HOSEA 5:4 - Biblía Axweesantá Hhohho' ar Mungú 2004

⁴ Mukwí kwaa ilaá/ nee tlehhmi'ii'ín as kahhó' matawa kií/ amór Munguúín. Asma inslawoo fuqi aa haáts baraaine, tam AAKOÓ MUNGÚ ngu xuiaaká.

HOSEA 5:4 Iomraidhean Croise

WARA'AMI 78:8

Eeít, matawa adór baabi'ii'ín tleehhiít, qartá sagegawden nee ar aa dee/aanut, qartá baraá muner'ine Mungú gu gaárí xuaaká, ta inkihhimuú konká amór Munguhe.

WARA'AMI 9:10

Kudá' kuúng u xuá' u harahhifiyá', asma kuúng, AAKOÓ MUNGÚ, kudá' kuúng u leelehhiitá' iga meeriiká.

YEREMIA 24:7

Aníng in tsaahhárí haniís adór aníng tar AAKOÓ MUNGÚ. Inooín tari muk'eé', aníng tari Munguúín, asma inooín nin amor'eéní ki/iyá' ar muner'ín sleémeero.›

YEREMIA 50:38

Ma'ay'ín ni kahiye', as kahhó' niwa kahiya', asma Babuloni a yaamaá murslaaqatuú mungui. Muu a slarhhamumuút daanduú slaqsa'aá munguaá hatláe.

YEREMIA 9:24

Hee birti xirfayeemiis ti xirfayeesi as tí: Aníng iwa xui adór tar AAKOÓ MUNGÚ kudá' sla'aari warqawaaká, nee sakwasleemár ganaa' ga tlehhiít, nee hotaá gana'á' gi slaá' baraá yaamu. Asma muruuwí aníng i sla'atamis. Anuú AAKOÓ MUNGÚ tí ngina oó'.»

YEREMIA 9:6

AAKOÓ MUNGÚ Aleesleemusmo i kaahi, «Inooín /ayta ngin daanduú tiqií qaminá', nee al/ayma ngin daanduú tiqá' wa dogiitiyá'. Aníng iga si'iyé' xu'utiro. Anuú AAKOÓ MUNGÚ tí ngina oó'.»

HOSEA 13:13

Múk Israeli asltá /ameenír xwayla gu i hardát, ala inooín a adór na/oó daktani oo qoomár xwayla gaa ay, ala qoomár xwayla bira xeér, in sii' ti'inaango baraá guruú aayooro.

HOSEA 4:1

Kuungá' múk Israeli axweesantá AAKOÓ MUNGÚ iiárií qaasaak. Asma AAKOÓ MUNGÚ i múk yaamuuká' iigahhamiit, asma inkihhimu i kaahh nee hhooeemawo tam heé Munguú xuú' i kaahh baraá yaamuwo.

HOSEA 4:11

Sli'ima nee difaáír qaren, nee difaáír /aben sagalooár muu gan hingeemís.

HOSEA 4:12

Muk'eé' i gurbu'utá firiirín dír xa'ano. Inooín kin geeraharahaar nee iigu'utuú hhara, asma inslawoó fuqi inooín gaa qwaareés, Munguúín nguri mayé' nay fuqtá ayé'.

HOSEA 4:14

Dasuuhúng u slahh'eemisaaká as iwa fuquusi, tam /ameenár ta duxuút iwa tsee/aá wa hi'iimit. Asma hhawaateeín tana bihhií suruúk nee /ameenár fuquuse, ilahhooár muruú ta tsu/i ngin hanmiisiyá' baraá doó tsaatu'uumár wa ale dinkwa nee /ameenadár tsaatuuse. Mukwí tsaahhár koomaaká ku hhaamiis.

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

HOSEA 7:11

Múk Israeli a adór hhooki, ar daktani nee fuqurángw koomaaká. Motsuuwo tan múk Misrír firór aa'áy, ta beer iqo amór múk Ashurúr kakayá'.

HOSEA 8:11

Asma múk Israeli kiteeraá yaariir awa ilahhooa kawa hanmiisi kina tleéhh as tlakweema tlehhit. Tiri didaádá' i dogiitiyá' as tlakweema tlehhit.

Yohana 16:3

Adoorí kan tlehhiit asma Baabá kuwa xuiiká, nee aníng sleeme ti xuiiká.

Yohana 8:55

Kuungá' ugwa xui'iiká, ala aníng u xuú'. Barnaxes aga oó' u xuaaká, aníng a lamusmo tleehhiít adór kuungá' wa ale. Ala án u xuú', nee axweesantós aga óh.

1 SAMUELI 2:12

Daaqoó Eli a múk iia waslén, AAKOÓ MUNGÚ ngu gaárií xuiaaká,