HOSEA 6:4 - Biblía Axweesantá Hhohho' ar Mungú 2004

⁴ Israéli, aníng kuúng adór u laaq? Yúda, aníng kuúng adór u laaq? Asma sla'aarirhúng a adór tlaangír matlaatle, nee adór hara'uú tseewa huú'.

HOSEA 6:4 Iomraidhean Croise

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

YEREMIA 3:19

Aníng ngiwa xuu' geeraawo, kuúng un adór na/ay'eé' tleéhh, yaamaá sla'atimiisá' ngiri kuúngií haniís, aalír ló'wa hhoohhoo' baraá xoorduuwo, ngiwa xuu' geeraawo kuúng in baabuúwógár atét, nee kuúng in baloó meeraaká eeharto.

YEREMIA 34:15

Ala deelór niina aa waarahhi, kuungá' inslawayhúng kuwa warqesé', aníng ina qwal/asé'. Kuungá' mukhúng oo Israeli kuwa gwedé', nee alqado kari qasé' dír geeraaeé' wa alé, dír Do'odá' taa umuueénár ateetin.

YEREMIA 5:23

Ala mukwí ku ló'wa mune gawdén nee aa dee/anuút. Aníng iga si'iyé' lohduuín ngiri eehariyé'.»

YEREMIA 5:7

Xáy, tlakweemaahúng adór ngir gurtlaw? Mukók aníng iga sií' nee lo'o ngiri /ayiyé' ar munguaá lama. Qoomár inooín ngiwa /aymiís niri aaxiyé', nina baraá fúqtí tlayé', baraá maraá tsaatuuse ngiri dalaa/iyé'.

YEREMIA 5:9

Xáy, aníng kaangwihe sakwasleemaro i qo máwa? Xáy, anuú AAKOÓ MUNGÚ daanduú xoorór adór tihe li/aay bu'utuuwo uqo máwa?

YEREMIA 9:7

Gawaá adoorihe AAKOÓ MUNGÚ Aleesleemusmo i kaahi, «Aníng in hhohhoeés nee in iiár. Xáy gár hatlá' ar muk'eé' ngway tleehh a milá?

HOSEA 11:8

Aá múk Efraimu adór nur geexaw? Án kuungá' múk Israeli adór nur sii'? Adór ngir aslaw nuwa adór gixsár Adma tleehh? Adór ngir aslaw nuwa adór gixsár Seboimu tleehh? Muunaáeé' aa warqáy, guruueé' aa ló'wa tláy.

HOSEA 13:3

Gawaá adoorihe inooín tan ilaá wa qwaar adór tlaanguú matlaatle, nee adór har'ú gaanslár paáhh, nee adór muundoó fur'a ir tlatleer dír kitángw haritleemisuwo, nee adór quuír pa/ángw ar ti'imiit.

HOSEA 7:1

Qoomár bar múk Israeli u ba/amisár wa slaá', tlakweemaaín kingin geehhoees, nee tlehhma'aá tlakw awa Samaria kingin laqán, asma tin kilooín al/aginá', nee in fisisiná', tan darah baraá maraá muu tan fisiisín, nee amoqár tsee/aawo malguuse i muruú múk hayohiín ar /uuru.

Matayo 13:21

Ala dee/árú ta kon i kaahh, nee deelór tawa hooti ka ureeká. Slahh'ámu binda ti'iít as axweesantadá', laqaá gusiisiingw, axweesantadá' kari máy.

HAR'OHUUSE 3:12

Aluuwo xoorór Israeli tlakweema giri malé tléhh dír ilaá AAKOÓ MUNGUHE. Gawaá adoorihe AAKOÓ MUNGÚ waawutmo Egloni oo Moabu guri /uurií haniís xoorór Israeli ngiwa baali, asma tlakweemaadá' naa tleehhiyé' dír ilaá AAKOÓ MUNGUHE.