HOSEA 5:15 - Biblía Axweesantá Hhohho' ar Mungú 2004

¹⁵ Aníng an kií/ dír kitangw'eé' tin paraátl dir'ine, ay dír tlakweemaaín ngay gwadidina' aníng iri leelehhtuú ayá', slahh'amu giri intsaahhatis aníng iri leelehhiyá' tawa kaahi.

HOSEA 5:15 Iomraidhean Croise

IIMU/UUNGW 42:21

Tari kilooín axweés ta kaahi, «A looeema atén hhiyaarén una sadakuusaán. Asma slahh'amaayér muunaáwós ana araán, qoomár tiwa firiirín, ala atén ugwa axaasaniiká. Ala hamí daxta slahh'amaayeerí atén taa sleér.»

2 QOM'I 7:14

barnaxes muk'eé' kwí birta tsatsaa'areés nee iri firiné', nee iri leeleehhiyé', nee tlehhmi'ii'ín kudá' tlakw ngiri mayé' tlehhtuuwo, aníng inooín i axaás gawaá doorí wa ale nee tlakweemaaín in gurtláw, nee diihhooa ngi slayá' baraá yaamuuine.

YOBU 33:27

Heewí iri dír geeraá múk wa daa', iri ooi, ‹Aníng tlakweema ina tleéhh gan'amu nguri sií'. Ala aníng tlehhmuuwihe taa doohhisiiká.

WARA'AMI 107:13

Baraá slahh'amuine AAKOÓ MUNGÚ kuri i /aá/, inós giri ba/amís baraá slahh'amuú wa ale.

WARA'AMI 107:19

Baraá slahh'amuine AAKOÓ MUNGÚ kuna i /aá/, inós giri ba/amís baraá slahh'amuine.

WARA'AMI 107:28

Baraá slahh'amuuine AAKOÓ MUNGÚ kuri i /aá/, inós giri ba/amís baraá slahh'amuuine.

WARA'AMI 107:6

Baraá slahh'amuine AAKOÓ MUNGÚ kuri i /aa/amín, inós giri ba/amís baraá slahh'amaayer'ine.

WARA'AMI 132:14

«Diirí an dir'eé' ar amohhoo' ar alhhe'eesoó koomaaká. Diirí an hoót asma aga waatlakweés.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 78:34

Bál bar baraakarka ngaa tsuú/, awa hatlá' nay hhu'uu'uná', Mungú nguri leelehhiitiyé' ar tsáp.

WARA'AMI 83:16

AAKOÓ MUNGÚ, kuúng mureekeeseek, as kuúng uwa leeleehhiya'.

AXWEESANOÓ SAGALOOA 8:17

Mukdá' sleémeero aníng i slaá', u slaá' sleeme, nee múk i leelehhiít ar ilakaahara i ariyá'.

ISAYA 18:4

Asma AAKOÓ MUNGÚ aníng ina báy, «Aníng an didár hotaaeé' xasliít, a xumiís, adór tsee/amángw aa xaslmiit qoomár siiree/iro, adór huunkoó tluúw qoomár siree/ír fiiqituwo.

ISAYA 26:16

Aá AAKOÓ MUNGÚ, qoomár niwa slahhahhaiya' nina amorógí /akumitiyé', qoomár kuúng kiwa slahh'eemís, kuúng uri firariné'.

ISAYA 26:21

Asma ga/aawaak, AAKOÓ MUNGÚ ni tláy dirós tidá' i dirii'i, as yaamuloouusér yaamuuká' ngiwa muxi as tlakweemaaín, tam tseerduudá' taa ku'umamiís hhape sleeme gi gu/uká, tam tu'uudá' sleeme hhape gi tuuntukká.

ISAYA 26:9

Baraá muunaáeene kuúng una islaasláw looa ngari fiíq, nee baraá qeerueene kuúng una tseewa leelehhtuú áw ar tsáp. Asma bál bar yaamu iga sakwasleemút, yaamuloouusér baraá yaamu hotaá ganaa'á' gi intsaatsáhh.

YEREMIA 2:27

Kuká' an kudá' xa'anoó babaawá', «Kuúng a baabuúeé',» nee tlaa/anoó, babawá', «Kuúng atén tina laqwál.» Ala inooín intlerhhuuín ngwa amor'eé' xu'usiyé' nee gitsee/er'ín nga amor'eé' xu'usi'iiká. Ala qoomár slahh'amaayeero i kaahiya', «Tlawáng ti /is.»

YEREMIA 3:13

Kuungá' tlakweésarhúng kilós na hhu'uu'umaak, tidá' anuú AAKOÓ MUNGÚ, Munguúhúng, iwa ahhé', nee munguaá hatlá' kiwa slaé' sluufmisuuwo dír umuúqo gamuú xa'anoó loo/o naa/e, nee afor'eé' kari iialooesi'iiká. Anuú AAKOÓ MUNGÚ tí ngina oó'.

YEREMIA 3:14

«Ki/aaré', kuungásingá' na/aá inkihhimu wasl, asma aníng an Aakoohúng. Aníng umuú heewo u leéhh dír umuú gixsaro, nee múk tsár baraá umuú tlahhaywo, ngiri huúw ay tloomár Siyoni. Anuú AAKOÓ MUNGÚ tí ngina oó'.

WA/AA/I 3:40

Luhduurén ki alqaytaán nee ki aldakwaán, nee ta ki/aán amór AAKOÓ Munguúrén.

ESEKIELI 10:4

Xirfuú AAKOÓ MUNGÚ iri tláy dír keruúbír wa ale, iri hardáh ay gawaá maandár do'odá', nee afeeni iri háts gwa/aatemaá xirfuú AAKOÓ MUNGUHE.

ESEKIELI 11:23

Naagáy xirfuú AAKOÓ MUNGÚ iri tsa/án gáwtí alé amór tla/ángw gixsár wa alé, iri sihhiít gawaá tlooma, bihhaá da/aáw awa gixsa.

ESEKIELI 20:43

Didaádá' an dír tlakweemahúng nee tlehhmi'iihúng kudá' tlakw kiwa insleera', adór kuungá' nura slasla/areesiyé'. Kuungá' mune nuri fák as tlakweemahúng kudá' taa tlehhé'.

ESEKIELI 36:31

Naagáy kuungá' hotaarirhúng tidá' tlakw kari insleerá', nee tlehhmi'iihúng kudá' tlakwe, kuungá' tari kiloohúng ahhitá' asma tlakweemahúng nee muruudá' aníng ni waak taa tlehhé'.

ESEKIELI 6:9

Amoodaádae aníng in inslayá' baraá tla/ángw xoorduudá' nay diya/ati'i. Ngiri inslayá' adoodá' ngira slaáhh, asma inooín nina inkihhimu wasleesiyé', niri warqayé', aníng harahhifooro iri mayé', niri warqayé' amór slaqasi'iidá munguaá hatlá', ngiri harahhifiyé'. Gawaá adoorihe inooín tari kilooín aahhiyá' asma tlakweemaín kudá' sleémeero naa tleehhiyé'.

ESEKIELI 8:6

Mungú iri báy, «Heewí, xáy aga aándi muruú ta tlehhiiti. Múk Israeli muruú urén oo aníng i buhhtamís ngu diirí wa tlehhiitiyá' as aníng iwa gusisina' dír dooeé' wa aleeró. Tam adoorihe kuúng muruú slasla/arén oo hatlá' u male aán, kudá' taa tlehhiít oo aníng i buhhtamís ló'wa alé.»

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

HOSEA 5:6

Inooín ta tláy nee bee/aangw'ine nee hikwaaine as AAKOÓ MUNGÚ kuwa leelehhtuú ay, ala ngu ariiaaká. Asma inós taa paraátl dir'ine.

MIKA 1:3

Ga/aawaak, AAKOÓ MUNGÚ ni hardah amór hotaangós ngin wa tláy. Inós ni aweer nee gongoama' giri adarah.

FAARO 21:7

Naagáy, muu iri tláy amór Mose, nguri bayé', «Tlakweema iga tleehhaán qoomár AAKOÓ MUNGÚ nee kuunge nuwa i qununu/aán. AAKOÓ MUNGÚ firiimang daysheerí ngi hingeesi.» Gawaá adoorihe Mose muu guri aleefirín.

Luka 13:25

Qoomár heé do' loó' bira tláy, afkú do' burngwa tseék, kuungá' tari sihhitá' tsee/aá wa ale tawa ateetiinda' tawa kata', ‹Aáko, do' gweereek.› Nee kuungá' nuri bay, ‹Amór ta dahha' aníng a xuaaká.›

HAR'OHUUSE 4:3

Yabini gaardaá muqsla ngi kon a tsiire gwaleél. Inós xoorór Israeli gana baramaanuús ar /uuru kureeri mibeeri tsár, xoorór Israeli AAKOÓ MUNGÚ guri i /á/.