HOSEA 5:1 - Biblía Axweesantá Hhohho' ar Mungú 2004

¹ Tí iiárií qaasaak, kuungá' kaahamuusér Mungú! Iia qaasaak, kuungá' múk Israeli! Iia qaasaak, múk doó waawutmo, asma kwasleemarí i kuungá' wa hariín. Asma kuungá' aga tsaaxweeli tleehhité' baraá Misparo, nee xotloompír taa qaás daanduú tloomár Tabori.

HOSEA 5:1 Iomraidhean Croise

YEREMIA 11:7

Asma baabi'iihúng ina ló'wa gurbuú' qoomár ngiwa duúx baraá yaamaá Misrír wa aleeró, nee ana kumamiít nanaqaango ay laarí niwa kah, ‹Afór'eé' iialooeesaak.›

YEREMIA 13:18

Waawutmo nee aayoorós bawaak, «Aweeraré' gawaá kiteerihúng awa waawuti'iimaro, asma slam'iihúng kudá' hhohho' naa huuhu'uné' gawaá sagerhunge.

YEREMIA 46:18

Anuú waawutmo kudá' ta bay AAKOÓ MUNGÚ Aleesleemusmo, aníng lo'o aga /aáy ar umuueé', gídaabá oo wák ni hardah. Inós a adór tloomár Tabori baraá tla/ángw tlom'iiwo, nee a adór tloomár Karmeli bihhaá tlawto.

HOSEA 10:15

Aá múk Beteli, adoorí an adór tindi kuungá' i tleehhi, as tlakweemaahúng kudá' yaariir. Qoomár looa birni tlatleér waawutmoó Israeli ku suqtis.

HOSEA 13:8

Aníng nun hara/akumiít adór dúbuú taa na/ii hayóh, nuri da/eewe karslamiís, nuri /aáy adór diraangw, nuri tlaqaqaát adór makiito'ór sla/a.

HOSEA 4:1

Kuungá' múk Israeli axweesantá AAKOÓ MUNGÚ iiárií qaasaak. Asma AAKOÓ MUNGÚ i múk yaamuuká' iigahhamiit, asma inkihhimu i kaahh nee hhooeemawo tam heé Munguú xuú' i kaahh baraá yaamuwo.

HOSEA 6:9

Adoodá' fisuuse muu ngur gigdaadiin, an adoodá' daqtá kaahamuuse muu ngur gigdaadiin baraá loohír Shekemuro. Ar ló' tlakweemaá ur ngaa tleehhiyé'.

HOSEA 9:8

Anuú aarusmo a xuumusmoó múk Israeli, múk Munguúeé', ala umuúqo amór i kay'a kaa tsaaxweelírí qaás, tam baraá doó Munguine inooín ki slaiiká.

Yoeli 1:2

Iia qaasaak, kuungaá bariíse, iia qaasaak, kuungá' sleémeero awa yaamuloouusér Yuda! Xáy, kaangwí aqo deeruúti qoomarhunge, laqaá deeloodár baabi'iihunge?

AMOS 3:1

Gimsé' daxta, /aymi'iiká' AAKOÓ MUNGÚ aa axweés daanduuhunge iiárií qaasaak kuungaásingaá múk Israeli, xooroorí sleémeero inós naa duúx baraá yaamaá Misrír wa alé,

AMOS 7:9

Kiteeridaá saaliingw gawaá tlom'i awa doó Isaka ki fee/, nee wa/angwdá' hhohhó' oo múk Israeli ku taangu tleehh. Aníng tlahhoó waawutmo Yeroboamu un hhaamiís ar paánga.»

MIKA 3:1

Nari oó', «Na'asé', iia qaasaak, kuungá' geeraharuusér doó Yakobo, kuungaásingá' awa doó Israeli ngu sawaawuti'iimá'! Xáy, i hariindaakáhe kuungá' muruú ganaá' kuwa xua'?

MIKA 3:9

Na'asé' kaangwí iiárií qaasaak, kuungaásingá' geeraharuusér múk Yakobo, kuungaásíngá' baaluusér doó Israeli ngu sawaawuti'ii'imá', kuungaásingá' sakwasleemár ganaa' ngi ahhiitá', nee hhooeema kiri paslisé'.

MIKA 7:2

Heé inkihhím i kaahh baraá ayaawihe, Heé gan'amuú tlehhiít i kaahh. Umuúqo heewo gár i leelehhiiti a hee nguwa gaasi. Umuúqo heewo hhiyaawós gun tsaaxweelír i qamín.

MALAKI 1:6

AAKOÓ MUNGÚ Aleesleemusmo kuungá' nun yaahamiis, «Na/aay baabuúwós gun ilaiwawaa/, nee sagadiyusmo aakoowós gun ilaiwawaa/, ala aníng bar baabuúhúng, ilaiwa/amer'eé' i amá? Nee aníng bar aakoohúng, ilaiwa/amer'eé' i amá? Kuungaá kaahamuusér Mungú, awa umuueé' ngu waaqaqa'á', kuungá' a kata', ‹Umuuwók adór ngura waaqaqa'aán a adoomá?›

MALAKI 2:1

«Ala daxta, kuungá' kaahamuusér Mungú, hara'ayaarí i kuungá' wa hariín.

HAR'OHUUSE 4:12

Sisera ngiwa axaás adór Baraka garmoó Abinoamu ira tsa/án gawaá tloomár Tabori,

HAR'OHUUSE 4:6

Inós iri ya/abiín amór Baraka, garmoó Abinoamu, yaamuloousmoó Kedeshi, baraá yaamaá Naftali, guri beér, «AAKOÓ MUNGÚ, Munguú xoorór Israeli, kuúng un babay, ‹Tláw, mukók sleémeero burumbureek gawaá tloomár Tabori, múk kume mibaangw oo xoorór Naftali nee oo xoorór Sebuluni.

1 SAMUELI 7:16

Inós umuúqo kurko gixsadaá Beteli, nee Gilgali, nee Misparo gin alhi'iimaamiit, qaa/oó múk Israeli gun tlaqaqaat baraá yaamuuká' sleémeero.

1 SAMUELI 7:5

Samueli iri oó', «Múk Israeli sleémeero burumburaak Mispa, daqaní aníng nu alefiriím dír AAKOÓ MUNGÚ.»

1 SAMUELI 7:6

Xoorór Israeli iri burumburít baraá Mispa, ma'aay kiri hheék, kiri ku'umiís dír geeraá AAKOÓ MUNGÚ. Baalaadae tari gwaawín, nina ooiyé', «Tlakweema iga tleehhaán dír AAKOÓ MUNGUHE.» Samueli qaa/oó múk Israeli guri baraadaá Mispár wa tlaáq.