HOSEA 5:6 - Biblía Axweesantá Hhohho' ar Mungú 2004

⁶ Inooín ta tláy nee bee/aangw'ine nee hikwaaine as AAKOÓ MUNGÚ kuwa leelehhtuú ay, ala ngu ariiaaká. Asma inós taa paraátl dir'ine.

HOSEA 5:6 Iomraidhean Croise

TI'INAANGW 10:9

Mose guri mu/aywaáts, «Atén an tlawaán nee masoombarene, nee bariiseero, nee daaqayrene, nee dasuurene. Hikwa nee bee/ango in huwaán, as AAKOÓ MUNGÚ Munguúrén kuwa deelór úr i tleehhaan.»

AXWEESANOÓ SAGALOOA 1:28

baalaadae aníng in atetá', ala a ooimaaká. Iri leelehhitá' ar ilakaahara, ala i aanda'aaká.

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

AXWEESANOÓ SAGALOOA 21:27

Ilahhooár muruú ta tsu/i ar heé tlakusmo ka waak, Heé inslaway tlákw ilahhooarós kan ak slaiiká.

DAA'AANGW 5:6

Sla'aarusmooeé' nguri dó' i gweér, ala laatí sla'aarusmooeé' aa qaroó diya/aát. Muunaáeé' ina qwalaá/ qoomár iwa axweesi. Una leeleéhh ala ugwa slawiiká, una ateét ala aa ooinká.

ISAYA 66:3

Ala mukwí adór i slaiya' ngin tlehhiitiyá', dir'ine dimbé i káhh bar awu ngwa gaasiyé', laqaá hee, Bar deelmoó bee/i ngwaa ilahhooár wa haniisiyé' laqaá seeaay. Bar balaangw ngwa ilahhooár wa haniisiyé' laqaá tseerér baynamo. Bar ilahhooár inslaslaangw ar mooyángw koóm ngwaa haniisiyé' laqaá bar munguúduú murslaaqat ngwa sluufmiisiyé'. Mukwí lohduuín gina kilooín sláy, nee muner'ín ka sla'atamis nee muruuín kudá' ni waak.

YEREMIA 11:11

Gawaá adoorihe AAKOÓ MUNGÚ i kaahi, «Ga/aawaak, aníng i amotlakweérií huúw ar i baloó kwirhhitiiaaká, tam ni amor'eé' /aa/iia i baloó iiárií qaasaaká.

YEREMIA 11:14

Gawaá adoorihe, kuúng Yeremía, mukwí mu aleefiriirimaar, nee mi alee/aa/amimaar, mi aleefiriimaar, asma aníng i iiárií qaasaaká, tam i ateetia qoomár slahh'amuuine.»

YEREMIA 14:12

Tam ta gwaawin, firor'ín a baloó iiárií qaasaaká, tam barnaxés iga ilahhooár dá/tí haniisiyé', nee tam ilahhooár balaango, aníng ilahhooar'ín a ya/aamaaká. Inooín aqo in hhaamiís ar paánga nee giyeé nee pu/i.»

YEREMIA 7:4

Axweesanaywí oo al/ayma mu harahhifaara', tawa kata', ‹Do'owí oo AAKOÓ MUNGÚ, Doó AAKOÓ MUNGÚ, Doó AAKOÓ MUNGÚ.›

WA/AA/I 3:44

Tina kilók uuntsís ar huunkáy adór firoorén uwa i hardatká.

ESEKIELI 8:18

As daanduú muruuwihe aníng inooín in i xaraásl. Hee tumu wák i kotsoqotiiká, laqaá guruueé' i baloó tlayká. Tam i /a/aminá' ar afór ur, aníng i baloó axaasaaká.»

ESEKIELI 8:6

Mungú iri báy, «Heewí, xáy aga aándi muruú ta tlehhiiti. Múk Israeli muruú urén oo aníng i buhhtamís ngu diirí wa tlehhiitiyá' as aníng iwa gusisina' dír dooeé' wa aleeró. Tam adoorihe kuúng muruú slasla/arén oo hatlá' u male aán, kudá' taa tlehhiít oo aníng i buhhtamís ló'wa alé.»

HOSEA 8:13

Inooín ilahhooár muruú ta tsu/i hanmisuuwo ngi slaiyá', nee fu'unaydá' kiri /aay. Ala AAKOÓ MUNGÚ ku baloó sla'atimisiiká nee inooín. Aníng hamí tlakweemaaín kuká' in insláw ngiri muúx as tlakweemaaín kuká', ngiri ki/ís baraá lawaali'iimár yaamaá Misri.

AMOS 8:12

Muu iri toonganuus tlawtaqá wa tleemu ay taqá', tari /iikú wa tláy ay da/aáw, tari ti'ii'ín amorqá' nee taqae as axweesantá AAKOÓ MUNGÚ kawa leelehhiiti ala ngi slay'aaká.

MIKA 3:4

Ala qooma ni hardát ar geeraharuuseerí AAKOÓ MUNGÚ nguwa firirin, ala qoomaarihe inós gi iiárií qaasiiká. Inós gitsee/aawós gin luu/ asma har qoomoó tlehhemi'ii'ín kudá' tlakw naa tleehhiyé'.

MALAKI 1:10

AAKOÓ MUNGÚ Aleesleemusmo i kaahi, «Masók geeraawo heé wák dirhunge nin deeruut, oo afér Dooeé' ga tseék, as asla kawa tawó oohisa'aaká dír kitangwduú ilahhooar'eé' kay hanmaamisa'. Qwal/uueé' i kaahh dirhunge, tam ilahhooár dabaahúng án a ya/aamaaká.

Luka 5:16

Ala inós siiwarkaaro in tlaatláy amór muu iwa kahhi, as iwa firór ay.

Yohana 7:34

Aníng kuungá' i leelehhá', ala i sleera'aaká, slám aníng didaádá' ni dirii', kuungá' hardahamu u aleesleera'aaká.»