HOSEA 4:16 - Biblía Axweesantá Hhohho' ar Mungú 2004

¹⁶ Asma múk Israeli aa sagagawdúy, adór tsa/atmoó gwaréhh. Hám daxta AAKOÓ MUNGÚ de'eengo gi aleesláya adór deeloó bee/ángw baraá hindawtá ur?

HOSEA 4:16 Iomraidhean Croise

WARA'AMI 78:8

Eeít, matawa adór baabi'ii'ín tleehhiít, qartá sagegawden nee ar aa dee/aanut, qartá baraá muner'ine Mungú gu gaárí xuaaká, ta inkihhimuú konká amór Munguhe.

ISAYA 22:18

uri kwaahh adór iimpiirmó wa alé dír tsetse/ami, kuúng tari gwá' bihhaá gaarduuwók kudaá slaqwara tar daara/aan. Kuúng doó aakoowók kuri mureekés.

ISAYA 30:23

Mungú tluwaay nguri haniis oo kuungá' tar dahasiinda', balaangw kuri sleerá' oo tindi hamareesi nee yaamu, balángw yaariír nee oo bu'uút. Baalaadae hikwaahúng sleeme qawór yaariir ngi slayá'.

ISAYA 5:17

Deeloó bee/aangw nee oo aara nee tse/eeto, qawo ngin slayá' dír taangwaá gixsar'ín wa alé, kwaáo an dír qawtantaín.

YEREMIA 14:7

Muk'eé' iga i /aá/ tawa kaahi, «Tam tlakweemaarén i lamaabu'uná' daandeemorene, AAKOÓ MUNGÚ atén kuúng ti alee/is as kuúng kilók, dee/aanurén ku úr, atén kuúng ugwa tlakweemáy tleehhaán.

YEREMIA 3:11

AAKOÓ MUNGÚ aníng iri báy, «Múk Israeli kudá' aa dee/anuut, a tsiní ta múk Yuda kuduú lamuuseero.

YEREMIA 3:6

Qoomár waawuti'iimár waawutmo Yosia AAKOÓ MUNGÚ aníng ina báy, «Xáy aga aándi adoodá' múk Israeli kudá' inkihhimu wásl aa tleéhh? Ina geexayé' niri tsa/ané' gawaá umuúqo ságw tloomaro nee umuúqo dír gamuú xa'anoó loo/o naa/e as tsaatu'uuma ngiwa tleehhiya'.

YEREMIA 3:8

Múk Yuda fuqtá múk Israeli kudá' inkihhimu wásl gana ga/aa/áy, inooínaadá' aníng naa sií'. Ala hhaeekaá lamuuse awa Yuda naa da'ayuti'iiká, nina tlayé' niri fuqtá ayé'.

YEREMIA 31:18

Aníng aga axaás múk Israeli i wa/aa/uus, tawa kaahi, ‹Atén tina múx adór awér aa intsaahhaandiiká dooslaro, ala kuúng tiri intsaahhatís as uwa ilaiwa/aan. Atén ti ki/is, atén aga ya/aamaán ki/imaá amooroge, asma kuúng an AAKOÓ MUNGÚ, Munguúrén.

YEREMIA 5:6

Gawaá adoorihe dirángw baraá sla/atá daáhh gin uhín, taweeramoó baraá xaanxoó daáhh gin hhaamiis, du'uma i baraá gixsaduuín wa gigidín. Umuúqo heé tsee/áy ti'iita kun karslamiis. Asma tlakweemaaín naa ló'wa tlahhiyé', nee inooín Mungú siasiuuwo naa ak harwaarahhiyé'.

YEREMIA 7:24

Ala inooín aníng iga ilaiwa/i'iiká laqaá axweesante'eé' nga iiárií qaasi'iiká. Inooín nina hootiyé' ar adoodá' sager'ine i slaiya', nee muner'ín tidá' gawden ngina eehariyé', inooín nina alií ki/iyé' kitángw tawa geerií kumiiti hhooeema tlehhtuwo.

YEREMIA 8:5

Ahaá ala waáy, mukwí loohír ganaa' maska sií', niri ak kumiitiyé' baraá qwanay'ín. Inooín niri ak naagisiyé' munguaá lama eeharahaduuwo, niri si'iyé' ki/imaá amor'eene.

HOSEA 10:11

Múk Israeli a adór awuú taa intsaahhatisa hhe'eés oo balaangw kal/aango gu slaá'. Ala hám aníng istós tidá' hhoohhoo' an taaqwantí tseék. Múk Yuda i doosl ar kurmo, múk Yakobo kurmoó kakaani gun uuruux.

HOSEA 11:6

Gixsaduín ki qwaarees ar slaqwara, nee afér maray'ín kari giqáy ar paangadu, inooín kiri hhaamiis, baraá guruú koo/ir'ín tidá' gawit.

HOSEA 11:7

Muk'eé' aa maariít iga si'iyé', handá' ki ateetín tawa ki/i amór Kuduú Gawa, tam heé wák i kaahh oo inós gu xirfayeemiís.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

SEKARIA 7:11

«Ala inooín axaasaro nina si'iyé', iri alaá xu'usiyé', iaaín ngiri tuuntukiyé' as mindiwa gaa axaasiyé'.

1 SAMUELI 15:11

«Aga gwadidiím, asma Saulo nguwa waawutmoó wa qaás, asma inós aníng iga máy eeharto nee hara'ayar'eé' gaa boo/eesiiká.» Samueli iri buúhh, iri /aa/aá áy dír AAKOÓ MUNGÚ xweera sleémeero.