HOSEA 5:13 - Biblía Axweesantá Hhohho' ar Mungú 2004

¹³ Qoomár múk Israeli tiqtir'ín ngiwa tsaáhh, nee múk Yuda inkahhi'ii'ín ngiwa tsaáhh, Múk Israeli iri tláy amór Ashuru, muu guri ya/aáw amór waawutmoó úr, ala inós kuungá' hungu/uusaro nu aleeslayká, tam inkahhi'iihúng gi hungu/uusiiká.

HOSEA 5:13 Iomraidhean Croise

2 WAAWITÁ 15:19

Naagáy Pulu waawutmoó Ashuru yaamaá Israeli giri i haraatláy. Nee Menahemu kilór mibeera tám nee tsiyáhh ar peésa gari haniís dír waawutmoó Ashuru nguwa alee/iisi waawuti'iimarós ngiwa gawdeesi baraá yaamaá Israeliro.

2 WAAWITÁ 15:29

Qoomár waawuti'iimár Peka oo Israeliro, waawutmo Tiglat-pileseri oo Ashuru gixsadaá Iyoni, nee Abel-bet-ma'aka, nee Yanoa, nee Kadeshi nee Hasori dinkwa nee yaamaá Gileadiro, nee Galilayaro nee yaamu sleémeero awa Naftaliwo gina hayóh. Múk yaamuudá' guna haasaáng wá ar tláy ay Ashuru.

2 WAAWITÁ 16:7

Ahasi muu guri ya/aáw amór waawutmo Tiglat-pileseri oo Ashuru iwa kaahi, «Aníng a sagadiyusmoowók oo inkihhimuú koóm, qwaláng tu/áng baraá dabaá waawutmoó Aramuwo nee oo Israeliwo kudá' aníng iga i haraatlaye'.»

ISAYA 3:7

Baalaadae inós afo ga gáwtí tlees iri ooi, «Aníng a heé múk hungu/umisaaká, asma baraá dooeene muruú /ayma i kaahh tam tlaba', sleeme mi geeraharusmoó múk wa qaasara'.»

YEREMIA 30:12

Anuú AAKOÓ MUNGÚ a kah, «Inkaahhi'iihúng ki baloó huungu/usiiká, gweehhinghúng i baloó huungu/iiká.

ESEKIELI 23:5

Ala tam Oholiba a harer'eene, inós ina kumít fuqto, nee sla'aaruuseerós tidár yaamá Ashuru gana ilatleerús.

HOSEA 10:6

Slaqsayduú dama kuri huuw Ashuru. Kuri koódír wa haniis dír waawutmoó úr, múk Efraimu kuri mureekees, nee múk Israeli iri muruut as slaqsayduú mungú.

HOSEA 12:1

Umuú gaaro ar múk Efraimu i tlehhiiti a tawo. Lameemo nee muruú tlakwe ngin alkoná' tlehhtuuwo. Inooín alqado ngin tlehhiitiyá' nee múk Ashuru, nee di/i kan huwahuuw ay Misri.

HOSEA 14:3

Múk Ashuru atén ti ba/amisiiká. Atén sleeme farsuú slaqwara u malé harahhifanaaká, nee gadiyér dabaarén a male bawanaaká, ‹Kuungá' a munguúrén.› Asma diroge panaay gurtleemu gu sláy.»

HOSEA 2:7

Inós mulqeerós gay eeharahaduú eér, ala gi sleeraaká, gi leelehhít ala gi aandaaká, iri o', «Aníng a kií/ amór hhawaatuueé' kuduú bi/i, asma adoodá' dír hhawaatueene nira hoót a tsiní ta adoorí hám ni diriia.»

HOSEA 7:11

Múk Israeli a adór hhooki, ar daktani nee fuqurángw koomaaká. Motsuuwo tan múk Misrír firór aa'áy, ta beer iqo amór múk Ashurúr kakayá'.

HOSEA 8:9

Inooín nina tlayé' ay Ashuru a slaqás nee daqoó kopoormo oo baraá darmuú wa kilós hi'iimiít. Múk Israeli mulqer'ín ar /ameena ngaa tlaxwiyé'.

MIKA 1:9

Inkahha'aá Samaria i baloó hungu/iaaká, múk Yuda sleeme inkahhi'iidá' gaa sláy, naa hardihiyé' ay afér maraá Yerusalemu, didár muk'eé' i dirii'i.