HOSEA 6:2 - Biblía Axweesantá Hhohho' ar Mungú 2004

² Alaá deelo tsare atén ti malé slafis, bál tame atén tin waslee/atis, as kahhó' nee inós tawa alhootaan.

HOSEA 6:2 Iomraidhean Croise

IIMU/UUNGW 17:18

Abrahamu Mungú guri báy, «Doóqa Ishmaeli in dír geeraawók wa hoot.»

2 WAAWITÁ 20:5

«Alu i ki/eek, Hesekia, geeraharusmoó muk'eé' baweek, ‹Anuú AAKOÓ MUNGÚ, Munguú baabuúwók Daudi a kah, Aníng firoorók aga axaás, nee hhirhheriiwók iga ár. Ga/aaweek, aníng kuúng u hungu/uús, nee bál tame kuúng ta daqeér baraá Doó AAKOÓ MUNGÚ.

WARA'AMI 61:7

I waawuti'in ar alee/isoó Mungú ay alhhe'eesay wasle, nee ngu de'en ar sla'aarirós ar warqawaaká nee inkihhimuuwose.

WARA'AMI 71:20

Kuúng iga slahh'amuú yaariír i hanís ala i malé slafís iri /uurií dók, iri afkú bohóngw wa ki/ís.

DAHARUSMO 3:3

Qoomár tsu/uta nee qoomár hungu/uumis. Qoomár fe/it nee qoomár tlehhma.

ISAYA 26:19

Mukók kudá' aa qaatl i waaslee/, slaqooín i waslee/iyá', kuungásingá' baraá yaamaá hootá' tlawaaré' daaé' ar qwala/, asma Mungú hara'uuwós oo slafiingw ngu paahhaas, nee gi'i múk baraaíní diriiá' ngu duuxiyá'.

ISAYA 30:26

Baalaadae slahhaangw in gwa/aat ar adór tsee/amá, nee tsee/amá in gwa/aat sagáwa faánqw wa alé, adór tsee/amuú deelo faanqw kuna baalár wák gwa/atís. Adoorí i tleehharút bál AAKOÓ MUNGÚ mukós kudá' aa muúx burngwa huungu/uusár áy, nee inkaahha'aá mukós birnga tseegár áy.

HOSEA 13:14

Aníng i ba/amís baraá /uuruú gi'iiwo. Aníng nu wangeexwaár dír gwa'araro. Aá gwa'ára, tsu/utaarók gaálaay? Aá gí'i, hhitarhúng gaálaay? Gurtleemu u sangw koomaaká.

HOSEA 7:2

Inooín tam tsaahhár niiná ngi kon'aaká, adór aníng tlakweemaaín ngir xuú', ala inooín kaa nagwaáhh nee tlakweemaaín badu sleémeero, tlakweemaaín sleémeero aníng i ga/áw.

Yohana 14:19

Deelór aa met ka ureeká, aníng múk aa haratlintii'iiká i malé ariiká, ala án kuungá' i aandá', asma án a slaáf, nee kuungá' a slafá'.

Rumi 14:8

Asma atén bar hootaán, an hootaán as Aako, nee bar qatlaán, an qatlaán as Aako. Gawaá adoorihe atén bar hootaán laqaá bara qatlaán, atén a múk Aako.

1 Korinto 15:4

nee kuri foól, nee bál tame iri waasleé/ ar adoodá' Gooi ngir kat,