HOSEA 6:3 - Biblía Axweesantá Hhohho' ar Mungú 2004

³ Atén AAKOÓ MUNGÚ ku xuaán nee ta kumiitaán kuwa xuaan, hardahamuuwós i pa/iiká adór matlaatle. Inós tin adór tluwáy wá i hardah, adór tluwoó laweei yaamu ngir i tlubaabin.

HOSEA 6:3 Iomraidhean Croise

2 SAMUELI 23:4

Inós a adór gwa/aateemá matlaatlér iimi iwa /awakuúr, adór tsee/amuú dooraá huunkáy wasl birna tsiiriíhh, kár ee, a adór tluwoó gitso ngaa yaamuú wa titi'iis.›

YOBU 29:23

Aníng tina adór tluwáy wá daamaarán. Nee afe ngin awaatlárí mayá' adór múk buhaaraá daamaaraám.

WARA'AMI 19:4

Tam nee adoosinge afor'ín aa tsiyaayaxát umuú dii baraá yaamuwo. Axweesantaín aa hardát alhhe'eesoó yaamuwo. Mungú looa gaa do' i tleéhh gawaá dooriwo.

WARA'AMI 19:6

In bihhaá wák wa tleér, nee iri harweeriín bihhaá hatlá' i alé, tam gár tsee/amaawós wa nahhaat i káhh.

WARA'AMI 63:8

Aníng kuúng un i naga'aát, aníng in ót ar dakók kudá' /uuruú koóm.

WARA'AMI 65:9

Kuúng yaamu in amohhe'eemís ar tluwaay iwa tluwi, yaamu iga hhapér hhó' i qás nee umuú gaaro iri harmá/. Yaaér Mungú aa háts ma'aywo. Mungú, kuúng muu ugwa balángwí hanís, asma kuúng an kudá' umuú gaaro gaa amohhe'ees.

WARA'AMI 72:6

Inós ni aweeri adór tluwaay gawaá tsaaroó taa tsaát, adoodá' baafáy ir baafi gawaá yaamií ale.

AXWEESANOÓ SAGALOOA 4:18

Ala loohír heé ganaá' a adór tsiraahhór tsee/amá, tse/amangwí in kumaamiit ay /ametleemu.

ISAYA 2:3

Xoordaá yaariir nin daqayá' niri ooiya', «Qwalaasé', gusé', gawaá tloomár AAKOÓ MUNGÚ, amór doó Munguú Yakobo, as kahhó' inós tiwa intsaahhatisi lohduuwose, as kahhó' atén tawa baraá lohduuwós wa hootaan, asma baraá Siyoniro dabe nin ti'ít, nee baraá Yerusalemuro axweesantá AAKOÓ MUNGÚ a axaasaán.»

ISAYA 32:15

Adoorí in kumaamít ay dír qeeruú Mungú kunguy gáwtá wá ku'uusi gawaaréní alé, daqaní xaanxaay iri warqáy tawa qaymór balángw hamaaremiis, nee qaymór balángw hamaaremiis iri darma tleehhít.

ISAYA 44:3

Aníng ma'aay i ku'uús baraá yaamaá naa waxitiye', nee duxe an wa/ás gawaá yaamaá kaahaar aníng qeeruueé' un haniís dír xwaylarhúng nee xwaylarhúng ngari tsuúq.

ISAYA 5:6

Aníng inós an xaanxaay tleéhh, sabiíbuuwós ku alkwasliiká, laqaá ku kakanusiiká. Fuquráy nee laqayaawo ngun alti'iitiyá'. Huunkáy u ádbáw, miwa gawaawósí tluúw.»

ISAYA 54:13

Na/iiwók sleémeero ki intsaahhatis nee AAKOÓ MUNGÚ. Diihhooár na/iiwók iri tláhh.

YEREMIA 24:7

Aníng in tsaahhárí haniís adór aníng tar AAKOÓ MUNGÚ. Inooín tari muk'eé', aníng tari Munguúín, asma inooín nin amor'eéní ki/iyá' ar muner'ín sleémeero.›

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

HOSEA 10:12

Hotaá ganaa'á' ar hootaak, sla'aarír warqawaaká ka sleerá', slafingwhúng amohhe'eesaak, asma qoomaarí an qoomár AAKOÓ MUNGÚ kuwa leelehhita', as kahhó' inós niwa hardihi, nuri geerahaar baraá hotaá ganaa'á'.

HOSEA 14:5

Aníng dír Israeliwo an adór hara' tleehhiít, inooín niri /ayuusiyá' adór /ar/aanti, dee/áruuín nguri kiki'iyá' adór fuuntsáruú gartá Lebanoni.

HOSEA 14:6

Harma/taín iri slu/bibiín, hhohhoartaín tari adór seituúni, mooyangw'ín tari adór kuquú /ayór Lebanoni.

HOSEA 2:20

I sa'axweés ar inkihhimu, kiíng AAKOÓ MUNGÚ kuri xú'.»

MIKA 4:2

Nee xoorduuká' yaariir niri hardihiyá' tari ooi, «Qwalaasé', a tsa/amán gawaá tloomár AAKOÓ MUNGÚ, amór Doó Munguú Yakobo. Inós atén tiri intsaahhatis lohduwose, atén niri hi'imiitaán ar baraá irwaarós.» Asma intsaahhasa baraá Siyoni ngin dáhh, nee AAKOÓ MUNGÚ axweesantós ngin baraá Yerusalemúr wa oo'.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

MIKA 5:7

Baraá tla/ángw xoordaá yaariire panaydá' aa meet baraá múk Yakobowo tay adór har'uú amór AAKOÓ MUNGÚ daáhh, nee adór tluwoó doomu baraá gitsooro. Inooín hee ku harahhifiiká, nee muu ngu haratlinti'iaaká.

SEKARIA 10:1

AAKOÓ MUNGÚ firimaak tluwoó buhareewo, AAKOÓ MUNGÚ an kudá' tluwoó kwarara/a ngu haahuúw, inós an kudá' baafoó tluwaay gu múk i hanmaamiís nee balángw baraá qamu gu hamareés as muu sleémeero.

MALAKI 4:2

Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

Matayo 13:11

Yesu giri i ilawaáts, giri báy, «Kuungá' naaqór waawuti'iimár doori aga xue'. Ala inooín ka xuiiká.

Luka 1:78

ar gurtleemuú Munguúrén. Kwí gwa/aateemaá dooraá dahhá' ngi dirén i hardahaas,

Yohana 17:3

Nee slafíngw alhhe'eesay wásl an kwí, kuúng uwa xuiya', Munguúduú ló', kudá' wák, nee Yesu Kristo, kudá' naa ya/áp.

Yohana 7:17

Hee barnaxes sla'aarír kudá' aníng iga ya/aaw gaa ya/án tleehhamooro, kángw intsaahhastadá' daqaní gu tsaahh, áx amór i dahh a amór Mungúhe, laqaá án kilooeé' an axweés.

Tlehhema'aá ya/Abuuse 17:11

Múk Berea a múk hhó' ta ak múk Tesalonikero, nee inooín Ya/abtór hho' ngina ilaaohiyé' ar muunuú hhoó'. Gooi ngiri soomuusiyé', nee ngiri aldakuutiyé' umuúqo daqto, as ngiwa tsaahhiya' áx kaangwí taa alki/iiti oo lóe.

DABE 32:2

Intsaahhasar'eé' masók i tlúp adór tluwaay, axweesante'eé' i páhh, adór har'uú wa ale, adór tluwoó baáf baraá gitso, adór ilaá tluwaay awa paahhá' baraá loo/ór dutlutluu/.

Ebrania 3:14

Asma atén sleémeero a alqaatuusér Kristo, barnaxés atén aga kumiitaán ar pihh'uumarén tidá' iimír iimu/uungo ta koomaan ay alhhe'eesaay.

2 Petro 1:19

Gawaá adoorihe atén axweesantadá' aaruuse aa alki/ít an ló'wa haratlintiaán. Kuungá' adór hho' aga tlehhé' barnaxes axweesantadá' aga alqaytsité'. Asma axweesantadá' a adór tsaa'astá baraá giwtír wa oh, ay dír iimi i /awaakuur, nee ay dír tsatsee/ír Haymú i geehhouur baraá munerhunge.

Geehhoeemaá 22:16

«Anuú Yesu malaykamooeé' nguna ya/aáw as muruuwí nguwa dirhúngií lamabu'un, kuungá' múk kríshaanáy oo baraá gixsadaá dimbadimbé. Aníng a heedá' baraá tlahhoó Daudí daáhh. Aníng oo xwaylár Daudi. Aníng an tsatsee/idá' gwa/aat ar matlaatle ar ta bay Haymú.»