HOSEA 4:6 - Biblía Axweesantá Hhohho' ar Mungú 2004

⁶ Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

HOSEA 4:6 Iomraidhean Croise

2 QOM'I 15:3

Asma har afiqoomár yaariire múk Israeli tana hoót Munguú ló' dir'ine i kaahh, nee kaahamusmoó gaa intsaahhatimis i kaahh, nee dabe i káhh sleeme.

YOBU 36:12

Ala bar naa iia' wasleesiyé' nin qwaariyá' ar tsu/utár paánga, nari qatliyá' as xu'uti wasle.

WARA'AMI 119:139

Sla'aarír axweesantók án i tliw/iín nee an qa/imiít, asma wakuuser'eé' axweesantók ga gaárí xu'uká.

WARA'AMI 119:153

Baraá slahh'amaayer'eene i qaytsitáng, tu/áng asma dabeerók aga gunqareesiiká.

WARA'AMI 119:61

Handá' tsaaxweluú múk tlákw iga harweér, ala tam adoorihe dabeerók a mawaaká.

WARA'AMI 18:27

Asma kuúng i ba/amís kudá' tsaen, ala kudá' daara/aamá' in dáhh.

AXWEESANOÓ SAGALOOA 10:21

Axweesanoó heé ganaa' múk yaariír gu /iis, ala daktana in qátl as tsaahha wasle.

AXWEESANOÓ SAGALOOA 19:2

A mak gár qoomaaká hee iwa xu'utír konká nee heé gaansliím baraá gaaro tlakweema gi tleehh.

ISAYA 1:3

Awu aakoowós gu xuu', nee daqwaay islángw aakoó dooín gu xuu'. Ala múk Israeli gu xuiiká, muk'eé' gár i tsatsahhan i káhh.»

ISAYA 17:10

Asma kuungá' Israeli, Munguúduú ba/amarhúng ugwa gunqaaresé', tam tlaa/adár guwayhúng aga insleeri'iiká. Gawaá adoorihe, tam dahaasíngw sla'atimís u dahaasinda'a, kuri hanisá' dír munguúdá' ta bay Ba'ali.

ISAYA 27:11

Haleemaá xaai nina kahiyé' niri qeqtiné', /ameena nin hardát giri sleemís giri ásltár oohamís. Asma mukwí gár aa tsaáhh i káhh, gawaá adoorihe, tleehharusmooín gi sangw gurtlayká, kudá' inooín gaa tleehh gi sangw i gurtlayká.

ISAYA 28:7

Múk hatlá' i deer oo aa oonimiit difaáiro, múk ta/amiít as buurár aa hamat, kaahamuusér Mungú nee aaruuseero taa oonimiít as buurár aa hamat, niri leexuutiyé' as difaái, inooín i ta/amiitiyá' as buurár aa hamat, baraá iigu'utuwo muruú aa qwaar ngun kaahiyá', nee baraá sakwasleemaro in dakumiisiyá'.

ISAYA 29:12

Nee kitaábuudá' burka huúw dír heé soomár xuaaká kuri bay, «Gím kitaábuuwí soomuusang.» Inós in ooi, «Aníng soóma a xuaaká.»

ISAYA 3:12

Baraá kángw muk'eene, inooín kin baramaanuus nee na/ii, nee /ameena gin sawaawuti'iín. Aá muk'eé', kuungá' tunduu qwaareemiis geeraharuuserhúng, nee loohír kuungae hariim eeharto ngin hhitiitiná'.

ISAYA 45:20

Kuungaásingá' xoorór aa met, dinkwaárií burumburiité', hardahaaré' daqaní ni tseewurá'. Mukdaáduú murslaaqatuú gufteeraá loohiís i xu'utír konká, nee tan munguú hatlá' firiirín kudá' ba/amisaro gi aleeslawaaká.

ISAYA 5:13

Gawaá adoorihe, muk'eé' ku loohatis asma sagawasler'ín. Mukhúng kudá' ta ilaiwawa/i qwari gu tsuu/, múk yaariír waxe gu tsú/.

YEREMIA 2:8

Kaahamuusér Mungú i katká, ‹AAKOÓ MUNGÚ i amoomá?› Kudá' dabér xuá' aníng i xuiiaaká, geeraharuuse aníng iga áhh, aaruuse i aaririín ar umuú Ba'ali, nee munguaá hatlá' ngiwa haratlintaati'iya' awa gaa wasl.»

YEREMIA 4:22

AAKOÓ MUNGÚ i kaahi, «Muk'eé' a daktana, aníng i xuiaaká. Inooín a na/aá iimibo/ gár i tsatshhana' i káhh. Inooín lohdaá tlakweema tlehhit ngi xuiyá', ala kángw hhó' tleehhtuuwo ngu xuiaaká.»

YEREMIA 5:21

«Iia qaasaak, kuungaáká' iimibo/ nee múk daktana, múk ilaá koóm ala i xumiisiiká, múk iaá koóm ala i axamiisiiaaká.»

ESEKIELI 44:23

«Kaahamuuse xooror'eé' gan intsaahhatís as gár hhoo' nee ar tlaakwe ngiwa tsaahhiya', nee muu kuwa xu'utisi gadaádá' gi meetagaamiis nee tidá' gi meetagamisaakahe.

HOSEA 13:6

Ala qoomár inooín gur'er'ín ngiwa dala/ané', niri taqana/utiyé', aníng iri gunqareesiyé'.

HOSEA 2:13

Aníng a muúx as deeloodá' ur ar munguaá ta bay Ba'ali i aaeer, nee ilahhooadár mooyángw koom deeloodae i da/a/ángw aaeer dír munguiidá'. Tina parootumaamís ar peéterós nee ar muruudá' tlaxo gawdén, iri tleér amór mulqeerós, aníng iri gunqaarés. Anuú AAKOÓ MUNGÚ tí ngina oó'.

HOSEA 4:1

Kuungá' múk Israeli axweesantá AAKOÓ MUNGÚ iiárií qaasaak. Asma AAKOÓ MUNGÚ i múk yaamuuká' iigahhamiit, asma inkihhimu i kaahh nee hhooeemawo tam heé Munguú xuú' i kaahh baraá yaamuwo.

HOSEA 4:12

Muk'eé' i gurbu'utá firiirín dír xa'ano. Inooín kin geeraharahaar nee iigu'utuú hhara, asma inslawoó fuqi inooín gaa qwaareés, Munguúín nguri mayé' nay fuqtá ayé'.

HOSEA 4:14

Dasuuhúng u slahh'eemisaaká as iwa fuquusi, tam /ameenár ta duxuút iwa tsee/aá wa hi'iimit. Asma hhawaateeín tana bihhií suruúk nee /ameenár fuquuse, ilahhooár muruú ta tsu/i ngin hanmiisiyá' baraá doó tsaatu'uumár wa ale dinkwa nee /ameenadár tsaatuuse. Mukwí tsaahhár koomaaká ku hhaamiis.

HOSEA 5:4

Mukwí kwaa ilaá/ nee tlehhmi'ii'ín as kahhó' matawa kií/ amór Munguúín. Asma inslawoo fuqi aa haáts baraaine, tam AAKOÓ MUNGÚ ngu xuiaaká.

HOSEA 6:6

Aníng ilahhooár muruú ta tsu/i a sla'aaká, ala gár ni slaa' a sla'aarír warqawaaká, aníng ilahhooár da/a/aangw a sla'aaká, ala a Mungú kuwa xui.

HOSEA 7:11

Múk Israeli a adór hhooki, ar daktani nee fuqurángw koomaaká. Motsuuwo tan múk Misrír firór aa'áy, ta beer iqo amór múk Ashurúr kakayá'.

HOSEA 7:9

Dahaaye gwaa /uuru fák, ala inós gár i xui i káhh. Sagós al/awtani gwaa gás, ala inós gár i xui i káhh.

HOSEA 8:1

Tarumbeéta ufahhaak! Asma wakusmo i adór gwareesír wá haraatláy amór doó AAKOÓ MUNGÚ, asma alqador'eé' ngaa mayé' nee hara'ayar'eé' ngaa aahhiyé'.

HOSEA 8:12

Aníng tam hara'ayár kumér mibaangw a amor'ín i gooima, ala inooín kan harafaar adór gár xuaawasl.

HOSEA 8:14

Asma múk Israeli tleehharusmooín kwaa gunqareés. Inooín maraá waawutmo kiri tleéhh. Nee múk Yuda gixsadaá yaariir awa koo/i gawden ngiri tleehhiyé', ala aníng asla an kwaáhh baraá gixsaduuwós. Asltí ko/uuwós kudá' gawden giri tukuúr.

HOSEA 9:17

Munguúeé' gin amór saáw i kwaahh, asma ngwa mayé' iiárií qaasaro. Inooín tay múk tawó tambeeruús baraá xoorduú wa alé.

Matayo 1:6

Yese ina laqwaál waawutmo Daudi. Daudi ina laqwaál Solomon, nee aayírós a harér Uria.

Matayo 15:14

Mawaagáy. Muksíng a taampu awa tampaá hatlá' geeraharahará'. Taampa bar taampár hatlá' ngi geeraharahát, tsaraawo ta al /e/etín baraá bohoongw.»

Matayo 15:8

‹Mukwí aníng in ilaiwawaa/ ar afér tawo, ala muner'ín ka sawen dir'eene.

1 SAMUELI 2:12

Daaqoó Eli a múk iia waslén, AAKOÓ MUNGÚ ngu gaárií xuiaaká,