HOSEA 5:7 - Biblía Axweesantá Hhohho' ar Mungú 2004

⁷ Inooín dír AAKOÓ MUNGUHE naa iia wasleesiyé', asma inooín na/aá taa laqwaál a kudá' tinda tsee/aá wa sláy. Slahhángw /awaák birna ti'iít inooín i hhaná'.

HOSEA 5:7 Iomraidhean Croise

WARA'AMI 144:11

Án ba/amisáng dír tsatoó xaraasle, tu/áng dabaá hoomadá' afer'ine lamemaá tlaaq, dír mukdá' lo'ór lama ga /aáy, ar dabér doó /iyáy ngiwa gáwtí tleemisiya'.

WARA'AMI 144:7

Taatahháng gáwtá wa ale, án ba/amisáng, án duuxáng baraá ma'aá yaariire, ba/amisáng dabaá hoomaaro.

ISAYA 1:14

Deelorhúng tidá' uren ar slahhángw /abén nee tidá' taa hara'ayini aníng aga aáhh, muruuwí a adór huwár iiloo' dir'eene, aníng alqitluuwo ugwa harslaaqaát.

ISAYA 48:8

Kuungá' kaangwí ugwa axasi'iiká, sleeme ugwa xui'iiká. Iimír iimu/uungo iaahúng i xaaxay'aaká, asma aníng a xuú' adór kuungá' tara naagisé' al/aymaaro, nee iimír xwaylarhunge tunduna báy, dee/anuuse.

ISAYA 59:13

AAKOÓ MUNGÚ, atén aga dee/aanutaán nee ugwa satlaankaán, Munguúrén eeharto ugwa mawaán. Gár ta axweemamisaan a baramaani nee aahhi. Baraá muneerene lameemo in aldakutaán nee in kaahaán.

YEREMIA 3:20

Ala daanduú tihe, kuungá' xoorór Israeli ana inkihhimu waslesé' dir'eene, adór harér inkihhimu wasl i tlehhaahhit dír hhawaatuuwose. Anuú AAKOÓ MUNGÚ tí ngina oó'

YEREMIA 5:11

Asma múk Israeli nee oo Yuda naa ló'wa inkihhimu wasleesiyé' dir'eene. Anuú AAKOÓ MUNGÚ tí ngina oó'.

ESEKIELI 12:28

Gawaá adoorihe, ki beer, Anuú Aakoó MUNGÚ a kah, Axweesante'eé' tí i tligaká ala iqo bó/ sleémeero deeloorír kilae. Anuú Aakoó MUNGÚ tí aga oó'.»

HOSEA 2:11

Slám qwal/amaayeerós sleémeero a hingeés. Nee deeloorós tidá' urene, nee deelór uren ar slahhaangw niwa ti'iít, nee deelór Sabaáto nee deeloodá' uren taa qaás.

HOSEA 2:4

Ga/aaweek, na/iiwós i baloó gurtlawaaká, asma a na/aá naa tsee/aá wa sleér.

HOSEA 6:7

Ala inooín alqado ngaa mayé', adoodá' naa tleehhiyé' amór yaamuudá' ta bay Adam wa alé, slám inooín naa iia wasleesiyé' dir'eene.

HOSEA 7:13

A tsaxwaaín! Asma naa aníng wa gowiyé', alók in hhaná'! Asma aníng iga si'iyé'. Aníng inooín in mak ba/amisár wa slaá', ala inooín aníng i lámtí tlaaqiyá'.

SEKARIA 11:8

Aníng de'eemuusér tám ana tsuú/ baraá slahhángw wákí ale, asma aga slaaqaát as inooín, nee inooín sleeme án iga aahhiyé'.