sa'axweés ar inkihhimu, kiíng AAKOÓ MUNGÚ kuri xú'.»

HOSEA 4:1

Kuungá' múk Israeli axweesantá AAKOÓ MUNGÚ iiárií qaasaak. Asma AAKOÓ MUNGÚ i múk yaamuuká' iigahhamiit, asma inkihhimu i kaahh nee hhooeemawo tam heé Munguú xuú' i kaahh baraá yaamuwo.

HOSEA 8:13

Inooín ilahhooár muruú ta tsu/i hanmisuuwo ngi slaiyá', nee fu'unaydá' kiri /aay. Ala AAKOÓ MUNGÚ ku baloó sla'atimisiiká nee inooín. Aníng hamí tlakweemaaín kuká' in insláw ngiri muúx as tlakweemaaín kuká', ngiri ki/ís baraá lawaali'iimár yaamaá Misri.

AMOS 5:21

AAKOÓ MUNGÚ i kaahi, «Deelorhúng tida' ur kuungá' ta tlehhaahhita', aníng a ló'wa sla'aaká, a ló' wa waaqaqaá', aníng ti qwal/atimisiiká nee dinku'uumarhúng ar diíni.

MIKA 6:6

«Aníng gár ni huuw a milá birni dír geeraá AAKOÓ MUNGÚ káw as Munguúdá' gáwtí dirií' nguwa i tumbarara'aat? Xáy, gár ni huuw a tsa/eetaá naa sangw /oní'i? As ngiwa ilahhooár da/tá wa haniis.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

Matayo 12:7

Kaa gooín, ‹Ilahhooár muruú ta tsu/i a sla'aaká, ala gár ni slaa' a gurtleemu.› Kuungá' gídaabár /aymi'iiká' geeraawo bar xuá', múk tlakweemaá koomaaká geera u sakwasleemuta'aaká.

Matayo 5:7

Múk amohhoó' a kudá' gurtleemuú koóm, asma inooín Mungú gi gurtláy.

Matayo 9:13

Ala tlawsé', gídaabár /aymi'iiká' aldakuutaak, ‹Ilahhooár muruú ta tsu/i a sla'aaká, ala gár ni slaa' a gurtleemu.› Aníng naa hardihiiká asma múk hota ganaá' nguwa ateetiim, ala a múk tlakuuse.»

Marko 12:33

Nee hee inós nguwa slai ar muunaáwós sleémeero, nee ar fuquraangós sleémeero, nee ar /uuruuwós sleémeero, nee inslaawmoowós nguwa slai adoodá' inós tir kilós slai, adoorí in ganá' ta hikwaá adoodá' koomá' kiwa ilahhooár wa da/i nee ilahhooár muruú ta tsu/i.»

YOSHUA 5:5

Mukdá' sleémeero naa baraá yaamaá Misrír wa ti'iit kwaa qaroó al/utlín. Ala mukdá' sleémeero taa laqwaál baraá xaanxáy ale, alaá tindiwa ti'iít baraá Misriro, kwaa al/utlinká.

1 Yohana 2:3

Hara'ayaarós bara oohaán, daqaní aga tsaahhaán adór kura xuaán.

1 Yohana 3:6

Heé baraawós wa hoót i tlakweemaá tlehhiitiiká. Heé tlakweemaá tlehhaahhiít, kwí Yesu gwa ariiká, nee gwa tsaahhiiká sleeme.

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.