HOSEA 4:15 - Biblía Axweesantá Hhohho' ar Mungú 2004

¹⁵ Tam kuungaá Israeli a fuquuseero, ala múk Yuda tlakweema mingiwa tleéhh. Kuungá' ma tlawaara' ay Gilgali, tam ma tsa/amaara' ay Bet-afeni, sleeme umuú Aako mu lo'órár huwahuwaara' tawa kata', «Ar adoodá' AAKOÓ MUNGÚ ir hotaatin.»

HOSEA 4:15 Iomraidhean Croise

2 QOM'I 17:4

Ala inós Munguú baabuúwós guna leeleéhh, dabér Mungú gana ilaiwawaá/. Inós adór waawituú hatlá' oo Israeli gaa eehariiká.

2 QOM'I 21:11

Dinkwa nee tihe inós wa/angwduú gawaá gongoama' kudá' munguaá hatlá' kiwa sluufmiisi guna tleéhh gawaá tlom'aá Yuda, múk Yerusalemu guri inkihhimu wasleerár áy, nee múk Yuda guri qwaareés.

ISAYA 48:1

Iia qaasaak doó Yakobo, kudá' taa umuú Israelí tsaát, kuduú xwaylár Yuda. Kuungaádá' lo'ór /ayá' ar umuú AAKOÓ MUNGÚ nee kuungaádá' Munguú Israeli ngu tawo afeérár kaahá', ala ar looeemaawooká laqaá ar adór gana'aaká.

YEREMIA 44:26

Gawaá adoorihe axweesantá AAKOÓ MUNGÚ iiárií qaasaak, kuungaá múk Yuda sleémeero kuká' baraá yaamaá Misrír hoót. Anuú AAKOÓ MUNGÚ a kah, «Ga/aawaak, aníng lo'o aga /aáy ar umuueé' oo úr, nee a kah, heé Yuda oo yaamaá Misrír hoota oo káh, ‹Adoodá' AAKOÓ MUNGÚ ir hotaatin.› I kaahh tumu wák.

YEREMIA 5:2

Inooín tam lo'o ngi /ayia' iwa kaahiya', «Adoodá' AAKOÓ MUNGÚ ir hotaatin.» Tam adoorihe inooín a lo'o ngin /ayiyá' ar lama.

ESEKIELI 20:39

«Hám daxta kuungaá múk Israeli, anuú Aakoó MUNGÚ nun babaw, ‹Án bir iialooeemisa'aaká, kár ala gimsé', kumité' munguaá hatlá' sluufmisuuwo, ala tundun /uurutis umuueé' kudá' hhoohhoó' kuwa meera' /osliisliingo ar ilahhooa nee slaqsi'iihúng kudaá munguaá hatlá' kudá' ta haratlintaatia'.›

HOSEA 10:5

Yaamuloouusér Samaria in daaraxát as damaadár baraá Bet-aweni. Inooín tari tsuunqumiis as damaadá', kaahamuusér damaadá' ga sluufmiis iri /aa/amiín, as xirfuú damaadá' kuwa hingeés.

HOSEA 10:8

Wa/aamér munguúaá hatlá' kiwa sluufmiisi ar gawaá gongooamoó Afeni, tidár tlakweemaá Israeli, ka hhitín, fuquráy nee sla/a nin ti'iitiyá' gawaá kitángw sluufáy wa ale. Inooín tlom'i kiri bay, ‹Atén ti tuuntuke,› nee gongo'oma' kiri bay, ‹Atén ti harahue'.›

HOSEA 11:12

Múk Efraimu iga lamtár gaás, nee múk Israeli a al/aymuuse, ala Yuda tam hamí in tawo babaqaamiis dír Munguhe, dír inósuudá' hhoohhoó', kudá' inkihhím.

HOSEA 12:1

Umuú gaaro ar múk Efraimu i tlehhiiti a tawo. Lameemo nee muruú tlakwe ngin alkoná' tlehhtuuwo. Inooín alqado ngin tlehhiitiyá' nee múk Ashuru, nee di/i kan huwahuuw ay Misri.

HOSEA 12:11

Tam hamí munguaá hatlá' ki sluufmiis baraá Gileadiro, mukdá' sleémeero gi sluufmiís ku hhaamiis. Ala tam hamí damaay ki ilahhooár muruú ta tsú/í hanmiis baraá Gilgaliro, ala kiteeridaá ilahhooa ki ufér tlaa/e tleehh baraá hha'aá qamuuwo.

HOSEA 12:12

Yakobo aáng ina tláy ay yaamaá Aramu, amoodá' iwa gadiyuús as hare ngiwa slay. Inós bee/aangw guna de'én as hare ngiwa slay.

HOSEA 4:12

Muk'eé' i gurbu'utá firiirín dír xa'ano. Inooín kin geeraharahaar nee iigu'utuú hhara, asma inslawoó fuqi inooín gaa qwaareés, Munguúín nguri mayé' nay fuqtá ayé'.

HOSEA 5:8

Xareemi ufaahhaak baraá Gibearo, tarumbeéta baraá Ramaro. Uui tleereesaak baraá Beti-aweniro, múk Benyamini wakuuserhúng hanoos aluuhúng.

HOSEA 9:15

Tlakweemaín sleémeero dír ni dahhiya' a Gilgali, asma amorqá' an amór ngiwa geerií aáhh. Aníng inooín i guús baraá dooeene, asma tlehhmi'ii'ín awa tlakw Aníng inooín i malé sla'aaká, geeraharuuser'ín sleémeero aa dee/aanuumít.

AMOS 4:4

«Qwalaasé' amór Beteli as tawa dakusa'. Qwalaasé', amór Gilgali as tlakweema kiwa alkoondá' tlehhtuuwo. Ilahhooarhúng ar muruú ta tsu/i huwaare' umuúqo matlaatleero, nee umuúqo bál tame ilahhooarhúng ar sluufaay ngi hubá', umuúqo gár wák baraá muruú mibaango.

AMOS 5:5

Ala mi leelehhtuú awaara' amór Beteli, nee ma Gilgalír kawaara'. Laqaá ma waarahhara' Be'er-sheba. Asma yaamuloouusér Gilgali ka loohatis, nee ar Beteli ka hhaamiis.»

AMOS 6:10

Qoomár maamáy tuuadá' taa daá/ birngi tse/aá i duux, heé aa baraá qul/ír dóií nahhaat bir deer, barngwa báy, «Heé aa meet i deéro?» Heedaádá' in ooi, «Tumu wák i kaahh.» Ala iri ooi, «shi-shi-shi-shi xásl asma umuú AAKOÓ MUNGÚ u ooanaaká.»

AMOS 8:14

Kudá' lo'o ngaa /ayiye' ar umuú munguúín kudá' ta bay Ashima, oo gixsár Samaria, iwa kaahiya', ‹Ar adoodá' munguú Dani ir daadeér,› nee ‹Ar adoodá' munguú Ber-sheba ir daadeér,› mukwí i huuhu'ún, iri baloó sihhiitiiká.»

Efeso 5:11

Ma aldinku'uumisaara' nee mukdá' tlehhema'aá giwtír tlehhiít. Ala tlehhemi'iidá' na geehhooeesaak.

YOSHUA 5:9

AAKOÓ MUNGÚ Yoshua guri báy, «Daxta mureewaslayduú kuungá' tawa lawalér múk Misri laarí ugwa hingeés dirhunge.» Gawaá adoorihe didá' kari báy Gilgali tam ay laarí.

YOSHUA 7:2

Yoshua muu guna ya/aáw amór gixsár Yerikór wa ale ay amór yaamaá Ai, gixsadár bihhaá da/aáw awa Beteli, ar iisaapoó Bet-aweni, inooín giri báy, «Tlawsé' yaamuudá' tsawtsawuusare'.» Inooín tari tláy gixsár Ai ngiri tsawtsawuusiyé'.