HOSEA 4:8 - Biblía Axweesantá Hhohho' ar Mungú 2004

⁸ Tin /aymisiyá' ar tlakweemá muk'eé'. Tin mune qwal/amisiyá' ar tlakweemaaín.

HOSEA 4:8 Iomraidhean Croise

2 WAAWITÁ 12:16

Peésaadá' taa burumbuúr as ilahhooár dakuús nee tidár tlakweema hingeesa kaa huwiiká baraá doó AAKOÓ MUNGÚ, tidá' kana máy dír kaahamuusér Mungú as tawa tooín.

WARA'AMI 24:4

«A heé daba' hhohhó' nee oo muunaáwós /awaák. Inós munguaá hatlá' gi slaiiká sluufmisuuwo, inós lo'o ga /ayiiká as al/ayma.

WARA'AMI 25:1

AAKOÓ MUNGÚ, aníng kuúng u fiririím.

ISAYA 56:11

Inooín an adór seeaawér hheehhuuse ar baloó axaaká. De'eemuuser'ín sleeme i tsaahhár koondaaká. Umuú heewo aa qaroó parangaá/ amoorós ar i slai, umuú heewo i slaasláwaarós leelehhiit, nee inooín sleémeero a gár wák.

ESEKIELI 14:3

«Heewí, mukwí muner'ín kaa óh nee slaqsa'aá munguaá hatlá', munguiiká' muu ngun gan'amisiyá' baraá tlakweema. Xáy, iqo hariínda tiwa hara'ayárí leehhi nee mukwí?

ESEKIELI 14:7

«Umuú qoomaaro, hee tam gaalá dír múk Israeliwo, laqaá dahaaymo oo yaamaá Israelír wa hoót, birta paraátl dir'eene, nee barnaxes slaqsa'aá munguaá hatlá' giri haratlintií' ar ilakaahara, nee tlakweemaaká' tari dukuutsmo dír án nee inose, aluuwo iri daqáy dír aarusmo as ngiwa xu'utír wa slai gár aníng ni kah, naagáy aníng AAKOÓ MUNGÚ, inós un mu/aywaáts.

HOSEA 10:13

Ala kuungá' tlakweema in ar hotatiindá', sakwasleemár ganaa' kari qwaaresé', lameemoohúng nuri saki/iyé', asma /uureemoohúng ina harahhifé' nee miguuserhúng tidá' yaariire.

HOSEA 12:8

Múk Israeli ta kaahi, «Ar ló' aga tsuwa ló'wa daqaari'iitaán, muruú yaariír ugwa slawaán, baraá gadiyeérén sleémeero, tlakweemaarén ki ariiká.»

HOSEA 14:1

Aá kuungaá múk Israeli, amór AAKOÓ MUNGÚ, Munguúhúng, nay ki/aak, asma aga dukutsé' as tlakweemaahúng.

TLAHHOÓ LAÁWI 6:22

Kaahamusmoó Mungú kudá' taa iimbalaáx ar di/i baraá tla/ángw xwaylár Aroniwo, as gadiyér ilahhooa hanmis ngiwa oohi, AAKOÓ MUNGÚ gun ilahhooarí haniis, ilahhooarí sleémeero kan daa/. Ilahhooarír da/a/aangw a hara'ayár kureerisleém.

TLAHHOÓ LAÁWI 6:26

Kaahamusmoó Mungú kudá' ilahhooarí gaa haniis an kudá' ga /aáy, gan /aay didá' hhoohhoó' wa ale baraá afeenír heémár Mungú.

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

MALAKI 1:10

AAKOÓ MUNGÚ Aleesleemusmo i kaahi, «Masók geeraawo heé wák dirhunge nin deeruut, oo afér Dooeé' ga tseék, as asla kawa tawó oohisa'aaká dír kitangwduú ilahhooar'eé' kay hanmaamisa'. Qwal/uueé' i kaahh dirhunge, tam ilahhooár dabaahúng án a ya/aamaaká.

Rumi 16:18

Asma múk adór kwí Aakoorén Yesu Kristo gu sagadiyuusiiká, ala a gur'er'ín kilós kan sagadiyuus. Inooín múk hhaawuuse ngun al/aginá' ar axweesanay'ín oo tsatsaa'arén nee oo sla'atimís.

Tito 1:11

Mukwí masók ku afe tseek. Asma inooín múk maraá muu ngun sageeqwaareemisiyá' as intsaahhasár lama ngiwa intsaahhatimisiya' ar mure wasl, as inooín slaasláw kawa slay.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.

1 SAMUELI 2:29

Ahaá waáy gur'e munda har ohiín as ilahhooar'eé' ar muruú ta tsu/i, nee ilahhooadá' án naa hara'ayiím, kuúng na/iiwók kiri ilaiwá/ ta aninge, slaqoohúng kiri tlehhé' ar wa/aameedá' hho' ar ilahhooar'eé' sleémeero tidá' tinda huúw nee muk'eé' oo Israeli.›