HOSEA 4:14 - Biblía Axweesantá Hhohho' ar Mungú 2004

¹⁴ Dasuuhúng u slahh'eemisaaká as iwa fuquusi, tam /ameenár ta duxuút iwa tsee/aá wa hi'iimit. Asma hhawaateeín tana bihhií suruúk nee /ameenár fuquuse, ilahhooár muruú ta tsu/i ngin hanmiisiyá' baraá doó tsaatu'uumár wa ale dinkwa nee /ameenadár tsaatuuse. Mukwí tsaahhár koomaaká ku hhaamiis.

HOSEA 4:14 Iomraidhean Croise

1 WAAWITÁ 15:12

Inós hhawaateedá' nee hhawaataá hatlá' fuquusá' baraá doó munguaá hatlá' kiwa sluufmamiisi giri diyaá/ baraá ayko, slaqsi'iidá munguaá hatlá' taa tleéhh nee baabi'iiwós giri hingeés.

2 WAAWITÁ 23:7

Inós maraá mukduú tsaatu'uumár tlehhiít baraá Doó AAKOÓ MUNGÚ wa ale gina feé/, nee didá' /ameena hiya'aá sluufmisuú Ashera ngiwa tlehhit.

AXWEESANOÓ SAGALOOA 28:5

Múk tlákw sakwasleemár ganaa' ga tsaahhiiká, Ala mukdá' sleémeero AAKOÓ MUNGÚ gu leelehhiít sleémeero ga tsaahh.

ISAYA 1:5

Kuungá' a sla'á'a tunduwa muxi tam hamí? Baré a kumitá' baraá dee/aanuuwo. Saga in adáwa tiiq, muunaáwók i slahhaa'

ISAYA 27:11

Haleemaá xaai nina kahiyé' niri qeqtiné', /ameena nin hardát giri sleemís giri ásltár oohamís. Asma mukwí gár aa tsaáhh i káhh, gawaá adoorihe, tleehharusmooín gi sangw gurtlayká, kudá' inooín gaa tleehh gi sangw i gurtlayká.

ISAYA 56:11

Inooín an adór seeaawér hheehhuuse ar baloó axaaká. De'eemuuser'ín sleeme i tsaahhár koondaaká. Umuú heewo aa qaroó parangaá/ amoorós ar i slai, umuú heewo i slaasláwaarós leelehhiit, nee inooín sleémeero a gár wák.

DANIELI 12:10

Múk yaariír slasla/aruín ku hingees, ki hhohhoees nee kin hamaatl. Ala múk tlákw tan kumiit tlakweema tlehhtuuwo. Tam heé wák i kaahh dír múk tlakwe oo gaarí ga tsaahh. Ala múk sagalooár koóm an múk adoorí ga tsaáhh.

HOSEA 14:9

Heé sagaloó' muruuwí ngu tsaahhi. Heé daharuú koóm muruuwí ngu xui. Asma lohdaá AAKOÓ MUNGÚ i ganaaiyá', nee múk ganaá' lohuudá' gin eehar. Ala múk tlákw in dukuuts baraadae.

HOSEA 4:1

Kuungá' múk Israeli axweesantá AAKOÓ MUNGÚ iiárií qaasaak. Asma AAKOÓ MUNGÚ i múk yaamuuká' iigahhamiit, asma inkihhimu i kaahh nee hhooeemawo tam heé Munguú xuú' i kaahh baraá yaamuwo.

HOSEA 4:17

Múk Israeli aa kií/ amór munguaá slaqsi'i, mawaak kilooín ale.

HOSEA 5:4

Mukwí kwaa ilaá/ nee tlehhmi'ii'ín as kahhó' matawa kií/ amór Munguúín. Asma inslawoo fuqi aa haáts baraaine, tam AAKOÓ MUNGÚ ngu xuiaaká.

AMOS 2:7

Inooín múk aleesleemuú koomaaká ngun baramaanuusiyá', nee hariímár narkuute kana hayoohín. Garma nee baabuúwós tan fuqtá áy dír dasír wák. Gawaá adoorihe umuueé' kudá' hhoohhoó' nguri meetagaasiyé'.

AMOS 7:17

Gawaá adoorihe, AAKOÓ MUNGÚ i kaahi, ‹Hareerók i tsaatuso'o tleehhít baraá gixsaro, na/iiwók awa daaqaay nee awa dasu ki tsuu/ ar paánga, nee qaymoorók kan qasiis dír múk hatlá' ar hima, kuúnguú kilá' a gwá' baraá yaamaá naa meeta gwaaiye', nee múk Israeli kun loohatis amór saáw i ale dír yaamuuine.› »

FAARO 25:3

Adoorí an adór múk Israeli ira haragwaá' dír Ba'ali oo Peori, AAKOÓ MUNGÚ iri daa/atúy buhhtaawo amór múk Israeli.

Yohana 8:43

Ala tí án ni kah mas tsatsahhaanda'aaká? Asma kuungá' axweesante'eé' iiárií qaasaro a aleesleera'aaká.

Rumi 3:11

Heé tsaahhár koóm i kaahh, slám heé Munguú leelehhiít i kaahh.

1 Korinto 6:16

Laqaá a xua'akáhe heedaádá' ti haragaás nee tsaatuso'o, heedaádá' a slaqwtá wák nee inós. Asma Gooi i kat, «Kuká' tsár tari adór slaqwtá wák.»

Efeso 4:18

nee fuqurangw'ín i baraá giwtír i dirii'. Inooín dir'ín i káhh baraá slafingwdá' Mungú i haniisi. Asma inooín gár i xuiya' i káhh, slám ta ilaiwa/amér konká.

DABE 23:17

«Heé Israeli oo hhawaata laqaá /ameeni i baloó harinká iwa fuquusi dír doó munguaá hatlá' wa aleeró.

Ebrania 12:8

Ala kuungá' burtundu muxiiká, ar adoodá' umuúqo heewo is harin, daqdá' kuungá' a na/aá doroowáy, slám a na/aá kil'eeká.